আবোওয়াঃ ওয়েব পেজ – কুড়মি-মাহাত আদিবাসী বাং কানাকো নোওয়া লৗইতে কৗড্রৗই দাবী রাকাব্ কেদায় পুরুলিয়া জেলা ভারত জাকাত মাঝি পারগানা মহল। হলা ২১ সেপ্টেম্বর রাজ্যসভারে পুরুলিয়া জেলারেন সাংসদ জ্যোতির্ময় সিং মাহাতো- কুড়মি কো আদিবাসী রেয়াঃ দাবীয় রাকাব্ আকাদা মেন্তে বাডায় আকানা। মানতান সাংসদ দাবীয় দহ আকাদা বাংমা পছিম বাংলা, ঝড়খন্ড, উড়িষ্যা এমান পনৎ করে আয়মা কুড়মি–মাহাত গাঁতাত রেন হড় মেনাঃ আকাৎ কোওয়া। উনি আরহঁয় দাবীয় রাকাব্ আকাদা বাংমা ১৯৩১ সাল ধৗবিচ্ কুড়বি-মাহাত আদিবাসী মেন্তেক লেখা কান তাঁহে কানা মেনখান ১৯৫০ সালরে সংবিধান খন বিনা গেজেট নোটিফিকেশন তে বাদ হোয় আকানা। মানতান সাংসদ আঃ নোওয়া কাথা বিরুধ রে ভারত জাকাত মাঝি পারগানা মহল আডি কেটেজ এ রড় দারাম আকাদা মেন্তে বাডায় আকানা। মহল আরহঁ কুড়বি-মাহাত বিরুধরে সংবিধান ষড়যন্ত্র রেনাঃ অভিযোগ হঁয় রাকাব্ আকাদা মেন্তেহঁ বাডায় আকানা।
পারগানা মহল পাহ্টা খন অনালেকাতে দিশম রেন রাষ্ট্রপতি খন এহব কাতে মারাং মন্ত্রী নরেন্দ্র মোদী, লোকসভা আর রাজ্যসভা রেন স্পিকার, সাংসদ কুনাল হেম্ব্রম, বিজেপি সভাপতি দিলীপ ঘোষ, তালমা বিরুধী দলনেতা অধীর রঞ্জন চৌধূরী সাঁওতে পছিম বাংলা পনৎ রেন মুখিয়ৗ মন্ত্রী মমতা বন্দোপাহধ্যায় হঁ হলা ২১ সেপ্টেম্বর, কুড়মি-মাহাত আদিবাসী বাং কানাকো লৗইতে রড়দারাম চিঠি সাকাম এম চাল হোয় আকানা মেন্তে বাডায় আকানা। নোওয়া মাড়াং পারমেন ১৫ সেপ্টেম্বর হিৎ হিলোঃ হঁ নংকাগে আরহঁ চিঠি অল ভেজা হোয় লেনা মেন্তেহঁ পুরুলিয়া জেলা পারগানা বাবা মানতান রতন লাল হাঁসদা গোম্কে আবোরেন খবরিয়ৗয় বাডায় অচ আকাদেয়া।
পারগানা মহল, কুড়মি–মাহাত বিরুধ রে অভিযোগ এ রাকাব্ আকাদা বাংমা কুড়মি-মাহাত কো ১৮৯৮ সাল খন ১৯২৯ সাল হৗবিচ্ ৩৬ গটাংক মহাসভা আকাদা আদিবাসী ক্ষত্রিয় কুড়মি সমাজ মেন্তে। অখিল ভারতীয় কুড়ুম ক্ষত্রিয় মহাসভা কাতে ওন্কো ক্ষত্রিয় বংশ জাত কানাকো মেন্তেহঁ আকোগে দাবীকো রাকাব্ আকাদা। ১৯২৯ সালরে পুরুলিয়া জেলারেনাঃ ঘাঘর জুড়িরে মুচৗৎ মহাসভারে আকো আকোতেগে লিখিত ভাবতে আদিবাসী বাং কানাকো মেন্তে সিদ্ধান্ত কো হাতাও আকাদা মেন্তেহঁ মহল অভিযোগ এ আগুওয়াকাদা। মেনখান নিৎ চেৎ উদ্দেশ্যতে আরহঁ দহড়া কারতে আদিবাসী সানায়েৎ কোওয়া, নোওয়া কি কুড়বি মাহাত কোওয়া চালাকি বাং কানা ? নংকান অভিযোগহঁ মহলে রাকাব্ আকাদা মেন্তেহঁ বাডায় আকানা।
পারগানা মহল আরহঁ দাবীয় রাকাব্ আকাদা বাংমা আদিবাসী কোওয়াঃ
গে লাকচার বাঞ্চাও দহ মেনাঃআ। আতো-অড়াঃ-দিশম ঞেল লৗগিৎতে মঝি-পারগানা বন্দেজ মেনাঃআ।
আদিবাসী কোওয়াঃ গে যুদৗতে পৗরশি মেনাঃ আ। আদিবাসী আতোকরেগে জাহের থান, মাঝি থান ঞেলঃ
গঃ আ। আদবাসী কোওয়াঃ দ শিবমন্দির, কালিমেলা, দু্রগামেলা, হরি মেলা, মসজিদ, গিরজা লেকান
পূজা পার্বন উপাসনা ঠাঁও বাং ঞেলঃ আ মেন্তেহঁ মহলে রড় তরা আকাদা।
মেনখান কুড়মি-মাহাত
সাঁওতে ওবিসি লেকান আরহঁ এটাঃ গাঁতাত রেন অ-আদিবাসীকো, আদিবাসী কোওয়াঃ রাখা দহ জুড়ু
হৗটিঞ রেনাঃ এটকে টঁড়ে কো সিরজৗও এদা মেন্তেহঁ মহল কুড়মি-মাহাত বিরুধরে অভিযোগ এ আগুওয়াকাদা
মেন্তে বাডায় আকানা।
মুচৗৎ রে পুরুলিয়া
জেলা পারগানা বাবা মানতান রতন লাল হাঁসদা গোম্কে, কুড়মি-মাহাতক আদিবাসী হোয়োঃ লৗগিৎতে
আদিবাসীক সাঁওতে ষড়যন্ত্রয়েদা মেন্তেহঁ আবোরেন খবরিয়ৗয় বাডায় অচ আকাদেয়া।
.webp)
