আবোওয়াঃ ওয়েব পেজ- সোশ্যাল মিডিয়া রে মেরুনা মুরমু ঞুতুম নিৎ তামাম আদিবাসী কঠেন মিৎ রড়দারাম চৗরিত্ লেকাতেকো ঞেল এদা মেন্-তেগে বাডায়ঃ কানা। পারমেন ৮ সেপ্টেম্বর, সোশ্যাল মিডিয়া রে মিৎ সাইনিং পিটিশন্ রে ঞেল আকানা বাংমা আদিবাসী গাঁতাত রেন আয়মা হড় গে মেরুনা মুরমু সোর রেগেক তিঁগুওয়াকানা।
ডঃ মেরুনা মুরমু দ যাদবপুর জেগেৎ বিরদৗগাড় রেন নাগাম সাতাম রেন অ্যাসোসিয়েট প্রফেসর। বাডায় আকানা ২ সেপ্টেম্বর ইউজিসিয়াঃ বিনিড লৗইতে আয়াঃ মতামত এম লেদায়। ডঃ মুরমু রড় লেদায় বাংমা নোওয়া করোনা আওহালরে মিৎ সেরমা রেনাঃ বিনিড খন পৗঠুওয়াঃ কোওয়া জিয়ন রেনাঃ গনং অৗডি বৗড়তি তাকোওয়া। অনালেকাতে নিৎ বিনিড হাতাও রেনাঃ বাধ্যবাধকতা ঠিক বাং কানা মেন্তেয় মনেয়া। নঁডে লৗই লৗগ্তি কানা নোওয়া কাথা চেতান আরহঁ এটাঃ মতামত আর যাঁহায়া তাঁহেগে দাড়েয়াঃআ। মেনখান অনা জায়গারে বেথুন কলেজ রেন পে-সেরমা রিনীচ্ পারমিতা ঘোষ ঞুতুমান মিৎ পৗঠুওয়া মৗই আঃ মচা খন আঁজমেনা বাংমা রিজার্ভেশন কোটা সে আদিবাসী জৗতি ঠেন দ মিৎ সেরমা চেদাঃ গেল সেরমা বিনিড বাং হোয়ো রেহঁ উনকু ঠেন দ চেৎ বেপার গে বাং কানা। মেনখান আলেঠেন দ মিৎ সেরমা লস মানেগে জিয়ন রেনাঃ ক্যারিয়ার লস। একেন অনা সুমুং দ বাং আরহঁ বাডায় আকানা বাংমা উনি পৗঠুওয়ৗ মৗই দ ডঃ মেরুনা মুরমু লৗইতে লাতার জৗত আঃ দৌলত তে হেচ্ আকান যোগ্যতাহীন অপদার্থ এমান কাথা কঁহয় রড় পারম আকাদায় মেন্তে বাডায় আকানা।
নোওয়া কাথা কো আঁজম কাতে ডঃ মেরুনা মুরমুদ ফেসবুক রেনাঃ কাথাকো সোশ্যাল মিডিয়া রে পাশনাও কাদায়। অনা কো কাথা বাডায় ঞাম কাতে আয়মা হড়গে আদিবাসী কো অপমান হুয় আকানা মেন্ তেগেক মনয়েদা। আর অনা খৗতির গে নিৎ ডঃ মুরমু সোররে আদিবাসী কো তিঁগুয়াকানা আর কো রড় দারাম এদা মেন্তেগে বাডায়ঃ কানা। আর নঁতে পারমিতা ঘোষ আঃ শাসেৎ ঞাম রেনাঃ দাবি হঁক দহ আকাদা মেন্তেহঁ বাডায় আকনা।
.webp)
