জেগেৎ নারকোল মাহা দিসৗ কাতে

জেগেৎ নারকোল মাহা দিসৗ কাতে

-ডাঃ সুরেন্দ্রনাথ মান্ডি

২০০৯ সাল খন ২ সেপ্টেম্বর হিলোঃ জাও সেরমাগে ‘জেগেৎ নারকোল মাহা’ মানাও মেন্‌মা উদ্‌যাপন কো APCC (Asian and Pacific Coconut Community)। নোওয়া মাহা উয্‌যাপন রেনাঃ জস্‌ দ জে – APCC রৗশিয়ৗ দিসম রেন মৗনমি কো জাতে নারকোল রেনাঃ সানাম গুনৗগুন – নারকোল আরজাও আর বেওহার তে হড়ম-সাঁওয়ার আর আপাসুলঃ রেনাঃ কাথা কো বাডায় দাড়েয়াঃ মা।

জেগেৎ জাকাত রে নংকান আর মিৎটান দারে বৗনুঃ আ, জাঁহা রেনাঃ এনেম দ অসাম্ভেড় গেয়া। নারকোল দারে দ অৗডি দামান, গুনৗন দারে কানা, জাঁহা দারে রেয়াঃ দ রেহেৎ খন এহব কাতে গৗড়য়ৗ সাকাম, জ, রেনাঃ কৗউডি রজগারান গুন, মেন্‌মা অনাক আখরিঞ কাতে রেঁগেচ্‌ নাচার দসা সাহাঃআ; ইনৗ সুমুং দ বাং- ডাব আর নারকোল ভিতরিরে তাঁহেনা আয়মা আয়মা হড়ম সাঁওয়ার উপাদান ক।

নারকোল খন সিবিল জমাঃ ঞুওয়াঃ সে সুনুম  রেনাঃ উপাদান সুমুং দ বাং ঞামঃআ, নোওয়া  খন আয়মা লেকানাঃ রোগ-আজার  খন টেকাও দারম রেনাঃ উপাদান ঞামঃআ। নারকোল রে চেতান ধাপ্‌ রেয়াঃ রান গুন তাঁহেন খৗতির জুগ জুগ খন হড়ম হারতা বহঃ উব্‌ জতন রে অনা বেওহার হিজুঃ কানা। চেদাঃ সে, নারকোল রে মেনাঃআ ভিটামিন, খনিজ, ইলেক্ট্রোনাইড,এমিনো এসিড। নোওয়া বেগর মেনাঃ আকাদা Antifungal, Antivirul, Antibiotic উপাদান, জাঁহা কদ হড়ম-হারতা, জীবানু খন বায় তাঁড়গম অচওয়াঃআ। আরহঁ নারকোল রে মেনাঃআ ভিটামিন সি, বি-১, বি-৫, বি-৬ আয়রন আর প্রাকৃতিক বুলুং।

অকা অকা আজাররে নারকোল চেৎ লেকা বেওহার হোয়োঃআ অনা লাতাররে অল হোয়েনা-

১। ডায়াবেটিস সাহায়রে – মিৎটান জৗলিয়াঃ ডার, গেৎ ভুগা কাতেৎ অনারে বার চিম্‌টি গান হেঁদে জিরৗ ঞিদৗ অক্তে এম্‌ লহৎ কাঃ হোয়োঃআ, আর সেতাঃ পায়ার রে অনা দাঃ ঞুয় হোয়োঃআ নংকা বার হাপ্‌তা গান ঞু ইদিলেখান ডায়াবেটিস আজার কমঃ আ, অনা তায়ম আড়াছাড়া ঞু ইদিয় হোয়োঃআ।

