সিঁগি মাহারেনাঃ সাকাম ‘চেরেচ আড়াং’ চেতান মানতান শ্রীকান্ত সরেন গোম্‌কেয়াঃ তুলৗজখা-

মানতান সাসাপড়াওইচ (আবোওয়াঃ কাথা)

চেরেচ্ আড়াং
আগস্ট ৩০,২০২০
তুলৗজখা- শ্রী কা ন্ত স রে ন'

 আবোওয়াঃ কাথা ' রে সিঁগি মাহা- সিঁগি মাহা আঁজম হিজুঃ কানা ' চেরেচ আড়াং '। অনা চেরেচ আড়াং আঁজম কাতে অৗডি রৗস্কৗঞ আটকার কেদা। অনাতে ইঞাঃ অন্তরখন ওডোক আকান কাথাকগে, অল কাতেঞ সদর কেদা।

এম. নেপোলিয়ন টুডু আঃ ‘হিঁসি চেঁড়ে’ ছন্দতে গাবান আকান এম. নেপোলিয়ন টুডু আঃ ' হিঁসি চেঁড়ে ' অৗডি নাপায়। তালে দারে নিতহঁ মেনাঃ আ মেনখান বৗনুঃ কওয়া হিঁসি চেঁড়ে। অনলিয়ৗ গমকে, তালে দারেসেৎ কয়ঃ কাতে, নেতার হঁ পারম আকান দিনকয় ঞেলঞাম এদা। নুই আঃ অলরে অৗডি নাপায় অক্ত তল আকানা।

বিভূতিভূষণ সরেন আঃ ' গিদৗর বৗউলী ' ছন্দতে পাড়হাওরে হাড়াগঃ কানালে। অনড়হেঁ দ নাপায় গে, আরহঁ নাপায় লে আশঃ কানা।

শশীকান্ত মূর্মূ ইচ ' তালা নানা ' আর কুমাং অৗডিকিন নাপায়া। নংকান শায় সেরমা রেন নানা আর কুমাং, অড়াঃ অড়াঃ লৗকতিয়ৗ।

গাতে টুওয়ৗর পাঁঞ্জা- পাঁঞ্জাতে অৗডি নাপায় ' এড়ে হাড়াম ' এ ঞাম আকাদেয়া। নংকান হাড়াম দ, গড়ম কড়া- কুড়ি তাক সাও গাতে কায়খান -অৗডি নাপায়ঃ আ। অনড়হেঁ রেনাঃ ছন্দ, অনড়হেঁ রেনাঃ ᱢᱟ.ᱱᱮ বৗড়তি আকাদা।

দুগাই টুডু আঃ ' অকায় নাপে গিদরৗ কদ ' গিদরৗ ক লৗগিৎ অৗডি নাপায় মিৎটাং অনড়হেঁ। অনড়হেঁ রে ছন্দ , থড়া ঢিলৗগে রেহঁ গুন মেনাঃ আ। গিদরৗ উমেররে, গিদরৗ ক- নওয়া অনড়হেঁ পাড়হাও কাতে হাড়াম হৗবিচ ক দিশৗয়া। দামান কাথাতে গাবান আকান নুই আঃ অনড়হেঁ ,সেরমা ইপিল লেকা জোলোঃ আ।