(হুডিঞ মাছা কৗহ্নি)
সেঁদরা সেতা
 |
| গুলন চন্দ্র মুরমু |
বির গাজাড় সুর আতু কানা, অড়াঃ কদ হানাডি নোওয়াডি গেতে কৗটিজ্ ছাডা ছাডা গে মেনাঃ আ। আদ দিনৗম দিন গে গাজাড় সেন্ খন্ তুয়ু,রুঁডৗ,হাডগার এমান হেচ্কাতে সিম্,মেরম্ ক আতকির কোওয়া। আর নতে ঞিদৗ হঁ হাতি,বানা,শুকরি হেজ্ হেজ্তে আবাদ ক ক্ষতিয়া। অনাতে ঝৗলি,পৗশি ক বেনাও আকাৎ তে দিনগে সেঁদরা ক উডুকঃ আ। মেন খান বাংক সেটেজ দাড়ে আকতে ভাগাও সৗত হেজ এনাক। আদ দিন দিন তে সেঁদরা সেতা ক অৗশুল কেৎ কোওয়া। নুকু সেতা ক হারায়েন খান আপান অৗপিন অড়াঃরে দমে অৗয়ুব অৗয়ুব ক ভুগৗ। মনে হুয়ুঃ আ নেতার দ জৗনিচ্ যাঁহানিচ্ ক ঞাম লেক খান চির চন্থ ক গের চাবা কোওয়া। অনাতে মিৎ দিন সেঁদরা ক গোটা কেদা সেতা হাতেৎ, আর ক উডুক্ এনতে আদ ক গালমারাও চালাঃ কানা তেহেঞ দ তুয়ু,রুঁডৗ চেৎ লেকা ক দৗড় আ ঞেল্ কোওয়া বন ?
তুয়ু,রুঁডৗ,শুকরি সানাম গেক এসেদ আকাৎ কোওয়া মেনখান সেতা মা অকারেক অতা কোওয়া আক আক গে দমে তাপাম ক ধুরৗও এনা...সানাম তুয়ু,রুঁডৗ কলকুলি আতেৎ ক দৗড় পৗদুচ কেদা। সানাম গে হায় চঃ আতেৎক কয়গ জং আনা।
আদ অনা তায়ম খন কিছু হড় দ বাং গানঃ আ মেন্তে ক পেচ্ এনা আর কিছু হড় দ সেঁদরা ছুটৗও আকা গেক তাহেঁ এনা। তাপাম রেহঁ দিন গে সেতা দ সেঁদরা ক ইদি কোওয়া।ঞেল ঞেলতে সেতা কোওয়াঃহঁ উপরুম হুয় ইদিয়েন তাকোওয়া আর তাপাম তাপাম তেহঁ ক ভাগাও সৗত এনখান মানাও গুনৗও হরা রেক হেচ এনা।
নিৎ দ জত সেতা জোট্ কাতেৎ তুয়ু,রুঁডৗ এমন চেৎ বির হাতি হঁক লাগা পৗটুব ইদিয়েৎ কোওয়া। মিটিচ্ সেতায় ভুঃ এৎ খান জতগে আপান,অৗপিন অড়াঃ খন আঁজম সাঁওতে দৗড় উডুক কাতেৎ লাগা ক ছুটৗঃ কানতে নিৎদ - সিম,মেরম,হুড়ু,জঁডরা জতনাঃ গে কুলৗও আংটাঃ কান্ তাকোওয়া।
.webp)