২। হাজাম দাড়ে কমঃরে – নারকোল ভিতরি রেনাঃ শাঁস তেৎ কুরৗও অডক কাতেৎ আর লৗহুৎ কাতেৎ শাঁস তেৎ ছাকাও গিডি কাঃ হোয়োঃআ, আর অনা দাঃ/সুনুম হেডেচ্‌ লল কাতেৎ দহ কাঃ হোয়োঃআ দিনৗম হিলোঃ মিৎ চামচ কাতে অনা সুনুম দাকা সাঁও মেসা কাতেৎ মিৎ হাপ্‌তা গান জম হোয়োঃআ। সাঁওতে অনা নারকোল সুনুম সাঁও ডৗর সমেত পুদিনৗ সাকাম রিৎ গুঁডৗ কাতেৎ জম লেখান আরহঁ নাপায়ঃআ।

৩। প্রোস্টেড গ্ল্যান্ড ফোলাও রে – নে হারাঃ গদঃ নারকোল দারে রেনাঃ রেহেৎ কটেচ্‌ লৗহুৎ কাতে রাসাতেৎ অডক হোয়োঃ আ আর অনা রাসা মিৎ চাঁদো গান মিৎ চামচ কাতে সেতাঃ অৗয়ুব্‌ নাসে লল তোওয়া সাঁও ঞু হোয়োঃআ।

৪। লাচ্‌রেন পাটওয়া লাগা করে- দাকা দাঃমৗডি জম ঞু তায়ম একদম জৗলি ডাব রেনাঃ দাঃ জাঁহা দ রাহাম রাহাম আর কাসা গে অৗয়কৗ- মিৎ হাপ্‌তা গান ঞুয় হোয়োঃআ।

৫। মৗড়ি জাঁবে ফুলাঃরে-  নারকোল দারে রেনাঃ রেহেৎ রাপাঃ রঁগ কাতেৎ আর রিৎ গুঁডৗ কাতেৎ অনাতে ডাটা ঘাসাঃ হোয়োঃআ।

৬। দাঃসেন কৗঠনা রে- দিনৗম হিলোঃ সেতারে বার হাপ্‌তা গান নারকোল দাঃ ঞুয় হোয়োঃআ।

৭। দৗদ্‌-রে – রহড় নারকোল কটেচ্‌ আধলা কাতে আর খাপ্‌রা ভিতরিরে সেঁগেলতে ধুঁড়সাঁও কাতে মিৎটান বৗটিরে ঢাপঃ দহ কাঃ হোয়োঃআ। অনা খন জাঁহা রাসা অডকঃ আ অনারে তুলি লহৎ কাতে দৗদ্‌ অমন আকান জায়গা রে লাগাও হোয়োঃ আ, নোওয়াতে জলন আয়কাঃআ। নিয়ৗ অক্তরে দাদ্‌ ঠেন নারকোল সুনুম বেগর এটাঃ জাঁহানাঃ লাগাও বাং গানঃআ।

৮। আধ কপালি বহঃ হাসোরে- নারকোল দাঃরে ১০-১২ টি চিনি দানা মেশা কাতেৎ মু-তে সুঁগরৗও খৗড় জং আন হোয়োঃআ। বাংখান মু ভিতরিরে ড্রপ হোয়োঃআ।

৯। বীর্য পাত্‌লা রে- নারকোল মুখৗন ভুগৗ কাতেৎ দাঃতেৎ অডক গিডি কাঃ হোয়োঃআ আর নারকোল ভিতরিরে কৗটিচ্‌ গান বুলুং সাঁবাও কাতেৎ বার-পে দিন ভুগৗ তেৎ এসেৎ দহ কাঃ হোয়োঃআ অনা তায়ম ভিতরিরেনাঃ শাঁস তেৎ দাঃরে অৗরুব্‌ সাফা কাতেৎ আর অনা শাঁস কটেচ্‌ লাহুৎ কাতেৎ রাসা/তোওয়া তেৎ ছাঁকাও ভিনৗয় হোয়োঃআ। নারকোল রেয়াঃ অনা তোওয়া বার চামচ্‌ কাতে তালা কাপ লল গৗই তোওয়া সাঁও বার হাপ্‌তা গান ঞুয় হোয়োঃআ।

১০। হড়ম-হারতা রে - নারকোল দাঃ আর নারকোল সুনুম বেওহার রেনাঃ অজে কমা সানাম কগে বোন বাডায় গে।