কোভিড-১৯, সি.এম রিলিফ ফান্ড রে ৫০,০০১ টাকা গড়সপহৎ এ এম চাল কেদা ভারত জাকাত সান্তাড়ি অনলিয়ৗ গাঁওতা (পছিম বাংলা চাঁগা )

আবোওয়াঃ ওয়েব পেজ : কোভিড-১৯, সি.এম রিলিফ ফান্ড রে ৫০,০০১ টকা গড়সপহৎ লেকাতে ভারত জাকাত সান্তাড়ি অনলিয়ৗ গাঁওতা (পছিম বাংলা চাঁগা ) মেনেৎ All India Santali Writer’s Association ( W.B. Branch) পাহ্‌টা খন নেট ব্যাঙ্কিং তালাতে গাঁওতা রেন জেনারেল সেক্রেটারী মানতান দ্বিজপদ হাঁসদা গোম্‌কে হলা ১৫ সেপ্টেম্বর হিৎ হিলোঃ জমা কেদায় মেন্‌তে বাডায় আকানা। আডি মাড়াং রেগে নোওয়া টাকা হুনাং এম চাল হোয় কঃআ মেনখান অ্যাকাউন্ট রেনাঃ আনাট তাঁহেলেন খৗতিরগে জমা বাং হুয় লেনা মেন্‌তেহঁ মানতান হাঁসদা গোম্‌কে আবোরেন খবরিয়ৗয় বাডায় অচো আকাদেয়া।

বাডায় আকানা ধৗরতি জাকাত নওয়া কোভিড-১৯ আওহালরে দিসম রেন পনৎ মুখিয়ৗ মন্ত্রী কো আপান আপিন পনৎ রে লৗগিৎ নংকা গে সি.এম. রিলিফ্‌ ফান্ড কো ঝিচ্‌ আকাদা। নোওয়ারে জাঁহায় জাঁহা লেকায় দাড়ে গড়সপহৎ এ এম চাল দাড়েয়াঃ আ। অনালেকাতেগে অনলিয়ৗ গাঁওতা (পছিম বাংলা চাঁগা ) হঁ পছিম বাংলা পনৎ রেন সানাম অনলিয়ৗ আর সাঁওহেদ্‌ দরদিয়ৗ কোঠেন নেঁহর দহ কাতেগে অনলিয়ৗকঁহ আকোওয়াঃ এম গড়ঃ লেকাতে ৫০,০০১ টাকা All India Santali Writer’s Association ( W.B. Branch) কো চাল আদে তাঁহে কানা। আর অনা টাকা গে হলা জেনারেল সেক্রেটারী মানতান দ্বিজপদ হাঁসদা গোম্‌কে, সি.এম রিলিফ ফান্ড রে ভেজা কেদায় মেন্‌তে গাঁওতা পাহ্‌টা খন বাডায় আকানা।

All India Santali Writer’s Association ( W.B. Branch) আঃ নংকান কৗমি হরা ঞেল্‌তে আয়মা গাঁওতা আর সাঁওহেদ্‌ দরদিয়ৗ ক অনলিয়ৗ গাঁওতা (পছিম বাংলা চাঁগা ) গুনমানাও সারহাওকো চাল আকাদেয়া মেন্‌তেহঁ বাডায় আকানা।