(হুডিঞ মাছা কৗহনি)
গুনমানাও বাডোহি
 |
| কুশদেব বাসকে |
হুডিঞ খন গে লিলিবিছি আঃ মন অন্তর রে টুডৗং লেনা শিখনৗৎ রেনাঃ পহা দারে। অনাতে ঘাঁরঞ্জ পৗওড়ি খন আয়ো বাবা আঃ সনৎ সিখৗও ডাহার তেগে লিলিবিছি দ তাড়াম হোয় আকাদেয়া। আচ উমেরান গিদরৗ ক সাঁও খেলোড অক্ত কমগে হোয় আকান তায়া। শিখনৗৎ ডাহারতে বিরদৗগাড় রে মাচেৎ মাচেতানি কঠেন অৗডিগান অন্তরিচ লিলিবিছি কানায়। উনিয়াঃ শিখনৗৎ জিয়ন নুনৗঃ গে লাসেরা দিনৗম দিন রেনাঃ কৗমি বেওহার আনাঃ ভেনটি লেকা। ভেনটি যেলেকা লাসের মেনাঃ আ। অনকাগে মাচেৎ কৗরিগল উদুঃ দিশৗ কঁহ অনকাগে তেয়ার লাগাও কোওয়া ।
আকো বেচ্ লিলিবিছি দ শিখনৗৎ অর্জতে মারেডি বি্রদৗগাড় রে যতখন মাড়াংরে মেনায়া। পাড়হাঃ জিয়নরে কৗটিচ হঁ খৗমতি বৗনুঃ তায়া। মাচেতানি বিনীড রেহঁ মিদ চানসতে চৗকরিয় ঞাম আকাদা। নে- হালে গে জৗতিয়ৗরি মাচেৎ মাহারে পোনাঃ লকডাউন খৗতির মাচেতানি লেকাতে পৗঠুওয়া কঠেন সামাং দাপরাম বায় সেটের দাড়েয়াদা। অনাতে ডিজিট্যাল তালাতেগে মাচেতানি লেকাতে কাথায় অৗড়তি কেদ তায়া ।
লৗলৗয় কানায় – সৗরিগে; আমদো গুনমানাও বাডোহি তেয়ারিচ কানাম। আমাঃ এনেম দ লেখা তেঁহ বাং পুরৗঃ আ। আমদো সেরেঞ কৗরিগল বাডোহি কানাম। চিতৗর গড়হনিয়ৗ সিখৗওইচ কানাম। সিখনৗৎ আন গুরু,চেলা বেনাও হঁ কানাম। মাচেৎ মাচেতানি লেকাতে সিখৗও গড়হোনিচ হঁ কানাম। জানাম আয়ুরিচ আয়ো বাবা ক সিখনৗৎ এমঃ রেন সমপদ কানা কো। সাঁওতা সমাজ রিনিচ উদুঃ দিসৗ ইচ নাগামিয়ৗ হঁ কানাম। জিয়ন সিখনৗৎ রিনিচ হাপেন দিন রেন আয়ুরিচ আর আমাঃ নাপায় উদুঃ দিশৗ বিরদৗ হঁ কান তামা। আমদো যাঁহা সেন তেগিঞ লৗই মে রেঁহ ; মিমিদ কাথাতেঞ মেনা - " যাঁহায় কো সিখনৗৎ রেনাঃ হর ডাহার ক উদুঃ আবোন কানা , উনকু কগে বাডোহি দ। বাডোহি ক হতেচ তে পৗঠুওয়ৗ কদ সিখনৗত বৗতি"। এনতে রেহো ; আমাঃ এনেম দ অকয় ঠেন দ তুলৗডৗড়িচ লেকা ক ওজন আম কানা। আমাঃ সিখনৗৎ ডাহার গে গুনমানাও বাডোহি লেকাতেক সারহাও মেয়া। পৗঠুওয়ৗ ক নিজে তালারে অন্তর দাড়ে রে পৗতয়ৗও দহয় তাবোন পে। বেশি অক্ত বাং বিলোম কাতেঃ গুরুজন কদ জহার আর হুডিঞ কদ দুলৗড় সাঁওতে পৗঠুওয়ৗ কো অন্তর চেরেচ্ এম কাতে নঁডে গিঞ হৗপিদ কেদা।
.webp)
