আবোওয়াঃ ওয়েব পেজ : হলা ১৩ সেপ্টেম্বর বাঁকুড়া জেলা রেনাঃ লক্ষী ঞুতুমান
মিৎ লজ রে ৩২ গটাং আদিবাসী গাঁওতা মিদ্ মৗচিরে দুড়ুপ্ ঞাপাম গাপালমারাও কাতে আর মিৎ
নাওয়া “আদিবাসী সংরক্ষন অধিকার মঞ্চ” ক বেনাও রাকাব্ কেদা মেন্তে বাডায় আকানা। আরহঁ
বাডায় আকানা বাংমা ভূয়ো সার্টিফিকেট টেকাও দারামরে নোওয়া আদিবাসী সংরক্ষন অধিকার মঞ্চ
গে হাপেন তায়ম দারামে কৗমি ইদিয়ায়।
বাডায়ঃ কানা অ-আদিবাসী
কো মুদ্রে ঝৗরুম ঝৗরুম আডি আলগা তেগে এস.টি. সার্টিফিকেট ক ঞাম এদা আর আদিবাসীয়াঃ
জুড়ু রেহঁক চৗকরি কানা। নতে নে-হালেগে ঞেলঃ গঃ কানা আয়মা কলেজ রেগে ভরতি তালিকারে অ-আদিবাসী
পৗঠুওয়ৗ কোওয়াঃ ঞুতুম গে আডি বৗড়তি এস.টি. তালিকারে মেনাঃআ। নংকাগে যুদি চালাও ইদি
আ এনখান আদিবাসী কদ চেৎ লেকারে দাও ক ঞামা মেন্তে নিৎ আয়মা আদিবাসী সংগঠন পাহ্টা
খনগে অভিযোগ রাকাব্ হিজুঃ কানা। অনাতে নংকান ফেক এস.টি. সার্টিফিকেট বিরুধ্রে আডি
লগন জাঁগে দারাম লৗগ্তি কানা মেন্তে সেটের লেন সানাম গাঁওতা ক মিৎ জুমিদ্ রেক হেচ্
এনা মেন্তে বাডায় আকানা।
নোওয়া ফেক এস.টি.
সার্টিফিকেট বিরুধ্রে যাঁহা গাপাল মারাও কো হুয় সৗরিয়েনা অনাকো মুদ্রে বাডায় আকানা :-
১) মনেরে সন্দেহ
লাগাও আন ফেক এস.টি ক্যান্ডিডেট কো লৗগিৎ RTI
তালাতে কৗমি হরা এহব আ।
২) অনা তায়ম লৗগ্তি পাড়াও লেনখান আইনি বন্দেজ হাতাও
হুয়ুঃআ।
৩) আর এটাঃ আদিবাসী সংগঠন কো সাঁওতে গড় গপড়ঃ তালাতে ফেক এস.টি ক্যান্ডিডেট
কো পাঁজা উডুক কাতে আইনি বন্দেজ হাতাও হুয়ুঃআ।
৪) BDO/SDO/DM কো বাডায় অচোকাতে লৗগ্তিয়ানা
কৗমি হরা হাতাও হুয়ুঃআ।
৫) আর জেলা জেলা করে সানাম আদিবাসী সংগঠন কো জুমিদ্ কাতে নংকানা
গাপাল মারাও আখড়া দহ হোয়োঃআ।
অনা সাঁওতে আরহঁ
বাডায় আকানা বাংমা সানাম জেগেৎ বিরদৗ গাড়রেন আদিবাসী পৗঠুওয়ৗ কো লাহা হিজুঃ লেগ্ কানা
মেন্তে মঞ্চয় মনেয়া আর আদিবাসী সংরক্ষন অধিকার মঞ্চ হঁ আদিবাসী পৗঠুওয়ৗ কো সালাঃ যোগাযোগ
দহ কাতেৎ কৗমি ইদিয়া মেন্তে কাথায় এম কেদা আর সেটের লেন সানামকো বাঁকুড়া AASSA সারহাও এ চাল আৎ কোওয়া
মেন্তেহঁ বাডায় আকানা।
.webp)
