(হুডিঞ মাছা কৗহ্নি)
ফোন চেদাঃ বাং সাডেকানা
 |
| বাবলু সরেন |
আডিদিন লাহারেয়াঃ কাথা। সিমল উনদয় হুডিঞগেয়া। সিমল আচ্ বাবাহঁ মিৎটাং কীপেড ফোনে কিরিঞ লেদা।অনাখনগে সিমলাঃ মামা অড়াঃ, হাতম অড়াঃ, অনা বেগর সানাম পেড়া অড়াঃক ফোনা। সিমলদ ফোনতেক গালমারাও হচয়ায় রেহঁ ফোনদ বাংক এমায়া পালেন গৗডি গৗডিয় খেল,পালেন দাঃরেয় জবে পালেনে গিডি রৗপুদ এমান এমান বতরতে। সিমলদ মোবাইলতে অকালেকাক রপড়া অনাকদ ঠামঠামে ঠৗওকৗও আকাদা। অনাতে সিমলদ আঠিয়ৗড় হাসারেয়াঃগে মিৎটাং মোবাইলে বেনাও আকাদা আপনার লৗগিৎ ।
সিমল তাকোঠেন খনদ চাকলতাড়ি পাতা সুরগেয়া। আর আচ্ গ আচ্ বাবা ঠেনে আঁজম আকাদা আকোঠেন চাকলতাড়ি ছাতা পরব হুয়ুঃ লৗগিৎ আদ অনা হাসারেয়াঃ ফোন খনগে ফোনে লাগাও কেদা আচরেন মামা দৗদুঠেন। আদ দৗদু সালাঃ ফোনতে রপড়ে এতহব কেদা - হ্যালো দৗদু চেৎ লেকা মেনামা ? ইঞদ বেশগে মিনাঞা। আর মামা আয়ু চেৎলেকা মেনায়া ? আম দাকাম জম আকাদা সে বাং ? মামা আয়ু চেৎএ উতুলেদা ? গাপা মেয়াং আলেঠেন পরব হুয়ুঃকানা হিজুঃমে ।
দসার হিলোঃতেগে আয়চ মামাবায় হেচ্ এনা। সিমলে রৗসকৗ য়েনা। তিহিঞদ জিল পিঠাকিন জমা গড়মেয়া।
ইনহিলোঃদ হাটহঁ তাঁহেকানা অনাতে সিমল আচ্ বাবাদ হাটে চালাও এনা আর হাট খনগেহাঁ জিলে কিরিঞ অৗগুয়া। নতে গড়মেয়া দমেকিন খিলডু এনেচ এনা। সিমলদয় লাঙ্গায়েনা। বেড়ায় ডুবুজ এনা এনহঁ সিমল আচ্ বাবাদ বায় রুয়ৗড় লেনা , সিমলদ আয়াঃ অনা ফোনখন বার পে ধাও আচ্ বাবা ঠেন ফোন এ রিকৗ কেদা। তেলা বায় ঞাম লেদা। অনাতে সিমলদ আচ্ মামা দৗদু সালাঃ যাঁহালেকায় রপড়কান তাঁহে নিত অনকা রৗসকৗদ বায় বুঝৗও এদা। নিতদয় উইহৗর এদা খৗলি আচ্ বাবা তিরেয় রুওয়ৗড়া আর জিল পিঠৗরেয়াঃ কাথা। অনাতে ঘানে ঘানে আয়াঃ ফোনসেৎ এ কয়ঃ এদা আর ঘানে আচ্ আয়ু ঘানে মামা দাদুতায়ে কুলিয়ে কানা ইঞ বাবা তিরেয় রুওয়ৗড় হিজুঃআ ? চেদাঃ বাবা বায় ফোন এদা ? ফোন চেদাঃ বাং সাডেকানা?
সিমল আচ্ বাবা যখন এ রুওয়ৗড় হেচ্ এনা, উনদ সিমলে জৗপিৎ আকাদা।
.webp)
