আবোওয়াঃ ওয়েব পেজ – পুরুলিয়া জিলৗ রেনাঃ মিৎ ঞুতুমান, নাম জিৎকৗর চাকুরতাড়ি ছাতা পরব নেশদ বাং হোয়োঃ কানা মেন্তে বাডায় এনা। নোওয়া ডগর দ এম আকাদা পুরুলিয়া জেলা ভারত জাকাত মাঝি পারগানা মহল পাহ্টা খন জেলা পারগানা বাবা মানতান রতন লাল হাঁসদা গোম্কে। নঁতে আরহঁ বাডায় ঞাম আকানা বাংমা সান্তাড়ি সাঁওহেৎ আর দরদিয়ৗ চাকুরতাড়ি ছাতা কমিটি হঁ অনাকো মানাও বাতাও আকাদা আর নেশ লেকাদ চাকুরতাড়ি ছাতা পরব বাং হোয়োঃ কানা সে হৗপিদ্ তাঁহেন কানা মেন্তে দিসম হড় কো বাডায় অচো আকাৎ কোওয়া। জেলা পারগানা বাবা মানতান রতন লাল হাঁসদা গোম্কে হৗপিদ্ তাঁহেন রেনাঃ অজে লেকাতে লৗই আকাদায় বাংমা ধৗরতি জাকাত কোভিড-১৯ করোনা ভাইরাস খৗতির গে নেশ লেকাদ নংকা সিদ্ধান্ত হাতাও হোয় আকানা।
নোওয়া মাড়াং ঞুতুমান বোরো পাতা, নাম জিৎকৗর আযোদিয়ৗ সেঁদ্রা, কোলকাতা মাঃ-মঁড়ে লেকান আয়মা সান্তাড়ি পাতা-পরব, লায়-লেগ্চার-নেমাচার কো নোওয়া কোভিড-১৯ খৗতির মিৎ মিৎতে হৗপিদ্ তাঁহেয়াকানা মেন্তেগে বাডায় আকানা। অনালেকাতে আয়মা হড়াঃ গে আঁশ তাঁহেকানা বাংমা নোওয়া চাকুরতাড়ি ছাতাদ হোয়োঃ কান গেয়া মেন্তে। মেনখান বাং হোয়োঃ রেনাঃ ডগর বাডায় ঞাম কাতে আয়মা হড়াঃ মনেগে বৗড়িচ্ এন তাকোওয়া মেন্তেহঁ বাডায় ঞামঃ কানা। চেদাসে কাথা রেগে মেনাঃআ যাঁহায় কড়া আযোদিয়ৗ সেঁদ্রা বায় চালাও আকানা আর যাঁহায় কুড়ি চাকুরতাড়ি ছাতা বায় ঞেল আকাদা উনিদ এগাঁৎ কুখি রেগে মেনায়া।
বাডায় আকানা চাকুরতাড়ি ছাতারে পছিম্ বাংলা রেনাঃ আয়মা জেলা সাঁওতে বিহার, ঝাড়খন্ড, উড়িষ্যা এমান পনৎ কোরেন হাজার হাজার হড় কো সহর সেটেরঃ কান তাঁহে কানা। নোওয়া চাকুরতাড়ি ছাতা দিশৗ কাতেৎ আয়মা চৗকরি জীবি আর সান্তাড়ি অফিসিয়ালস কহঁক সহর সেটেরঃ কান তাঁহে কানা। আয়মা অনলিয়ৗ, সাঁওহেদিয়ৗ, খঁদরঁদিয়ৗ সাঁওতে সান্তাড়ি খবরিয়ৗ কঁহক সেটেরঃ কান তাঁহে কানা। নঁডে লাই লেক কানা বাংমা নোওয়া চাকুরতাড়ি ছাতা পরব দ হড়- হপনাঃ আডি মারাং ঞেপেল-ঞাপাম-রপড় ঠাঁও কানা মেন্তেগে বাডায় আকানা।
মেনখান নেশ লেকাদ কোভিড-১৯ খৗতির গে অনাকো চেৎগে বাং হোয়োঃ কানা আর বাং ঞেল ঞামঃ আ মেন্তেগে বাডায় আকানা।
.webp)
