তেহেঞাঃ
আখড়ারে যাঁহায় কো সেলেদ্ আকান- রিলৗমালা মুরমু, মানস হাঁসদা, সূচনা হাঁসদা, ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ, সারি ধরম হাঁসদা,
সুচাঁদ হাঁসদা, -গণেশ মারান্ডি, -সনাতন টুডু, নিকোলাস মারানডি, দুগাই টুডু, শশীকান্ত মুরমু, গাতে টুওয়ৗর, বাবলু সরেন
 |
| রিলৗমালা মুরুমু, ক্লাস- III জেলা - পুরুলিয়া |
 |
মানস হাঁসদা, ক্লাস-IV
জেলা - বাঁকুড়া
|
 |
সূচনা হাঁসদা, ক্লাস - VIII
জেলা - বাঁকুড়া
|
১।।
ᱮᱱᱟ
ᱵᱤᱸᱫᱤ
 |
ᱮᱢ. ᱱᱮᱯᱳᱞᱤᱭᱚᱱ ᱴᱩᱰᱩ
ᱮᱱᱟ ᱵᱤᱸᱫᱤ ᱥᱤᱸᱫᱤᱼᱱᱤᱸᱫᱤ
ᱪᱟᱜᱼᱮᱢ ᱜᱟᱜᱟᱜ ᱠᱟᱱ
ᱦᱟᱞᱮ ᱜᱮᱛᱚ ᱯᱟᱨᱚᱢ ᱟᱠᱟᱱ
ᱡᱟ.ᱯᱩᱫ ᱟᱥᱟᱲ ᱥᱟᱱ
᱾᱾
ᱱᱤᱛᱫᱚ ᱦᱟ.ᱞᱤ ᱦᱟ.ᱨᱭᱟ.ᱲ
ᱟᱠᱟᱱ
ᱢᱚᱡᱽᱜᱮ ᱞᱤᱞᱤᱼᱵᱤᱪᱷᱤ
ᱟᱲᱮ ᱥᱟᱞᱟᱜ ᱡᱚᱴᱮᱫ ᱟᱠᱟᱱ
ᱞᱤᱰᱩᱨ ᱦᱳᱲᱳᱼᱜᱟᱪᱷᱤ
᱾᱾
ᱚᱱᱮ ᱚᱸᱰᱮ ᱜᱟᱵᱟᱱ ᱢᱮᱥᱮ
ᱥᱩᱛᱟ.ᱢ ᱵᱤᱸᱫᱤ ᱟᱢ
ᱛᱟᱲᱟᱢ ᱛᱩᱞᱩᱡ ᱛᱤᱥᱦᱚᱸ
ᱵᱟᱠᱚ
ᱠᱚᱞᱥᱟ ᱜᱤᱰᱤ ᱛᱟᱢ
᱾᱾
ᱟᱨᱟᱜ ᱞᱮᱱᱨᱮ ᱵᱮ.ᱞᱮ. ᱦᱳᱲᱳ
ᱟᱢᱫᱚ ᱥᱟᱦᱟ ᱡᱚᱝᱢᱮ
ᱦᱚᱦᱚ ᱟ.ᱢᱟ.ᱧ ᱜᱟᱛᱮ ᱵᱤᱸᱫᱤ
ᱥᱟᱺᱜᱤᱧ ᱠᱷᱚᱱᱜᱮ
ᱜᱚᱝᱢᱮ ᱾᱾
ᱵᱟ.ᱭ ᱵᱟ.ᱭᱛᱮ ᱩᱱᱫᱚ
ᱵᱤᱸᱫᱤ
ᱟᱞᱚᱢ ᱵᱷᱟ.ᱵᱤᱛ ᱪᱮᱫ
ᱦᱤᱡᱩᱜ ᱢᱮᱥᱮ ᱦᱚᱨ ᱦᱚᱨᱛᱮ
ᱟᱞᱮ ᱚᱲᱟᱜ ᱥᱮᱫ
᱾᱾
=O=O=O=O=O=O=
২।।
গুঁডরি গুঁডুর
 |
সারি ধরম হাঁসদা
|
গুঁডরি গুঁডুর- দিনৗম ক ডুর্
তাঁহেন টৗন্ডি টিকুর,
চেরেজ এনেজ মেলকে মেকেজ
বাংক গেমের অৗচুর।
দিনৗম গেক সামাং বাড়ায়
ডোঁবে ডুডুর মচা,
গাতে তেক পানতে বাসায়
বুরু লদম কচা।
পারম চালাঃ দাঁসায় সহরায়
রৗসকৗ রমজ মাহা,
তাঁহেনা ক ওকো সুঁদুজ
বাং ক তেলায় রাহা।
গুঁডরি গুঁডুর
দিনৗম ক ডুর
তাঁহেন টৗঁডি টিকুর,
সিঁগে দক
বেঁগেৎ লাঁগায়
ঞিদৗ দক উদুর।
(২)
বৗরুডি রেন সসরজ
টৗঁড় টৗন্ডিরে তজতজ্,
আটেৎ অৗমৗঞ পৗটয়ৗ পটম
ঘাসরে জবজ জবজ্।
আরহঁ পালেম খকজ্
মনে আলম মকজ,
ঘান্টা রকজ রাসেঞ সোরাম
