(হুডিঞ মাছা কৗহ্নি)
দায়া রেনাঃ গনং
 |
| দুর্গাচরণ মুরমু |
মড়ে সের্মা মাড়াং রে মিৎ ধাও মাচেৎ বাহাল লৗগিৎ পশ্চিমবঙ্গ স্কুল সার্ভিস কমিশন বিনিড হুয় লেনা আর অনা তায়ম অকা চৗকরি রেনাঃ বাহাল বিনিড হঁ বাং হুয় আকানা। অনাতে এম এ,বিএড পাস কাতে হঁ অৗডিগান বেকার কড়া-কুড়ি গে মুম্বাই,চেন্নাই,বেঙ্গালুরু কৗমি ক চালাও আকানা।
সিরজন তাকো দক্ রেঁগেচ্ গেয়া-বার গুড়হৗ গান খেত হাসা তাকো আর আচ্ বাবা কাঠমিস্ত্রী কৗমি কাতে জাঁহা লেকাতে ঘারঞ্জ চালাঃ কান তাকোওয়া। কাঠমিস্ত্রী কৗমি কাতে গে সিরজন দ এমএ-বিএড এ পাড়হাও হচ্ আকাদেয়া।নে-বেতার দ সিরজন আচ্ বাবা আঃ উমের হুয় আকান তায়া-পৗহিল লেকা দ বায় কৗমি দাড়েয়াঃ। সিরজন আচ্ বাবা আঃ হড়ম জিউয়ী নাপায় বাং তে সিরজন দ সাঁঙ্গিন দিশম কৗমি বাং চালাও কাতে কোলকাতা রেনা: মিৎ গৗডি মোটর পাটর্স বেনা:কান প্রাইভেট ফ্যাক্টরী রে কৗমিয় এতহব কেদা।
বার-পে চান্দো বাদ বাদ গে সিরজন দ আতু দিশম অড়াঃ এ হিজুঃ আ। তেহেঞ হঁ অড়াঃ চালাঃ লৗগিৎ আলিপুর পেট্রল পাম্প মোড় রে হেচ্ কাতে বাসরেয় দেজ্ এনা হাওড়া স্টেশন চালাঃ লৗগিৎ। বাস খন ফেড কাতে হাওড়া রেলওয়ে স্টেশন রে ট্রেন টিকিট কাটাও লৗগিৎ লাইন রেয় তিঙ্গুয়েনা। আচ্ লাহারে গেল গটাং হড় লাইন রে মেনাঃ কওয়া আর তায়নম সেন দ্ মড়ে-গেল লেকা হড় লাইন রে মেনাঃ কওয়া। মিৎটান দিকু আয়ো হড় সিরজন ঠেন হেচ্ কাতেৎ মেতায় কানায় বাবু অৗলিঞা টিকিট হঁ কাটাও তরায় মে আর বাং খান নিতং আ ভুবনেশ্বর এক্সপ্রেস ট্রেন দ বাং লিঞ সাব দাড়েয়া। বাবু দায়া কাতে বারয়া ভুবনেশ্বর এক্সপ্রেস টিকিট এম কাটাও আলিঞ খান লগন মাছা ভুবনেশ্বর তেলিঞ সেটেরকগ আ -- অন্ডে ইঞরেন গিদরৗয় চৗক্রিয়ৗ হলা ঞিদৗ এক্সিডেন্ট হুয় আকান তায়া। অনাতে আঙ্গা তরা ট্রেন সাব লৗগিৎ লিঞ হেচ আকানা। অনা কাথা ক আজম কাতেৎ সিরজন আঃ মনেরে উনকিন দিকু আয়ো হড় চেতান অৗডি দায়া দুলৗড় সারসাও এন তায়া। মড়ে শায় টাকা কিন এমাদেয়া টিকিট কাটাও লৗগিৎ। ভাড়া দ পুন শায় টাকা লাগাঃআ বারয়া টিকিট লৗগিৎ। আদো আজাঃ টিকিট কাটাও সাঁওতে উনকিন দিকু আয়ো হড়াঃ হঁ টিকিটে কাটাও তরা কেদা।
টিকিটে এমাৎ কিনৗ। এম তরাগে উনি দিকু আয়ো হড়ে মেন গৎ কেদা -- বাবু আর বাকি ফেরৎ টাকা দ উকুরতিঞ? ইঞমা বার হাজার টাকা নোট ইঞ এমাৎ মে তাঁহেৎ আর আমমা মিৎ শায় টাকা ফেরৎ এম এমাদিঞৗ আর গেল-মড়ে শায় টাকা তিঞ দ অকয়ে এমঃ আ ? আম বাবা?নিৎ গে গেল-মড়ে শায় টাকা রুয়ৗড় কৗতিঞ মে আর বাং খান হড়িঞ জাওরায়েৎ কওয়া-- আর পি এফ ইঞ ডাকাও কওয়া।
.webp)
