(হুডিঞ মাছা কৗহ্নি)
ফারাক
 |
| বাবলু সরেন |
উনদ সিমল গেল সেরমারেন। চালাওএন সেরমারেয়াঃ সহরায়রে সিমল আয়োদ হুড়ু বদলতে খড়িমৗটি কিরিঞ কাতেঃ আর আরাঃ হাসা ঠেকাতে দিপিল অৗগু কাতেঃ গটা অড়াঃ দুয়ৗর কাঁথ ঝাকঝাকে সাফাকেদাঅনা পুঁড় খড়িমৗটি আর আরাঃ হাসাতে। অনা অড়াঃ সাফা যখচ্গে অড়াঃ বলন দুয়ৗর রেয়াঃ জজম পাহটা কাঁথরে সিমলাঃ বাংলা আখরতে অল "সরেন বাখোল " অলদ মুছৗওয়েনা। নোওয়া মাড়াং সিমল আয় বাবাদ অনা অল ঞেল কাতে হিরিক হেচ্ আকান পেড়াক মুদরে মিৎ বার হড়দয় মেন আকাৎ কওয়া- ঞেলপে ইঞরেন গিদরৗ অল পাড়হাঃএ সেঁড়ায়েদা, বাখোল বলঃ কাঁথরে সরেন বাখোলে অল দাড়ে কাওদা।
অনা তায়নম তিহিঞ পে গেল বার সেরমা পারম আকানা। নওয়া পেগেল বার সেরমারে বদল আকানা আয়মাকিছুগে, এমনকি সিমলাঃ মারে অড়াঃ, বাপলাহঁ হুয় আকান তায়া সিমলাঃ। সিমল তিহিঞ মিৎটাং গিদরৗ আপাৎ। উনি গিদরৗওয়াঃ উমের তিহিঞ গেল সেরমা।
সহরায় সেটেরঃ কানতে সিমল এরাদ হুড়ু বদলতে খড়িমৗটি কিরিঞ কাতেঃ আর আরাঃ হাসা ঠেকাতে দিপিল অৗগু কাতেঃ গটা অড়াঃ দুয়ৗর কাঁথ ঝাকঝাকে সাফাকেদা খড়িমৗটি আর আরাঃ হাসাতে। অনা তায়নম অড়াঃ বলন দুয়ৗর রেয়াঃ জজম পাহটা কাঁথরে সিমলরেন গেল সেরমারেন গিদরৗ অলচিকিতেয় অলকেদা - "ᱥᱚᱨᱮᱱ ᱵᱟᱠᱷᱳᱞ" ।
.webp)