মজগে রবজ রবজ।
বৗরুডি রেন সসরজ
খোলোন বরজ বরজ,
রদে কৗমৗঞ নৗকিজ কৗমৗঞ
মজগে নাপায় অকজ।
রৗসকৗ মনেম রমজ
আখড়া তালাম গরজ,
লিকিৎ লৗওয়ের ডাঁডাঁম হিলৗও
মজগে ঠপোঠজ।
=O=O=O=O=O=O=
৩।।
ঝঁড়ে রঁড়ে ( দসার হাটিঞ )
 |
মিৎ দিন কিন চালাও লেনা,
ঝঁড়ে রঁড়ে কুমবুড়ু ৷
জৗপিৎ গিদৗর ঞাঁম কাতে,
ধুরৗও এনাকিন বুকড়ু ৷
বুকড়ু সাঁওতে গিদৗর মাত,
খিটি খিটিয় লাঁদায়,
কেরচ কেরেচ চেরেচ আতে,
ফৗড়য়ৗঃ ফৗড়য়ৗঃ এ ফাঁদায় ৷
লাঁদা আঁজমতে খিটি খিটি,
এভেন এনকো সানাম ৷
উন তেদকিন ধুরৗও আকান,
আকা রেনাঃ তিরয়ো বানাম ৷
দাল কিনপে মেন কেত খান,
খেপা লেকাকিন বাখনাঃ ৷
বাংদম রৗগিঃ বাংদম লাঁদায়,
বাংদ ঞেঁলতেম ভাবনাঃ ৷
=O=O=O=O=O=O=
৪।।
দাঁসায় বঁগা
 |
-গণেশ মারান্ডি
সাগেন সাকাম
|
সেটের আকান দাঁসায় বঁগা বৗদ-বৗইহৗড় হানে ,
হৗড়য়ৗর ঞেলঃ হোড়ো গৗছি মজগে রানে ভানে ।
খেত আড়েরে পোডগে অনে কৗসি বাহা ঞেলঃ,
হিসিৎ হয়তে দালকে দালের রৗস্কৗ তেক খেলঃ।
সেতাঃ ঘাসরে ঞেলঃ শিশির টিয়ৗল টপল,
সাড় বাহারে ঊরূ-ভাওয়ার সৗগৗই তাক তপল।
বেড়া তারাস খিল্ডুয় এনেচ্ ঝিঙৗ বাহা করে,
হেমাল হিসিৎ হয় দ সৗরি তেতাঙ মনেয় অরে।
লিল সেরমারে পোঁডগে রিমিল মজগে অটাঙ চালাঃ,
ইঞ দ সানাঞ উডৗও বাড়ায় একাল উনক সালাঃ।
গৗডয়ৗ-জলা-পুখরি রেমা পরায়নি-উপৗল বাহা,
শিউলি সধাড় সিঁগৗড় তরা অটাঙঃ জাঁহা তাঁহা।
দাঁসায় বঁগা দাঁসায় দাঁড়ান ঝাঁয় করতাল সাডে,
মারে রুসিকায় তাঁগি কাক মেনায় দুড়ুপ গাঁডে।
হৗড়য়ৗর-হৗড়য়ৗর বৗদ-বৗইহৗড় রে কঃ ক অৗতিঞ বাড়ায়,
মনে রেয়াঃ বাজ ক সৗরি দাঁসায় চাঁদোয় রাড়ায়।
=O=O=O=O=O=O=
৫।।
হপন বৗবু
 |
-সনাতন টুডু
হপন বৗবুয় রৗগি আকান
