আবোওয়া ওয়েব পেজ- দিশম ধৗরতি জাকাত কোভিড-১৯ খৗতির নিৎহঁ হড় লোকোৎ লোকোৎ। দিশম রেনাঃ আয়মা কৗমিগে ঞুর গিডি মেনাঃ আ, যাঁহাদ আর চেৎ তেহঁ বাং হোয় লৗগিদঃ কানা। নঁতে নিৎহঁ ইস্কুল কলেজ বন্দ। এনহঁ নোওয়াক তালারে সান্তাড়ি সাঁওহেদ্ চারচাও সেন কয়ঃ লেখান ঞেল্ গঃ কানা সাঁওহেদ্ চারচাও রে থামগৗড়ি দ বৗনু আন। অনা খন গে বাডায়ঃ কানা বাংমা কোভিড-১৯ লেকান মারন ভাইরাস হঁ সান্তাড়ি সাঁওহেদ্ চারচাও রে বায় টলাও দাড়েয়াকাৎ কোওয়া মেন্তে বাডায়ঃ কানা। বরং সাঁওহেদ্ চারচাও মাড়াং খন অৗডি আয়মা ঢের আকানা মেন্তেহঁ আয়মা অনলিয়ৗগে আকোওয়াঃ মতামত আবোরেন খবরিয়ৗ ঠেন কো সদর আকাদা। সোশ্যাল মিডিয়া সেন কয়ঃ লেখান হঁ সাঁওহেদ্ চারচাও রেনাঃ চিতৗর ঝালকাও রাকাব্ কানা। নোওয়াদ সাঁওহেদ্ চারচাও রেনাঃ মিৎ মারাং সুনযোগ কানা মেন্তেহঁ আয়মা অনলিয়ৗ, সাঁওহেদিয়ৗ কোওয়াঃ মচারেগে আঁজমঃ কানা।
আর নোওয়া করেনাঃ সানাম সৗবুদ্ লেকাতে বাং হৗটিঞ মেদিনীপুর সান্তাড়ি সাহিত্য অ্যাকাডেমিয়াঃ ভারচুয়াল অনড়হিঁয়ৗ হেলমেল আখড়া ঞেল্ কাতেৎ হঁ সাঁওহেদ্ চারচাও রেনাঃ ভৗগি নিশৗন চিতৗরগে সদর এদায় মেন্তেগে বাডায়ঃ কানা।
বাডায় আকানা বাং হৗটিঞ মেদিনীপুর জেলা সান্তাড়ি সাহিত্য অ্যাকাডেমিয়াঃ সৗহিজুহিতে আয়মা সাঁগে অনড়হিঁয়ৗকো লৗইতে মিৎ ভারচুয়াল অনড়হেঁ পাড়হাও আখড়ায় সাপ্ড়াও আকাদা। নোওয়া আখড়া দ মেয়াং ৩ সেপ্টেম্বর ২০২০, সারদি মাহা হিলোঃ আয়ুব ৮ বাজা অক্তে এতহবঃ আ মেন্তেহঁ বাডায় আকানা।
নোওয়া আখড়ারে যাঁহায় ঞুতুমান অনড়হিঁয়ৗকো সেলেদ্ তাঁহেন কানা উনকু মুদ্রে বাডায় আকানা- ১! সত্যেশ্বর মুরমু ২! শিবনাথ হেমব্রম ৩! ফটিক মুরমু ৪! লক্সী মান্ডী ৫! দূর্গাপ্রসাদ হেমব্রম ৬! শুভ্রা মান্ডি ৭। রবীন্দ্র মাহালী ৮! লস টুডু ৯! শ্যামসুন্দর হাঁসদা ১০! ভবানীশংকর মান্ডি ১১! প্রসেনজিৎ মুরমু ১২! রাজু সরেন ১৩! কিশলয় মুরমু ১৪! সনাতন টুডু ১৫! সনাতন মুরমু ১৬! বাবলু সরেন ১৭! কালিরাম মুরমু ১৮! গুহিরাম কিস্কু এমান।
বাডায় আকানা আখড়ারে উঢৗও সেরেঞায় অঞ্জলী সরেন আর সৗগুন দারাম বাঁখেড় এ দহয়া মানতান রুপচাঁদ মান্ডি গোম্কে। আখড়া তালারে থুতিয়ায় মানতান রবীন্দ্রনাথ সরেন গোম্কে আর সেরেঞায় - মানতান সমরায় বাস্কে। আর আখড়া সারহাও বাঁখেড় এ দহয়া গাঁওতা সুৎরেৎ মানতান মনু হাঁসদা গোম্কে।
আরহঁ বাডায় আকানা নোওয়া মেদিনীপুর সান্তাড়ি সাহিত্য অ্যাকাডেমিয়াঃ ভারচুয়াল অনড়হিঁয়ৗ হেলমেল আখড়া চাচলাও রে তাঁহেন কানা কিন মানতান সুরেন্দ্রনাথ হেমব্রম আর সুনীল কুমার মুরমু গোম্কে।
.webp)
