আবোওয়াঃ ওয়েব পেজ- পছিম বাংলা সান্তাড়ি মাচেৎ সংগঠন আঃ সাপ্ড়াওতে আর পছিম বাংলা সান্তাড়ি মাচেৎ সংগঠন বাঁকুড়া জেলা চাঁগা আঃ গড়তে দারায় কান ২৭ সেপ্টেম্বর সিঁগি মাহা হিলোঃ বাঁকুড়া কমলপুর রেনাঃ রাঙ্গামেট্যা গ্রামীণ উন্নয়ন সংস্থা রেনাঃ সভা অড়াঃরে মাচেৎ মাহা উনুইহৗর আখড়া সাপ্ড়াও আকানা মেন্তে বাডায় আকানা।
বাডায় আকানা পছিম বাংলা সান্তাড়ি মাচেৎ সংগঠন দ জানাম খনা গে আদিবাসী মেনেৎ সান্তাড় সমাজ রেনাঃ গণসংগঠন কোওয়াঃ গড়তে আদিবাসী মেনেৎ সান্তাড় কো সেচেৎ রেনাঃ মুল রেহেৎ রে আগুয় লৗগিৎ মিৎ নাগাড়গে আন্দোড়রে মেনায়া। অনা সাঁওতে আদিবাসী সমাজ রেন সানাম মাচেৎ-মাচেতানি কো মিৎ ঠেন জাওরা কাতে জৗতি লাহান্তি রেনাঃ এ রিকৗয়ৗ লৗইতে সংগঠন নানাহুনৗর কৗমি হরায় হাতাও আকাদা মেন্তেহঁ বাডায় আকানা।
চালাও আকান সেরমা কো লেকাগে নেশহঁ জৗতিয়ৗরি মাচেৎ ডঃ সর্ব্বপ্ললী রাধাকৃষ্ণান আঃ জানাম মাহা দিশৗকাতেৎ ইনৗ হিলোঃ ১০ টাড়াং অক্তে অনা আখড়া সৗখি সভা আ। অনা মাহা রেগে জিরৗও আকান মাচেৎ-মাচেতানি কো মুদ্রে জৗতিয়ৗরি মাচেৎ সারদা প্রসাদ কিস্কু উনুইহৗর গুণমানাও সারহাও চাল হোয়োঃ আর সান্তাড়ি পৗরশিতে নেশাঃ মাধ্যমিক-উচ্চমাধ্যমিক রেন Top Ten পৗঠুওয়ৗ বৗবু-মৗই তাকো হঁ সারহাও এম চাল হোয়োঃ আ মেন্তেহঁ বাডায় আকানা।
নোওয়া আখড়ারে মাড়াং পেড়া লেকাতে সেটেরে তাঁহেনা বলরামপুর ফুলচাঁদ হাই স্কুল রেন মাচেৎ মানতান ডঃ জলধর কর্মকার, মৗনৗন পেড়া লেকাতে সেটেরে তাঁহেনা বাঁকুড়া জেলা পারগানা মহল উপদেষ্টা মন্ডলীরেন রৗসিয়ৗ মানতান দুর্গাদাস মুরমু, নেঁওতা পেড়া লেকাতে সেটের তাঁহেনায় পুরুলিয়া লালপুর মহাত্মা গান্ধী মহাবিদ্যালয় রেন প্রফেসর মানতান শশীকান্ত মুরমু গোম্কে সাঁওতে আরহঁ সেটের তাঁহেন কানাকো পছিম বর্ধমান জেলা কমিটিরেন মাচেতানি মানতানিয়ৗ উন্নতি মুরমু, তালমা কমিটিরেন সভাপতি মানতান পাঁচুগোপাল হেম্ব্রম, তালমা কমিটিরেন সুৎরেৎ মানতান সমীর কিস্কু, পুরুলিয়া জেলা কমিটিরেন সভাপতি মানতান বঙ্কিম বাস্কে, আর পুরুলিয়া জেলা কমিটিরেন সুৎরেৎ মানতান শ্ত্রুঘ্ন মুরমু গোম্কে এমানকো।
বাডায় আকানা নোওয়া আখড়ারে সভাপতি লেকাতেয় তাঁহেনা বাঁকুড়া জেলা পছিম বাংলা সান্তাড়ি মাচেৎ সংগঠন উপদেষ্টা মন্ডলীরেন রৗসিয়ৗ জৗতিয়ৗরি মাচেৎ মানতান গোরাচাঁদ মুরমু গোম্কে।
আর নোওয়া সানাম লেকানা ডগর বাডায় অচ কাতেৎ সংগঠন রেন সভাপতি মানতান বৈদ্যনাথ হাঁসদা আর সুৎরেৎ মানতান বাবুনাথ টুডু গোম্কে তিকিন সানাম কো নোওয়া আখড়ারে সহর সেটেরঃ লৗগিৎ নেঁহর কিন দহ আকাদা মেন্তেহঁ বাডায় আকানা।
.webp)