বায় জমেদ দাকা,
সেতাঃ খনাঃ গুরুঞ গুরুঞ
উকুন অড়াঃ কচা।
আয়োয় মেতায় হপন বাবু
আলো বেটাম রৗগি,
সিঁগৗড় বেড়া বাজার খনাঃ
আগু আমাঞ গাড়ি।
দিনাম দিন পে এড়েয়িঞা
মিৎ অড়াঃ হড়,
বাংপে বুঝৗও হপন বৗবুয়াঃ
মনে রেনাঃ দড়।
বৗঞ জমা তেহেঞ খনাঃ
দাকা উতু লৗডু,
গাড়ি বাংখান কচা রেগিঞ
তাঁহে কঃআ উকু।
আয়োয় মেনা হপন বাবু
আলো সেরেম রৗগি,
সিঁগৗড় বেড়া মস্ত মারাং
কিরিঞ আমাঞ গাড়ি।
=O=O=O=O=O=O=
৬।।
সৗতু জম
 |
| নিকোলাস মারানডি |
বৗবুয় জমা জনডরা সৗতু
লাঠে পাঠে গটা নৗথু
ইনৗ তেগে লাচ্ দ ফুলৗউ
দিনমান আদ মেনায় বুলৗউ ।
তাঁক তাঁকরে দাঃ এ ঞুয়
লাচ দ ফুলৗউ চুঁয় চুঁয় ।
দাকা দ বাং রেঁগেজে
সৗতু গেথয় সঁগেয়াদে।
অনা তেগে সৗতু জম,
মেতাঃ আকো লৗটু জম।
=O=O=O=O=O=O=
৭।।
চেঁড়ে
চুপরুৎ
 |
দুগাই টুডু
দেলা বৗবু বেরেৎ মেদ
আঁগা সেতাঃ এনা,
চেঁড়ে চুপরুৎ এভেন কাতে
চেরো বেরো কানা।
(২)
ঝিপির ঝিপির দাঃ
ঝিপির ঝিপির দাঃ এদা
গিদ্রৗকো উডুং এনা,
কুশি রৗস্কৗ কাতে আদ
দন বাড়ায় কানা।
(৩)
হাড়াম হড়
হাড়াম হড় এ সেনঃ কানা
ঠেঁগা তিরুপ্ আতে,
আচ্কা গেচয় ভিঁদৗড় এনা
লেঁজেৎ বাড়া কাতে।
=O=O=O=O=O=O=
৮।।
বিটিয় সেনঃ জামায় অড়াঃ
 |
শশীকান্ত মুরমু
বিটিয় সেনঃ জামায় অড়াঃ
হরঃ কাতে রূপৗ তড়া
দৗউড়ৗ চেতান দেচ্ কাতে
হপন বৗবু সেতাঃ খনাঃ
নাপায় কাতে সাজঃ কানা
চালাঃ লৗগিৎ আচ্ সাতে।
গড়ম বুড়হি ফোকলা মচা
গুড়দৗও কাতে গটা রাচা
দমেয় রাঃ রাঃ কানা,
বানু তাপে দায়া মায়া
ইঞ হঁঞ চালাঃ গেয়া
বৗঞ আঁঞ্জমা আপেয়ামানা।
গড়ম হাড়াম রবঃজল
মেন কেদায় সানাম চল
সাধের গড়ম কুড়ি তিঞ,
সানাম গেপে চালাঃ কানা
ইঞ বেলা চেদাঃ মানা ?
