মানতান সাসাপড়াওইচ (আবোওয়াঃ কাথা)
সিধু কানু মিশনরেন গৗলিম আঃ দুখ আর কাঁহিস আড়াং
১১ সেপ্টেম্বর,২০২০
সারহাও- শ্রী কা ন্ত স রে ন
মানতান সাসাপড়াওইচ গমকে ( আবোওয়াঃ কাথা ) ,নওয়া লকডাউন রে পাঞ্জা- পাঞ্জাতে নাপায় মিৎটাং জিনিসে পাঞ্জা ঞাম আকাৎবনা। পুরুলিয়া জেলা আড়ষা থানারেনাঃ ভালিডুংরীরে, বেনাও আকানা মৗনমী বেনাও কারখানা। কারখানা রেনাঃ ঞুতুম' সিধু কানু মিশন ' । নওয়া মিশনরেনাঃ কাথা,আবো সানাম হড় সামাংরে সদর খৗতির ইঞ পাহটা খন তাঁহেয়েনা আয়মা সারহাও।
সিধু কানু মিশন রেনাঃ আনাট কাথা পাড়হাও কাতে দুখ ইঞ আটকারকেৎ রেহঁ, গরবহঁঞ আটকার কেদা। হড়াঃ আয়মা কিছু তাঁহেনরেহ আপনারাঃ বাং তাঁহে লেনখান ,হড়াঃ ঞেলকাতে গরব বুঝৗউ দ মুরুখ হড়াঃ কারবার। মিশনরেন গৗলিম মান নরেন হাঁসদা গমকে, আবো সানাম ক লৗগিৎ গরবলেকান মিৎটাং বঙ্গাথানে বেনাও আকাৎবনা। নওয়া বঙ্গাথান খনগে অৗখির লৗগিৎ শিখনৗতিয়ৗ হড়, বীরবান্টা,বীরবায়ার, সুসৗরিয়ৗ, রুসিকৗ এমান ক জানামঃ আ মেনতে ইঞাঃ পৗতয়ৗউ। মিৎটাং ডিহৗবৗতি খন শায়- শায়, হাজার- হাজার ডিহৗবৗতি জোল গানঃ আ - নওয়াদবন বাড়ায় গেয়া। নুই নরেন গমকে, অনা মিৎটাং ডিহৗবৗতি জোল কাতে, শায়- শায় ডিহৗবৗতি জোল লৗগিৎ এ হহ আবন কানা।
সাঁওতা সুসৗর লৗগিৎ, সাঁওতা গড়হন লৗগিৎ কৗউডি খন লাহাতে লৗকতিয়ৗ, মিৎটাং সিঞচাঁন্দো লেকান সাফা মনে। তাড়াম ডাহাররে কৗউডি আনাট হিজুঃরেহ, অনাতেদ কৗমি দ বাং আটকঃ আ। মানতান নরেন হাঁসদা গমকে, ১৫০ গটেজ রেঁগেচ্-নাচার- টুওয়ৗর গিদরৗ কওয়াঃ আঁঙ্গিভার গঃ কাতে, মিৎ নাপায় সুসৗরিয়ৗ আঃ উপরুমে এম আকাদা। নুই আঃ নংকান মহৎ সুসৗর কৗমি রেনাঃ খবর আঁজম কাতে, উনি সোরতে সেটেরগে আবো সানাম কওয়াঃ মান ওয়া লেকানাঃ যথাৎ কৗমি। মান হাঁসদা গমকে, ইঞ পাহটা খন তাঁহেয়েনা আয়মা সারহাও । নওয়া মিশন আতে ইঞাঃ মনে রেনাঃ কাথা অনড়হেঁ তালাতেঞ বাড়ায় হচকেৎ পেয়া-
ইঞাঃ মেৎতে আমাঃ সিরজন
সিধু কানু দিশৗতে,হড়াঃ দুখ ঞেলতে
জ-র লেদাম এহো খেরওয়াল , আমাঃ মেৎদাঃ।
মেৎদাঃতে মেৎদাঃ এম জৎ এৎ, মনেতেম তলেৎ মনে
সাহায়েদাম সাঁওতা ঞুতৗত,আমাঃ মনে আরশালতে।
আমাঃ উইহৗর আমাঃ ভাবনা,গড় আমায় চাঁন্দো
বেনাও আমায় মৗন সালাঃ ধৗরতী সরেস গাঁন্ডো।
আলম থিরঃ আলম বতরঃ,এহো খেরওয়াল বয়হা
সৗরি সাঁওতা মেনায় সাঁওতে,পারম লৗগিৎ দারহা।
.webp)
