আবোওয়াঃ ওয়েব পেজ- পছিম মেদিনীপুর জেলা রেনাঃ ২নং বুগড়ী মুলুক ( গোয়ালতোড় ব্লক) ৫নং গোয়ালডাঙ্গা গ্রাম পঞ্চায়েত আপিস রেনাঃ ঞুতুম সান্তাড়ি পৗরসি অলচিকিতে অল এনা। আর নোওয়া অল ঞেল কাতে আদিবাসী এলাকারেন হড়-হপন কো মুদ্রে কুশি রেনাঃ চিতৗর ঝালকাও রাকাপ্ আকানা মেন্তে বাডায় আকানা।
পারমেন ২ আগস্ট ভারত জাকাত মাঝি পারগানা মহল রেন বাবা কো তাঁহে কাতে ইনৗহিলোঃ অনা পঞ্চায়েৎ আপিস রেনাঃ ঞুতুম কো অল অচঃ কেদা মেন্তে বাডায় আকানা। নোওয়া মাড়াং ২নং বুগড়ী মুলুক (গোয়ালতোড় ব্লক) ৯নং পিয়াশালা গ্রাম পঞ্চায়েত আপিস রেনাঃ ঞুতুম সান্তাড়ি পৗরসি অলচিকিতে অল হুয় আকানা মেন্তেহঁ বাডায় আকানা।
বাডায় আকানা ১০ আগস্ট ২০২০ হিৎ হিলঃ বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা খন জেলা জগ পারগানা মানতান মনরঞ্জন মুরমু গোম্কেয়াঃ অৗয়ুরতে সানাম ব্লক,পীড় আপিস করে নোওয়া ইদিকাতে ডেপুটেশন এম হুয় লেনা। আর নিৎ অনা রেনাঃ গে মিৎ মিৎ তে অর্জ ঞামঃ কানা মেন্তে আয়মা হড়গে কো মেন বাডায় এদা।
বাডায় আকানা বাংমা বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা খন দাবী দহ হুয় আকানা সানাম আদিবাসী এলাকা করেগে গ্রাম পঞ্চায়েত আর ব্লক আপিস রে নংকাগে সান্তাড়ি পৗরসি অলচিকিতে অল হোয়োঃ মা।
.webp)
