‘ ৮সেপ্টেম্বর; জেগেৎ স্বাক্ষরতা
মাহা ’ দিসৗ কাতে
-মৗই বুরুলুকুই মান্ডি
মৗনমি দ সাঁওতারি
জিউয়িয়ান কো মেতা কোওয়া। ওনকোওয়াঃ লৗগ্তি সাঁওতারি-জিয়ন রেনাঃ মিৎবার সাতাম রে নিহৗত্
অৗইদৗর- অনাকদ হোয়োঃ কানা জমাঃ-ঞুওয়াঃ, হরঃআঃ, তাঁহেন ঠাঁও আর শিখনৗত্। শিখনৗত্ মেন্মা
অলঃপাড়হাও বাডায় রেনাঃ মারসাল তে মৗনমি আর মিৎ হড় সাঁওতেয় মেসা দাড়েয়াআ, বেগর-শিখনৗত্
রেনাঃ ঞুৎ রে মৗনমি, মৗনমি খন কো সাহাঃআ। বেগর-শিখনৗত্ সে শিখনৗত্ রেনাঃ অভাব-আনাট
জে মৗনমি অকা লেকা কাঁড়া রেয় দহ কোওয়া, অনাদ জাও গেবোন ঞেলেদা।
জুগ জুগ মানওয়া
সসনঃ জাঁহাতিনাঃ লাহাওয়াকানা, উনৗগে চালাক- চতুর- চেটমান মৗনমি কদ শিখনৗত্ আকোওয়াঃ
গবল রে দহ রেনাঃ কো কুরুমুটুওয়াকাদা, অনাদ বৈদিক জুগ খন গেব ঞেল আগুয়েদা। অঁডে কৗমি
গুনৗন রে জেলেকা জৗতি ভেদ রেনাঃ কাথা মেন হোয় লেনা, অনকাগে লাতার গাঁতাক মৗন্মিকো
শিখনৗত্ রেনাঃ মারসাল খন সৗগিঞ রে দহ হোয় লেনা, ২১ শাশায় রেহঁ অনারেনাঃ ঝলক দ ঞেলঃ
কান গেয়া।
নে-হালে ধৗরতি
রেয়াঃ ঝতম খন সাঁগে মৗনমিয়ৗ দিসম দ হোয়োঃ কানা আবো ভারত দিসম, সাঁও সাঁওতে ধৗরতি জাকাত
রেয়াঃ ঝতম খন সাঁগে অলঃ পাড়হাও বাং বাড়ায় দিসম হঁ কানা। হাহাড়াঃ দ নোওয়াগে- সাঁড়েষিয়ৗ
কো জখন সেরমা কো সাঁঘার এদা এমন চেৎ চন্দ্র,মংগল, নেপচুন, ইউরেনাস গ্রহ রেকো গিরহৗ
বাসঃ লৗগিৎ; কম্পিউটার,রোবট, মৗনমি অকারেকো ইদিয়েৎ কোওয়া, মৗনমি আপনারগে অনা বাংকো
উইহৗর দাড়েয়াঃ কানা, অনকান অক্তে আবো দিসমরে অলঃপাড়হাও বাং বাড়ায়ান মৗনমি কোওয়াঃ লেখা দ বৗড়তি গেয়া, আর আদিবাসী
কোওয়াঃদ ভেগারতে চেৎ এম মেনা! আখর উরুম সে অলঃপাড়হাও বাড়ায়গে হোয়োঃ কানা গেয়ান, গেয়ান
গে চাঁদোবঁগা, মারাংবুরু,সিসিরজনিচ।
রেঁগেচ্ আর অলঃপাড়হাও
বাং বাড়ায় আবো ভারত দিসম রেয়াঃ নোওয়া কিন বারয়া মারাং বৗইরি। রেঁগেচ্ দসা খনহঁ মারাং
বৗইরি দ হোয়োঃ কানা অলঃপাড়হাও বাং বাড়ায়। চেদাসে অলঃপাড়হাও বাং বাড়ায়, মেনমা বৗড়িচ্
শিখনৗত্ দ মনে জিউয়িওরে জানাম অচয়া আয়মা লেকানাঃ বৗড়িচ্ কৗমিরে লাবাধিয়ৗও হেওয়া আর
আঁধাপাতিয়ৗও- জাঁহাতে দিসম রেয়াঃ সসনঃ চাঁক দ থামগৗডি কানা।
আবো ভারত দিসম
রেনাঃ আয়মা পনৎ রেগে ইস্কুল তৗরিরে বেগর গনংতে পুঁথি-পতব এমঃ রেনাঃ বন্দেজ মেনাঃ আকাদা।
মেনখান সরকারি কুরুমুটু সাঁও সাঁওতে বে-সরকারি কুরুমুটু হঁ তাঁহেন লৗগ্তিয়ৗ। সানাম
পাড়া আতো রেগে ঞিদৗ ইস্কুল আর উমেরান কো লৗগিৎ
ইস্কুল থাপন লেগ্ কানা। সরকারি মাচেত্ মাচেতানি সাঁও সাঁওতে কৗমি বাং আন মেৎ মারশালান
কো, আতো, ক্লাব-সংগঠন কো হঁ জুদি সানাম কো অলঃপাড়হাও সেঁড়া অচকো রেনাঃ কৗমি রেকো লাগিয়ৗও
পাড়াআ, তাহলে খান আবোদিসম রে নোওয়া আবস্থা রেনাঃ পালাট দ হোয়োঃ গেয়া।
.webp)
