(হুডিঞ মাছা কৗহনি)
কিঁসৗড় কৗমি
 |
| - বীরসা কিস্কু |
গোবরধন দ ঝত হাট পাতা রেগে তিরয়ো বানাম পুঁথি পতব আখরিঞ এম ঞেল ঞামেয়া। হানে তিস সেদায়রে পুঁথি কিরিঞ- আখরিঞ ঞেল্তে অৗডি আয়মা হড় ক লান্দাও আদে তাঁহেন , মেন লেদা ক " বাবু পুঁথি পতব আখরিঞ কাতেৎ দ চেদ্ হুয়ুঃ তামা, নামাল তানাঃ চালাঃ মে "। গোবরধন দ হড়াঃ কাথারে বাং লুতুর কাতেৎ মনে মুরখ কাতে আয়াঃ কৗমি লেতাড়গে কৗমিয়েদা। জানাম পৗরসি চেতান দুলৗড় ঞেলতে মিৎ বার অনলিয়ৗ ক আকোওয়া পুঁথি আখরিঞ ক এমাদেয়া, অনাক খন যা উডৗং মিৎ বার নয়া আয় হুয়ুঃ ইনৗগে আয়াঃ থুলয়ৗগ্ রে।
ঞেল্ ঞেল্তে ইসি সেরমা পারম এনা আয় হঁ মিৎ বার নয়া খন গেশাশায় আনা পেরেচ এন তায়া। সানাম অনলিয়ৗ ,অনড়হিঁয়ৗ আ পুঁথিতে জ্ঞানরেনাঃ মুরৗই এ বেনাও আকাদা। গোবরধনাঃ কৗমিরেয়াঃ যশ দ নওয়া গে আয়াঃ মুরৗই রেয়াঃ ইতৗতে তায়নম আকান সমাজ লাহান্তি ডাহার রে হাপেন সেটেরঃ আ।
তিহিঞ দ শিখনৗত হঁ লাহা আকানা, জানাম পৗরসিতে অল পাড়হাও হঁ এতহব আকানা। সরকার পাহটা খন হঁ "গোবরধন পুঁথি গাদান" ঞুতুম ছৗটয়ৗর আকানা, অনাতে অৗডি আয়মা বিরদৗগাড়, জেগেদ বিরদৗগাড়রে পুঁথি সাপ্লাই রেয়াঃ অর্ডার এ ঞাম এদা আর নিৎ মনে মনে তেয় মেন জং কানা ভাগ্যিস উন্রে হড়াঃ কাথাতে কিঁসৗড় কৗমি বৗঞ চালাও লেন।
.webp)
