মানতান সাসাপড়াওইচ ( আবোওয়াঃ কাথা )
১। লেটওয়াঃ কারধানী
নিকোলাস মারানডি
১০ সেপ্টেম্বর,২০২০
তুলৗজখা- শ্রী কা ন্ত স রে ন
নিকোলাস মারানডি ইচ লেট দ কোভিড-১৯ রেয় জানামেনা। জিয়নরে জাঁহায় ক জতখন ক লৗটু আ,উনকু দ জঁহারেগে ক তাঁহেন চাঁন্দো ঠিকে অওয়ার আগু কওয়া। নুই লেট হঁ চাঁন্দোগেয় অওয়ার আকাদেয়া। নওয়া কৗহ্নী পাড়হাও কাতে, আরহঁ শায়- শায় লেট ক জানামঃ মেনতে ইঞাঃ ,পৗতয়াউ।
২। ফুলমুনি
দ্বিজপদ হাঁসদা
তুলৗজখা- শ্রী কা ন্ত স রে ন
বাংলাতে মিৎটাং কাথা মেনাঃ আ ' অতি বড় ঘরনীর না জোটে ঘর, অতি বড় রূপসীর না জোটে বর ' দ্বিজপদ হাঁসদা আঃ ' ফুলমুনি ' পাড়হাও কাতে অনকাগেঞ আঁগচ কেদা। মানতান অনলিয়ৗ গমকে, ফুলমুনিয়াঃ জুয়ৗন হড়ম সেৎ কয়ঃ কাতে কৗহনীয় আড়তি আকাৎবনা। ঠিকৗদার, ইঞ্জিনিয়ার ক ফুলমুনিয়াঃ কৗমি বাং কুশি কাতে, আয়াঃ জুয়ৗন হড়ম ক কুশি আকাৎ তায়া। নওয়াতে উনকু সানাম ক লাতার খন আরহঁ লাতারসেৎ ক বল আকানা। কৗহনী লেকাতে, ফুলমুনিয়াঃ দ উনাঃ কৗই বৗনুঃ তায়া, দোষদ আয়াঃ লেগেজ লেগেজ জুয়ৗন হড়ম রেয়াঃ। কৗহনীরে মিৎবার যুগসৗরি কাথা মেনাঃ আ। যে লেকা: ...' কৗউডীগে হড়ে নাপায় কওয়া আর কৗউডিগে হড়ে বৗড়িজ কওয়া। '
৩। ফারাক
বাবলু সরেন
১২ সেপ্টেম্বর,২০২০
তুলৗজখা- শ্রী কা ন্ত স রে ন
বাবলু সরেনাঃ ' ফারাক ' বিচৗর কাতেম ঞেল লেখান, মনেরে গরব ছাডা এটাঃ জাহানাঃ বাম অৗইকৗউ আ। সিমলাঃ উমের যখজ তাঁহে কানা গেল সেরমা,উনদ আকোওয়াঃ অড়াঃ কাঁতরে অল তাঁহে কানা ' সরেন বাখোল ' । সিমলিচ গিদরৗ আঃ উমের হঁ যখজ হোয়েন তায়া গেল সেরমা উন যখজ দ উনি গিদরৗ অড়াঃ ঞুতুমে অল কেদা ' ᱥᱚᱨᱮᱱ ᱵᱟᱠᱷᱳᱞ’ । সিঁদুররেয়াঃ মৗন দ বেওহাররে, গনং রেদ বাং । ᱥᱚᱨᱮᱱ ᱵᱟᱠᱷᱳᱞ ᱨᱮ অলচিকি রেয়াঃ ᱢᱟ.ᱱ হঁ অনকা।
.webp)
