সিঁগি মাহা রেনাঃ সাকাম “চেরেচ্‌ আড়াং” লেখা-৪, চেতান মানতান শ্রীকান্ত সরেন গোম্‌কেয়াঃ তুলৗজখা-

মানতান সাসাপড়াওইচ্‌ (আবোওয়াঃ কাথা)

সিঁঙ্গি মাহা- ' চেরেচ আড়াং ' || ২০সেপ্টেঃ২০২০|| লেখা:৪ , সাকাম-১

তুলৗজখা- শ্রী কা ন্ত স রে ন

সিঁঙ্গি মাহারে গিদরৗ কওয়াঃ অনড়হেঁ সাঁওতে,গিদরৗ কগে মিৎবার আডি নাপায় জেয়েৎ চিতৗর ক বেনাও আকাদা। অনা ক ঞেল কাতে আডি রৗসকৗঞ আটকার কেদা। অনাতে উনকু বৗবু- মৗই তাক লৗগিহঁ তাঁহেয়েনা চঃ চেরেচ সারহাও।পৈলো চিতৗর দ রিলৗমালা মূর্মূ আঃ ( class- III)। উনিরেন ডলফিন জড়তে আডি নাপায় কিন দন এদা। মেনখান অনা দাঃআর কৗটিচ লীল লেনখান, আডি নাপায় কঃ আ। দসার চিতৗর দ মানস হাঁসদা আঃ‌ ( class- IV) । নুই আঃ চিতৗর রে বারয়া ডুংরী তালাতে, সিঞচাঁন্দো আডি নাপায়ে ডুবুজঃ কানা। তেসার চিতার দ বিজয় কিসকু (class- VI)। নুই আঃ চিতৗর ঞেল কাতে, মনে হোয়োঃ কানা, অনাদ কুকমুতে ঞেল আকান দিসম। অনা দিসমরেদ দাঃ হাসা দারে সাঁওতে সিঞ চাঁন্দো সানাম ক গে জৗনিচ আডি রৗসকৗতেক তাঁহেনা। আশ তাঁহেয়েনা বৗবু- মৗই তাক নওয়াক চিতৗর লেকা, আকওয়াঃ জিয়ন চিতৗর ক বেনাও দাড়েয়াঃ মা।

১. গিদরৗ বাউলী - সারি ধরম হাঁসদা

ছন্দ তালাতে সারি ধরম হাঁসদা নাপায় ' গিদরৗ বাউলী ' য় আড়তি আকাৎবনা। গিদৗর ক- ক কৗই লেখান লৗটু হড় ক রোহেৎ আনিজ আ, মেনখান লৗটু হড় ক কৗই লেখান অনাদ বাং ক মেৎ লুতুরাঃ আ। অনড়হেঁরে গিদৗর আর হাড়াম কওয়াঃ, কৗইরেনাঃ নাপায় তুলৗজখায় বর্নন আকাদা। মেনখান বেওহার আকান মিৎবার আড়া কদ থড়া নাওয়াগে আইকৗউ এনা। যেলেকা: ᱡᱩᱯᱟ.ᱛᱤ , ᱯᱟ.ᱲᱦᱟ. , ᱜᱩᱲᱦᱟ. , চেঁদড় এমান ক।

২. ঢিপচু,তুয়ু, বানা - দুগাই টুডু

মানতান দুগাই টুডু গমকে, ঢিপচু, তুয়ু আর বানা সাঁও গিদরৗ ক ছন্দতেয় সোতোঃ আকাৎ কওয়া। মেনখান ঢিপচু চেড়ে ছন্দতে বায় রাঃ আকাৎ তায়া। তুয়ুদয় ঠিকগে রেহ, বানাদ জৗনিচ থড়ায় হাড়াম ঞঃ আকানা।

৩. রটে বৗহু - সুচাঁদ হাঁসদা

 সুচাঁদ হাঁসদা ইচ হপন বৗবু, ' রটে বৗহু ' ঞেল কাতে আডি আঁটে কুশি আকানা। মেনখান টুটুরি কাতেয় হ্যেজ লেনখান, আলেহলে কুশি কঃ আ।

৪. বৗরুবুটৗ আখড়া - অনল বিঁদি

অনল বিঁদি আঃ ' বৗরুবুটৗ আখড়া ' আডি জাকজমক গেয়া। নাচোনিয়ৗ আর এনেচ তেনক, টুডু রুসিকৗ আর বেসরা নাচোনিয়ৗ লেকা ক জড় আকানা। মেনখান ' বৗরুবুটৗ আখড়া ' আর কৗটিচ হুডিঞ লেনখান জৗনিচ আডি নাপায় কঃ আ।

