আবোওয়াঃ ওয়েব পেজ্ ,৪ আগস্ট : রাহ্লা অর্কেষ্ট্রা রেন সিসিরজৗওয়িচ্
আর ঞুতুমান সেরেঞ কৗরিগল লখিরাম হাঁসদাদ আর বৗনু গেয়া। বাডায় আকানা বাংমা হলা ২৩ আগস্ট
পুরুলিয়া জিলৗ মানবাজার-১ থানারে মেনাঃ চিরুভিটা আতো সোর মিৎ ডৗহিরে ফুটবল খেলোড ঞেলে
চালাও লেনা আর উন অক্তে ঝিপির জৗড়ি দাঃ সাঁওতে আচ্কাগে সেরমা সেঁগেলতে উনিয়াঃ জিউয়ি
বৗতিদ অঁডেগে যায়যুগ লেকা ইঁড়িজ্ এন তায়া। উমের দ হুয় লেন তায়া ৩৫ সেরমা লেকা। বাডায়
আকানা উনি সাঁওতে আরহঁ গাতেক মিৎ উসুল ধিরি ঢিপ্ রেক দুড়ুপ্ তাঁহেকানা,আর উন অক্তেগে
নংকান দুর্ঘটনাদ হুয় আকানা। বাডায় আকানা উনি সাঁওতে দুড়ুপ্ তাঁহেলেন উনকু হঁক ঘায়েল
আকানা আর উনকু মুদ্রে আর মিৎ হড়দ মানবাজার হাসপাতাল ইদি সেটের কাতেৎগে জিউয়ি বৗতি
ইঁড়িজ্ এন তায়া আর বাকি কদ নিৎহঁ হাসপাতাল রেগে তিকিছারে মেনাঃ আকাৎ কোওয়া মেন্তেগে
বাডায় আকানা।
আরহঁ বাডায় আকানা
বাংমা লখিরাম হাঁসদাদ ঞুতুমান সেরেঞ কৗরিগল সরস্বতী হাঁসদা রেন জাঁওয়ায়-এ তাঁহেকানা।
বাডায় আকানা বাংমা উনকিন বানা হড়তেগে ঞুতুমান ‘রাহ্লা অর্কেষ্ট্রা’ দকিন বেনাও রাকাব্
লেদা। লখিরাম হাঁসদাদ সেরেঞ কৗরিগল বেগর মিৎ প্রাইমারী বিরদৗগাড় রেন প্যারাটিচার হঁয়
তাঁহেকানা মেন্তে বাডায় আকানা। লখিরাম হাঁসদাদ আচ্রেন জিউয়ি জুরি সরস্বতী হাঁসদা
সাঁওতে বারয়া গিদৗর এ বৗগি হটঃ আৎ কিনৗ।
লখিরাম হাঁসদা
আঃ নোওয়া আদিন দিন রে জিউয়ি বৗতি ইঁড়িজ্ এন খৗতির সেরেঞ জগৎ রেন কৗরিগলক সাঁওতে মানবাজার
এলাকারেন সানাম হড়াঃ মনেরে দুক্ উমুল রেনাঃ ঝারনা ঞেল্ ঞাম আকানা মেন্তেগে বাডায়
আকানা।
.webp)
