আবোওয়াঃ ওয়েব পেজ –
নঃঅয় তো বার-পে মাহা লাহা দৗখিন–পুরুব রেলটেশন টেশন করে অলচিকিতে অল ঞেলতে সান্তাড়
হড়-হপনাঃ মনেরে রৗস্কৗ আর গরব ঞেলঃ কানা মেন্তে বাডায়ঃ কানা।
আচ্কাগে রেলটেশন
করে সান্তাড়ি পৗরশি অলচিকিতে অল ঞেল কাতে আডি আয়মা হড় গেকো ভেড়েম্ভা উতৗরঃ কানা। মনেরে
পৗতিয়ৗও হঁ লগন বাং হেচ্ আকো কানা যে টেশন রেনাঃ বোর্ডরে অলচিকিতে অলঃগঃআ মেন্তে।
তবে ঞেল কাতে মনে পেরেচ্ রৗস্কৗ কো সদর আকাদা নংকান ঘটন হঁ বাডায় ঞাম আকানা। নঁডে
লাই দহ লেক্ কানা এমনি এমনিতেদ টেশন করেনাঃ বোর্ড করেদ অলচিকিতে বাং অলঃগঃ কানা, নোওয়াদ
ভারত জাকাত মাঝি পারগানা মহলাঃ আডি দিন মাড়াং রেনাঃ দাবী তাঁহে কানা আর নিৎ অনা দাবী
রেনাঃগে অরসং জওয়াঃ কানা মেন্তে বাডায় ঞাম আকানা।
 |
| ২২ অক্টোবর ২০১৯ ,আদ্রারে মহলাঃ মিৎ আঁদোড় রেনাঃ চিতার |
বাডায় আকানা পারমেন ২২ অক্টোবর পুরুলিয়া জেলা ভারত জাকাত মাঝি পারগানা মহলাঃ হহতে আর সাঁওতে বাঁকুড়া,মেদিনীপুর জেলা ভারত জাকাত মাঝি পারগানা মহলাঃ গড়তে পুরুলিয়ারেনাঃ আদ্রা ডি.আর.এম ঠেন সান্তাড়ি পৗরশিতে দৗখিন-পুরুব রেনাঃ সানাম রেল টেশন করেনাঃ বোর্ডরে অলচিকিতে টেশন রেনাঃ ঞুতুম অল আর টেশন করে সান্তাড়ি পৗরশিতে ট্রেন হিজুঃ সেনঃ রেনাঃ বাঁখেড় লৗগিৎ আডি মারাং ডেপুটেশন কো দহলেদা। আর তেহেঞ অনা রেনাঃগে অরসং ঞেল ঞামঃ কানা মেন্তে মহল পাহ্টা খন্হঁ বাডায় আকানা। টেশন করেহঁ আডি লগনগে সান্তাড়িতে ট্রেন হিজুঃ সেনঃ রেনাঃ বাঁখেড়ঃআ মেন্তেহঁ বাডায় ঞাম আকানা। অনাতে নিৎ তামাম সান্তাড় হড়-হপন মুদ্রে রৗস্কৗ আর গরব রেনাঃ চিতৗর আয়মা টঠা করে খন গে ঝালকাও রাকাব্ কানা মেন্তে বাডায় ঞামঃ কানা।
.webp)
