জৗতিয়ৗরি মাচেৎ মাহা
মৗই বুরুলুকুই
মান্ডি
অড়াঃ উতৗর রেন
বাং হোয় কাতে রেহঁ, জাঁহায় কদ আবোরেন গুরুজন, আঃয়ুর সোতোঃ কো কানাকো, ওনকো দ মাচেৎ-মাচেতানি।
নোকো দ আবো অলঃপাড়হাও কো সেঁড়াওয়াবোনা আর চৗরিত তেয়ার রেকো গড়সপহৎ বোনা। কিছু কিছু
মৗনমি কোওয়াঃ ঋণ দ জিয়ন ভর্ তেহঁ বাং হালাঃআ- আয়োবাবা বেগরহঁ আবোরেন মাচেত-মাচেতানি
কদ অনা থক্রেন গে। আবো সানাম কোওয়াঃ জিয়ন
রেগে মাচেত-মাচেতানি কোওয়াঃ গৗহির অরসং রেয়াঃ কাথা উইহৗর অৗচুর লৗগিৎতেগে আবো দিসমরে ৫ সেপ্টেম্বর হিলোঃ দ ‘মাচেত-মাচেতানি
মাহা’ পালাও হোয়োঃআ। অনা মাহা দ আরহঁ দিসমরেন দসারৗনিচ্ দিসমগম্কে (রাষ্ট্রপতি)আর
অৗডি ঞুতুমান দার্শনিক, মাচেৎ ডঃ সর্বপল্লী রাধাকৃষ্ণন আঃ জানাম মাহা কানা। উনিদয় জানাম
লেনা ১৮৮৮ সাল রেনাঃ ৫ সেপ্টেম্বর হিলোঃ। মাচেতাঃ সানাম গুণ মেনমা আদর্শ উনিঠেন তাঁহেকানা।
অনাতে ৫ সেপ্টেম্বর উনিয়াঃ জানাম মাহা হিলোঃ গে ‘মাচেৎ মাহা’ লেকাতে মানাও গুনৗও রেয়াঃ
ঠাড় গটা হোয়াকানা।
মাচেত-মাচেতানি
কগে মৗনমি কো ‘মৗনমি লেকা মৗনমি’ তেয়ার রেন বাডোহি দ। ওনকোওয়াঃ আদর্শ চেতান টেঁহাড়
কাতেগে দিসমরে সমাজ-জৗত-অলঃপাড়হাও-সাঁওহেৎ-লায়লেগ্চার সানামাঃ গে টেঁহাড়ঃ আ। সেচেৎ
দান সে পারশাল দ সনত্ কৗমি কানা। অনা, মিৎটান অৗসুলঃ হরা কান রেহঁ,মিৎটান দায়িক কানা,
জাঁহা দ মনে উরিচ্,রিহিট কাতে কৗমি সিগিল ইদিয় হোয়োঃআ। পৗঠুওয়ৗকো অৗডি দুলৗড়-জতন সালাঃ
সেচেৎ দান আকো হোয়োঃআ।
মাচেৎ মাহারে
আয়মা লেকান অনুষ্ঠান তালাতে মাচেত-মাচেতানি কো গুনমানাও-শ্রদ্ধা বাডায় অচকো হোয়োঃআ।
ওনকোওয়াঃ দায়িক আর কৗমিতেয়াঃ ইদিকাতেহঁ গাপালমারাও হোয়োঃআ। আবো দিসমরে, বিশেষকায়তে
আদিবাসী সমাজ রেনাঃ মিৎ মারাং আনাট কানা ‘আয়মা কোওয়াঃগে অলঃ পড়হন বাং বাডায়’। মাচেত-মাচেতানি
কগে কো দাড়েয়াঃআ চালু মেনাঃ সরকারি বিরদৗগাড়রে বেগরহঁ বেসরকারি ভাবতে, আয়মা লেকাতে
মৗনমি সেচেৎ দান আকো। তবেয়ানিচ্ গে আবো সমাজ রেনাঃ সানাম লেকান লাজাও বন সাহা দাড়েয়াঃআ।
মাচেৎ মাচেতানি কো সাঁওতে পৗঠুওয়ৗ আর সানাম মৗনমি কোওয়াঃ গৗহির সিবিল-সৗগৗই তেয়াররেগে
মাচেৎ মাহা মানাও-পালাও রেয়াঃ দ ‘সৗরি’ রে জওয়াঃআ।
.webp)
