মিৎ জড় অনড়হেঁ বার হড় অনলিয়ৗ

বার হড় মিৎটাং মনে

সাগুন হেমরম

আম দম ঞেলিঞ কানা ইঞ
আর ইঞ দ আম।
মিৎ ঘৗড়ি মেৎ রে মেৎ
তাপাকিজ এন,
অন্তর হঁ ধাক্‌ ধাক্‌ এন
আমাঃ মুলুচ লাঁদা
ইঞ দঞ ছাঁদায়েনা।
আমাঃ বঁগা কুড়ি মুঠৗন
ঞেলতিঞ আঁধায়েনা
তিন রেচ বারয়া মনে দ
তপল মিদ এন।
আম আর ইঞ
হড়ম জিউয়ি ভেগার রেঁহ,
মিলুয়ৗ মনে মিদ এন
মিলন দরয়া রেলাং খাঁজোয়েনা
দুলৗড় বাহা লাং আঁগচ আনা
তিন রেচ মনে মনে
এপেম চাপাল।

দুপলৗড়  

কুশদেব বাসকে

দুপলৗড় ডৗহি রেনাঃ 

সেবেল সেবেল অনতর খুঁদড়ি খন ,

রিলৗমালাম সেতেঞ হচুঞা।

দুপলৗড় তালারেদ মেনাঃ আ

মনে মিল রেনাঃ জড় ,

দুপলৗড় রেদ তি তি সাপাপ আন,

আশ পুরন আর ভরসা ।

  

অনা দুপলৗড় দ

আম ইঞ ঠেনগে খাঁটিঃ মা।

আমাঃ দুপলৗড় রেনাঃ ,

এটেৎ বাগান খন 

যাঁহান আতেঞ তুলুচ মে রেঁহ ;

অহঞ লৗই মুচৗৎ কেমা।

ইঞ আম তিনৗঃ ইঞ

সিবিলামা মেন্তে।

  

দুপলৗড় ডৗহি রেয়াঃ

সৗরি তপল সিকড়ি খন ,

অন্তর অৗরসিরে ঝাক্‌ঝাক্‌ ,

দুপলৗড় রেনাঃ কিয়ৗ সিঁদুর 

ইঞিঞ জতন তামা ,

জুরি মৗনান রেয়াঃ দুপলৗড়।