অক্ত রেনাঃ গনং
-সুরেন্দ্রনাথ মান্ডি
অক্ত দ তিঁগু থির বাং তাঁহেনা, পারম চালাও আকাগে তাঁহেনা, অকয় হঁ বায় তাঁগি কোওয়া। অনাতে জাঁহা অক্ত রেনাঃ জাঁহা কৗমি, অনাদ উন অক্ত গে কৗমি সিগিল লেক্ কানা আর বাংখান তাঃয়মা। মৗনমি জিয়ন রে অক্ত রেনাঃ গনং দ অসাম্ভেড় গেয়া। জানাম খন গুরঃ হৗবিচ্ অক্ত দ পোন হৗটিঞ তে হৗটিঞ মেনাঃ আনাং, জেলেকা- গিদ্রৗ, নে-জুওয়ৗনঃ, জুওয়ৗন আর বয়সালোঃ (হাড়াম-বুঢি)। নোওয়াকো, মৗনমি জিয়ন-অক্ত রেগে লৗগ্তিয়ান কৗমি হরা কদ লাদে-ভার মেনাঃ আকাদা। জাঁহায় কো নোওয়া জিয়ন-অক্ত রেনাঃ কৗমি কো কৗমি-সিগিল ইদি দাড়েয়াআ, ওনকোগে জিয়ন-লৗড়ৗহই রেকো জিৎকৗর দাড়েয়াঃআ। আর জাঁহায় কো অক্ত রেনাঃ কৗমি হরা কো অনহেলায়া, ওনকো দ তায়ম রেগে কো তাঁহেনা, জিয়ন লৗড়হৗই রেকো পাঁডুলঃআ, খৗতির জিয়ন তাকো দ বেরথা গেয়া। নোওয়াকো বাডায়া কাথা কগে জুদি জাঁহায় বায় বাং বাডায় রেনাঃ কো ভা-না, সে কৗমি –দৗয়িক খন সাহা রেকো তাঁহেনা, ওনকো দ জিয়ন ভর, আফশোষ, হেমেড় মেয়ঃ তে জিয়ন কো বিতৗও তাকোওয়া।
গিদ্রৗ উমের
দ পারমঃ আ আয়ো-বাবাওয়াঃ হেঁও-হবর রে, দুলৗড়-জতন তালাতে। নিয়ৗ অক্তে গিদ্রৗ কোওয়াঃ
সাঁওয়ার নিফুট হড়মো তেয়ার অচয় রে সানাম আয়ো-বাবা সে অভিভাবক কোওয়াঃ গৗহির লোগোদ তাঁহে
লৗগতিয়ৗ।
গিদ্রৗ উমের
তায়ম অক্তে দ নে-হারাঃ গদঃ সে নে-জুওয়ৗনঃ অক্তে দ অলঃপাড়হাও আর এমান এমান সেঁড়ায়
অক্ত। নিয়ৗ উমের রেনাঃ শিখ্নৗত্ চেতান টেঁহাড়ঃ আ সারেচ্ জিয়ন অকা লেকা হোয়োঃ আ
মেন্তে। অনাতে নোওয়া অক্ত রেনাঃ গনং দ জিয়ন ভর অক্ত রেনাঃ গনং খন দ সরেশ গেয়া।
জুওয়ৗন উমের দ
পারমঃ আ আঁপড়েয়াঃ কৗমি দাড়ে শিখ্নৗত যোগ্যতা আর সমাজ লৗগিৎ নিফুট-নিরিখ কৗমি কুকৗর
তালাতে। নিয়ৗ উমেররে জাঁহায় জুদি কাঁউডি সেচ্তে সামাজিক-আত্মিক লাহান্তি রেয়া চট চূড়ৗ
রেয় সেটের দাড়েয়াঃ আ, তাহলে খান উনি দ মৗন- এমান এ ঞাম আ, সমাজ রে দিসম রে ঞুতুম এ
হৗর আ।
হাড়াম-বুঢিঃ উমের
দ পারম আ বুগি-বৗড়িচ মেশা কাতেৎ । লাহা তেয়াঃ পে ধাপ জিয়ন অক্ত জাঁহায়া যুদি নায় নাপায়
তে সমাজ লৗগিৎ বুগি কৗমি তে পারম আ, তাহলে খান অনা রেনাঃ অর্জ লেকাতে মুচৗৎ জিয়ন হঁ
নাপায় তেগে পারম চালাঃ তায়া।
সানাম মৗনমি কঠেন
গে অক্ত রেয়াঃ গনং দ অসাম্ভেড় গেয়া, চেদাঃ সে নোওয়া রেয়াদ জানাম গুজুঃ বৗনু আনাং।
অনাতে অক্ত ইদি কাতে চেঁহগাও তাঁহেন সানাম মৗনমি কোওয়াঃ একাল গে লৗগ কানা। অক্ত রেয়াঃ
গনং তেৎ তেবাঃ ঞাম জাঁহান কৗমি সিগিল দাড়েয়াঃ রেগে জিয়ন দ যথাৎ সৗরি আ।
অক্ত রেয়াঃ গনং
ইদি কাতে চেতাওনা দ আচ্কা বাং হোয় গদঃ আ। জিয়ন রেনাঃ এতহব খন গে অক্ত গনং দ কৗমিরে
হেওয়ারে জওয়ায় অচয় হোয়োঃ আ। জিয়ন মেনতেদ বাঞ্চাও তাঁহেন দ বাং, জিয়ন মানে নাপায় কৗমিরে
জপড়াও তাঁহেন।
.webp)
