বাডায় আকানা অলচিকিতে
টেশন করেনাঃ ঞুতুম আডি হুডিঞ হুডিঞ অলঃগঃ কানা আর বানান ভুল তাঁহেন কানা মেন্তেহঁ
আয়মা হড়গে অভিযোগ ক আগুওয়াকাদা। আরহঁ আয়মা হড়গে নোওয়াদ দায়সারা কৗমি সাঁও হঁক তুলুজ্
আকাদা মেন্তেহঁ সোশ্যাল মিডিয়া তালাতে বা্ডায় ঞাম আকানা।
সান্তাড়ি পৗরশি অলচিকিতে নোওয়া হুডিঞ হুডিঞ দায়সারা অল বাংক মানাও দাড়েয়াঃ কানা মেন্তে অভিযোগ ক আগুওয়াকাদা, অনা বেগর নংকা অল খৗতির সান্তাড়ি পৗরশি অলচিকিরেনাঃ অপমান আর সান্তাড় জৗতিয়াঃহঁ অপমান হোয়োঃ কানা মেন্তে আয়মা হড়গে কাথা কো রাকাব্ আকাদা মেন্তেহঁ বাডায় আকানা। আদম কদ বাংলা,ইংরেজি,হিন্দী লিপি লেকাগে অলচিকিতেহঁ সমানতে মারাং মারাং অলঃরেনাঃ দাবী হঁক রাকাব্ আকাদা। আদম কদ আরহঁ নোওয়া কো অল ঞেল কাতে সান্তাড় জৗতিকো ভুলৗও অচয় না মেন্তেহঁ কাথাক রড় রাকাব্ আকাদা।
নোওয়া ইদিকাতে
পুরুলিয়া জেলা ভারত জাকাত যুওয়ৗন মহল রেন সভাপতি মানতান রাজেন টুডু গোম্কে আবোরেন
খবরিয়ৗয় বাডায় অচ আকাদেয়াঃ বাংমা হলা ২৩ সেপ্টেম্বর পুরুলিয়া আদ্রা ডি.আর.এম. ঠেন অলচিকিতে
দায়সারা অল রেনাঃ অভিযোগ কো আগুলেৎরে ডি.আর.এম. বাডায় অচ আকাদ কোওয়া বাংমা ডিস্টার্ব
অল আকান টেশন করেনাঃ লিস্ট ঞাম লেনখান গে অনা ক আরহঁ দহড়াতে অল রুওয়ৗড় রেয়াঃ কাথায়
সদর আকাদা মেন্তে বাডায় আকানা। নঁতে টেশন করে ট্রেন হিজুঃ সেনঃ রেনাঃ সান্তাড়ি পৗরশিতে
বাঁখেড় লৗইতে কুক্লি রাকাব্ লেনরে ডি.আর.এম. বাডায় অচ আকাদ কোওয়াঃ বাংমা নোওয়া করোনা
পুরিস্থিতি সোঁঘোড় লেনখানগে আর ট্রেন কো চৗলু লেনখান গে সান্তাড়ি পৗরশিতেহঁ বাঁখেড়
চৗলু আ মেন্তে বাডায় ঞাম আকানা।
.webp)
