(হুডিঞ মাছা কৗহ্নি)
ওঝা কৗমি
 |
| নিকোলাস মারানডি |
রবি দ ওঝা কৗমি তেগেয় অৗসুলঃ কান তাঁহেনা। মিৎ অকতে আচ্ বাবা রৗখু হঁ ওঝা কৗমিয় কৗমি কান তাঁহেনা। তেহেঞ আচ্ বাবাদ বৗনুয়া, নিত আপাতাঃ জায়গারে রবি দ ওঝা কৗমিয় কৗমি বাহাল আকানা। আচ্ বাবা রৗখু দ এলাকারেন নামডাক ওঝায় তাঁহেকানা। অনা হিসৗবতে রবি দ আপাত লেকা উনৗঃ ঞুতুম দ বায় হৗর দাড়েয়াদা।
সেদায় লেকা নিত হড় হঁ আর উদৗর বৗনুঃ কোওয়া, নিত দ অলঃ অৗকিল তে কো লাহা আকানতে ঢের দ হসপিটাল দাকতার রান করেগে পৗতিয়ৗউ তাকো। আর অনাতেগে রবি ঠেন ঢের হড় দ বাকো হিজুঃ কান তাঁহেনা। নিত জিনিষ পততর রেয়াঃ যা দাম অনা হিসৗবতে, ওঝা টাকাতে আর ঘারঞ্জ বাং চালাঃ কানা। অনাতে , আচ্ বৗহু রুঠনি দ রবিয় মেতায়া " আর বাংখান আম হঁ আতো কড়াকো লেকা বাহ্রে কৗমি চালাঃ মে। ফালনা ঞেলেম, বাহরে কৗমি টাকা তেগে ভরনা জমিয় ছাডাও কেদা। আর হঁ এটাঃকো ঞেলকোম অকয় দ ক অড়াঃ দুওয়ৗর বাড়াকেদা। আর আলাং খান অনকাগে মেনাঃ লাংআ। নিত গিদরৗ হঁকো হারাঃ কানা। এটাঃ কোরেন গিদরৗ দ তিনৗঃ মজ কো অলঃ পাড়হাওঃ কানা। আর আলাং রেন খান দ -- । "
রবি দ আচ্ বৗহুওয়াঃ কাথা মন লাগাও কাতেয় আজঁম কেদা আরে হুদিসেনা, কাথা দ সৗরিয়াঃ কানা। আদ বৗই বৗইতে ওঝা কৗমি
রবি বৗগি ইদি কেদায় আর আচ্ হঁ বাহরে কৗমি চালাঃ লৗগিৎ এ মন সুবৗ কেদা।
.webp)