চালাঃ গেয়াঞ ইঞ।
আঞ্জম কাতে জামায় কড়া
কয়ঃ কেদায় কৗটিচ্ থড়া
ইনৗ তায়ম মেন কেদায়
লংতা-বারয়াৎ রুয়ৗড় চঃ কো
বাং ইঞ চালাঃ ইঞদ আদ
তাঁহেনাঞ ঘৗরদি জামায়।
=O=O=O=O=O=O=
৯।।
আলম রাগা
 |
- গাতে টুওয়ৗর
কুককু ডুবুর পতাম ,
হপন বৗবু আলম রাগা
চেৎহঁ বালে মেতাম ।
বাবা খানদ লাডু আগু
গগ খানদ মিঠৗই ,
মামা আয়ো অৗগু আমায়
গাপা আরহঁ খৗকৗই ।
হৗনি তরা লোঁডো পুশি
খজঃ কানায় ভাগ ,
থির কাতে জৗপিৎ মে-মা
আদ আলম রাগ ।
=O=O=O=O=O=O=
১০।।
মিরুওয়াঃ
আঁশ
 |
বাবলু সরেন
মিরুদ মঁড়ে চানাচ্ রেয় পাড়হাঃকানা। আতো টলা-পাড়া করেন আয়মা গাতে কুড়ি মেনাঃ কতায়া সানামকগে মিৎ সাঁওতেক পাড়হাঃআ। এনহঁ বিরডিরেন সুমি, বাড়েডিরেন মায়ন সালাঃদ বেশিয় গাতেঃআ। চেদাঃসে সুমিদ এনেচ সেরেঞ টিউশন রেয় পাড়হাঃআ অনাতে সুমিয়াঃ এনেচ সেরেঞ ঞেলতে মিরুয় মেনা মাসে সেঁড়া আঞমে। সেঁড়াহঁয় সেঁড়াকাওদেয়া নাসে নাসে। আর নতে মায়ন হঁ ছবি আঁকাও সেঁড়া লৗগিৎ টিউশনে পাড়হাঃআ। মায়নয়াঃ আখাও চিতৗরদ আবোয়াঃ কাথা ওয়েব পেজরেহঁ ছাপা সদর আকানতায়া। উনি ঞেলতে মিরুহঁ আয়াঃ অংক খাতারেয়াঃ মুচৗৎ সাকামরে উসুল বুরু জিলিং দারে রঙ্গিন চুপি চেঁড়ে আর থৗরি লেকান বেড়াহঁয় আঁখাও আকাদেয়া। বেড়া ডুবুজঃ যখচ মিরুদ আতোরেন গাতে কুড়িক সালাঃ খেলড তায়ম সেরেঞ সেরেঞতে অড়াঃ এ বলয়েনা। আচ্ আয়ুয় মেনকেদা এনেচ্ সেরেঞ বন্ধ কাতেঃ লগন পাড়হাঃ দুড়ুবমে। মিরুয় মেনকেদা - য়ু ইঞাঃ অংক খাতা চাবাও আকানা। ,আচ্ আয়ুয় মেন রুওয়ৗড় কেদা মিৎ চান্দো আওরি চাবাঃ তেগে খাতা চাবায়েনা
? উকুর ইঞ ঞেল লেগেসে চেৎকম অলেৎতে খাতাগে চাবাঃ কানা দিনৗম হিলোঃ ? খাতা অটাঃ বাড়া
কাতেয় ঞেলকেদা অনা বির বুরু দাড়ে নৗড়িরেয়াঃ চিতৗর। হাপে আমদ আম বাবা কৗমিখনে রুয়ৗড় লেনগে তিহিঞদ ভালেঠিক বাং দাল হচলামখান বাম সজহেঃআ। হানা নওয়া চিতৗর আখাও কাতেৎগে খাতা কদম চাবায়েদা। পাড়হাও মেতাম খানমা বাং ঢং আমা খৗলি গাতেকুড়িক সালাঃ এনেচ সেরেঞ আর খাতা খরচ কাতেঃ ছবি আখাও বেগর আদ কৗমিগে বৗনুঃআ বাং
? লগন ইংরেজী বই উন্ডুক কাতে জোর জোরতে পাড়হাঃমে ইঞদ দাকা উতুঞ চঁন্দালেগে।|
মিরুহঁ আদ অনা এনেচ সেরেঞ আর চিতৗর আখাও রেয়াঃ কুড়ৗই তিহিঞদ ধার দেনা হালা লেকায় ঞামা জৗনিচ অনকা উইহৗর কাতেঃ মেৎদাঃ জৎ জৎতে পাড়হাঃএ দুড়ুব এনা…..।
=O=O=O= মুচৗৎ =O=O=O=
.webp)
