আবোওয়াঃ ওয়েব পেজ : বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা খন বাডায় আকানা দারায় কান ৯ সেপ্টেম্বর ২০২০ হিৎ হিলোঃ গোটা মেদিনীপুর জেলারে ডাহার জাঁগে দারাম রেনাঃ কৗমি হরায় সাপ্ড়াও আকাদা মহল। আরহঁ বাডায় আকানা বাংমা অনা মাহা রেগে মেদিনীপুর জেলা সভাধিপতি মানতানিয়ৗ উত্তরা সিংহ হাজরা মৗনিজাঃ কুশপুতুল রাপাগঃ আ। অনা সাঁওতে দারায় কান ১৪ সেপ্টেম্বর খন বাং হিসৗব মাহা লৗগিৎ মেদিনীপুর জেলা পরিষদ ঘেরাও এসেদ্ রেনাঃ হঁ মহলে হহ আকাদা মেন্তে বাডায় আকানা।
অজে লেকাতে বাডায় আকানা বাংমা শাসনিয়ৗ দল তৃণমূল কংগ্রেস আদিবাসী কো তালারে অজরা রাজঅৗরি সাঁবাও আর পারমেন ২ সেপ্টেম্বর পছিম্ মেদিনীপুর জেলা রেনাঃ গড়বেতা ৩নং বুগড়ি মুলুক রে হেনাঃ ৮ নং নলবনা গ্রাম পঞ্চায়েৎ আপিস রে জেলা সভাধিপতি মানতানিয়ৗ উত্তরা সিংহ হাজরা তাঁহে কাতে আদিবাসী সমাজ রৗপুদ্ আর পারগানা মহল হাইজ্যাক লৗগিৎ অৗডি লোভ আন কিছু আদিবাসী তৃণমূল নেতা লৗইতে মহল বেনাও রাকাব্ কাতে আদিবাসী সমাজে বডেয়াকাদা।
মেনখান মিৎটাং বাছ্নাও জনপ্রতিনিধি হুয় কাতে মিৎ রাজঅৗরি দল রেন হড় কো লৗইতে অকা সাহস তে পারগানা মহল রেনাঃ ব্যানার বেওহার কাতে প্যারালাল পারগানা মহল এ বেনাও রাকাব্ কেদা? তবে চেৎ রাজঅৗরি খৗতিরগে ? মহল নোওয়া কুক্লি গে রাকাব্আকাদায় মেন্তে বাডায় আকানা। ভারত জাকাত মাঝি পারগানা মহল আরহঁ পুষ্টৗও সাঁহিচ্ এ সদর আকাদা বাংমা মহল অকয় রাজঅৗরি দল বিরুধী দ বাং , অজরা রাজঅৗরি বিরুধিতায়ায়।
তৃণমূল কংগ্রেস সেন তেরাং কাতে মহল হুঁশিয়ৗরী এম আকাদায় জে- নিৎহঁ অক্ত মেনাঃআ শুধ্রৗপে,বাংখান ২০২১ সালরেনাঃ বাছনাও রে আদিবাসী হড় যথাৎ জবাব এমঃ কো বাডায়া মেন্তেহঁ বাডায় আকানা।
.webp)