৫. তিকিছাঃ - কুশদেব বাসকে

কুশদেব বাসকেয়াঃ অনড়হেঁ রেনাঃ রাসাদ সেবেল গেয়া মেনখান  ' তিকিছাঃ' রেনাঃ রাসা দ বাং ঞামলেনা।লেখা-৪ , সাকাম-২সিঁঙ্গিমাহা ' চেরেচ আড়াং ' সাকাম-২ রেনাঃ সুচনা হাঁসদা ( ক্লাস এইট )আঃ  , আতো দিসম চিতৗর ঞেল কাতে মনে হোয়েনা, অঁডেগে নাপায় সুখ মেনাঃ আ। রাবন হেমব্রম (class IX) আঃ বেড়া ডুবুজ চিতৗরহ আডি নাপায়। মনে হোয়োঃ কানা, বেড়াদ অত লাতার সেৎ এ বল চালাঃ কানা আর চেড়ে কহ কৗমিলাঁঙ্গা অড়াঃ ক রুয়ৗড় কানা। নুকিন পৗঠুয়ৗ কড়া- কুড়ি, জিয়নভর আরহঁ নাপায় নাপায় চিতৗর কিন বেনাও দাড়েয়াঃ মা; নওয়াগে ইঞাঃ আশ তাঁহেয়েনা।

৬. খাপায়- খপয় - এম. নেপোলিয়ন টুডুএম. 

নেপোলিয়ন টুডু ' খাপায়- খপয় ' তে গড়ম বুড়হি এ‍ড়ে কাতে, সিলি-সৗগুনাঃ তালে ডোম্বোঃ জম; আডি নাপায়ে সিরজন আকাদা। তালে ডোম্বোঃ লেকা নুই আঃ ছন্দহ, আডি আঁট হেড়েমা।

৭. আয়ো চিতৗর সামাংরে হপন মাই - সনাতন টুডু

সনাতন টুডু জেলেঞ অনড়হেঁ তালাতে, হপন মৗই আঃ মনেরেনাঃ দুখ কাথা,আডি নাপায়ে ফুটেল আকাদা। হুডিঞ অকতে এঁগাত সাও গিদৗরাঃ মনে, দাঃ সাও জিউয়ী লেকা। নওয়া কাথাগে অনলিয়ৗ গমকেয় ফুটেল আকাদা। ছন্দরে মিৎবার তহৎ হাড়াঃ মেনাঃ আ। অনড়হেঁ রেনাঃ গুন সরেস থকরে মেনাঃ আ।

৮. ডাহার ধুড়িরে বাপলা  - গাতে টুওয়ৗর

গিদৗর উমেররে ' ডাহার ধুড়িরে বাপলা  ' জুয়ৗন অকতরেনাঃ বাপলা খনদ আডি রাসকা, আডি চমকরচ,আডি সুখ। ডাহার ধুড়িরেন বৗহু- জাঁওয়ায়, বৗরয়ৗৎ, রুসিকৗ এনেজ কড়া- কুড়ি আডি ক কাচাক আ। সাঁওতে দাকা আর জেল উতু, জম কাতেহ বাং বি লেকা আইকাঃ আ। গাতে টুওয়ৗরাঃ নংকান বাপলারে, নেঁওতা বাং ঞাম কাতেহঁ চালাও বুঝৗউ আ।

৯. হপন মৗই আর গাতে ক - বাবলু সরেন

বাবলু সরেন রেন ' হপন মৗই আর গাতে ক ' নাওয়া জুতৗ হরঃ কাতে, জেল দাকা জম কাতে, শাড়ি বাঁদে কাতে, তি-তি সাব কাতে, রেগড়া তাড়তে নেনে পেতে সেরেঞ কাতে আডি রৗসকৗ ক এনেজ আকাদা। অনড়হেঁরে ছন্দ বাং লেঁজের রেহঁ, সাঁওহেৎ রাসা দ হেড়েম গেয়া।

১০. বৗরুডাং - বিভূতিভূষণ সরেন 

বিভূতিভূষণ সরেন ইচ ' বৗরুডাং ' দ জমতেহয় সেবেলা,বানাম রেহয় সাডেয়া। অনলিয়ৗ গমকে আঃ বৗরুডাং আতে নাপায় সিরজন।

১১. সাদম - নিকোলাস মারানডি

নিকোলাস মারানডি ইচ ' সাদম ' জোরতেদ বায় দাড় দাড়ে কাওদা। ছন্দ ডাহার ঢিপ- ঢাপ গেয়া, অনাতে দাড়রে দাড়ে কম আকান তায়া।

- মুচৗৎ -