হক্ অৗইদৗর
 |
| নিতাই টুডু |
হানে তিস্ সেদায় রেচ লেলেগেঁদ ধৗরতি পুরিরে মৗনমিক জানামলেনা অকয়হঁ বুটৗ সাঁহিজ্ বাংক মেন দাড়েয়াঃ। মেনখান নাগামসেন কয়ঃ লেখান আব খেরওয়াল হড় হপনগে নওয়া মঞ্চ পুরিরেন পুইলু থক রেন মৗনমিদ পালেন। মেনখান কুকলি হিজুঃআ , চেদাঃ তবে নিতঃহঁ এটাঃ জৗতিখনহঁ নিধৗন আর ওনকো ঠেন খন রডজ্, কচলন,নাহাচার এমান ঞাম হোয়োঃ কানা? আর তিনদিন নংকা হারকেৎ-শাসেৎ সাহাও কাতে তাঁহেনাবন? আবোওয়াঃ হক অৗইদৗর আর তিসবন্ বুঝৗও তাবনা ? সে আবদ হানে পৗহিল লেকা বৗইরি কওয়াঃ নাহাচারতে বির গাজাড় সেনগে বন চালাঃ আ ? নিৎমা অঁডে খন হঁক লাগা ডিগ্লৗও এদ্বন। মেনখান নিৎ আর অকা বন চালাঃআ? মেন গানঃআ পিছ্লৗও পিছ্লৗওতে আবোওয়াঃ দেয়া কাঁথরে ঠাকেদ্ আকানা।
উইহৗরদ হিজুঃগেয়া মেনখান আঁজমায় অকয় ? অকয়ক হরক উদুঃ আবনা উনকুহঁ ঠিকমত বাংবন উরুম দাড়েয়াকো কানা আর নঁতে হর চিয়ৗ কঁহ আকোওয়াঃ অৗখিরগে মাড়াং কো ঞেল এদা। অনাতে সমাজ সাঁওতা নিৎ টলমলা কানা।হক্ আইদার ঞাম রেনাঃ উইহৗর মা অৗডি সাঁগিঞ কাথা কানা। যাঁহায় যাঁহা লেকাবন দাড়েয়াঃ কান আপান আপিন বন ররড় কানা। অনকা রেদ তিসহঁ কৗমি বাং জওয়াঃ আ ? হক্ অৗইদৗর ঞাম লৗগিদ্ নিৎ পরিবেশ উকুর ? আদিবাসী কোওয়াঃ জুমিৎ উকুর? আয়মা হড়গে আপান আপিনাঃ জীয়ন খাঁডাও রেগেক বিদ্ চাবাও আকানা । দিশমরে , সাঁওতারে চেদ্ হুয়ুঃকানা আয়মা হড় আঁজম কাতে লুতুররেহঁ বাং বলও আকো কানা। আদম কদ ঞেল কাতেহঁ বাং ঞেল আর বাডায় কাতেহঁ বাং বাডায় রেনাঃ ভান কো উদুগৗ। মেনখান বাংক হুদিশ এদা অৗখির চেৎ হোয়োঃ তিঞা?
আর অনাতেগে তেহেঞ অনাকো বাডায় লৗগিৎ, অনাকো আঁজম লৗগিদ্ ' Phychology ' বাড়ায় হুয়ুঃ তাবনা। সাঁওতারে আবো লৗগিৎ অকয় চেৎক মেন এদা আর অকয় দ বাং ? অনাকো তেহেঞ তুলৗজখা হোয় আবোনা। পৗহিলদ গ- বাবা সাঁও,বয়হা মিসি সাঁও, আতু সৗগৗই অৗডি মঁজগে তাঁহে কানা। মেনখান নেতার শসনঃ সাঁওতারে নিজেরাঃ যাতে ঞুতুম হুয়ুঃ তায়মা অনা লৗগিদ্ আয়মা হড়গে সিঞ ঞিদৗ কুরুমুটু রেগে মেনাঃ কওয়া । মিদ্ কাথাতে মেনগানঃআ ঝতগে নেতারদ নেতাঃ সানায়েদ কওয়া। নেতা হুয়ুঃ লৗগিদ্ দর্শন, রাষ্ট্রবিজ্ঞান, সমাজবিজ্ঞান, মনোবিজ্ঞান সাঁওতে আয়মা কান সাতাম বাডায় লেগ্ লৗগ্তি কানা। তবেয়না নেতা রেয়াঃ গুণ তাঁহেনা মেনতেদ বুঝাঃ আ। আর অনা সাঁওতে হুডিঞ মারাং মানাও- বাতাও হোয় আবোনা।
নিৎ হাপেন দিনরেন পপংড়াক লৗগিৎ হক-অৗইদৗর বাঞ্চাও দহয়রে যাঁহা লেকাতেহঁ আদিবাসী জুমিৎ লৗগ্তিঃ কানা। বাংখান আবোওয়াঃ হক-অৗইদৗর আবোওয়াঃ মেৎ সামাং খনগে বৗই বৗইতে আদ চাবাঃ আ। উনদ নেতা কাতে তিনৗ হুঁকৗ সানায়েৎ মেয়া মা একলাগে হুঁকৗ জংমে…….।
.webp)
