নাহাঃ
আতো
দিশম
 |
বৈদ্যনাথ হাঁসদা( হুলগৗরিয়ৗ)
|
গেল এয়ায় সেরমা তায়ম জানাম দিশম আতো-অড়াঃ আঞ হেচ এনা 'লক ডাউন' হতেচ্তে। হেচ কাতেঞ ঞেলা অৗডি আয়মা গে বনদল সে পালট আকানা বিচকম গাডা দাঃ দ ঠিক অনকাগে লিঁগি আকা
গে মেনাঃআ। দারে নৗড়ি হঁ উসুল উসুল দারে দক মাঃ আকাদা দিশম রেন আয়মা হড় গে বৗনুঃ কোওয়া অনা সাঁওতে নাওয়া নাওয়া হড় হঁক হেচ আকানা তিনৗ পালটাও আকানা। ঞেল্ ঞেল্তে উনদিন দ হিজুঃ আঞ সেনঃ আঞ পরব-পিহৗ, বিহৗ-বাপলা, পূজৗ-পারবন, সাকরাৎ-সহরায় করেগে মাঝে মাঝে লে হিজুঃ তাঁহেৎ মেনখান উনদিন দ তাঁহে রেনাঃ সুযোগ দ অনকা
বাং হুয় আকানা । মেনখান মিৎটাং ভাইরাস (Covid-19) দ ধৗরতি রেনাঃ ঝতম গেয় পালট উতৗর আকাদা। অনাতে ইসকুল, কলেজ ঝতমগে বন্দ আকানা হানে মার্চ 2020 খন, তিস ঝিজুঃ আ অকয় গে বাংক লৗই দাড়েয়াঃ কানা। আজার মা আরহঁ যৗস্তি ইদিঃ কানা । মারাং মারাং শহর বাজার খন হুডিঞ হাপড়াঃ শহর বাজার রেহঁ মাড্রায় বাড়ায় কানা। আতো দিশম হড় হঁ চুমুল চুমুলগে অৗয়কৗঃ কানা পৗহিল লেকা দিশম বৗনুঃ আ ।
হেঁ যাঁহাঞ লৗই এৎ তাঁহেৎ অনা দ ১৭ সে গেল এয়ায় সেরমা তায়ম জানাম দিশম আতো-অড়াঃ
ইদি কাতে গে মিৎবার কাথা আপে ক তালারে শেয়ার বুঝৗও আঞ কানা -অলঃপড়হন, সাঁওতা-সমাজ, কৗউডিঅৗরি, সরকারি গড়, খেলোন্ড,বোঙগাবুরু এমান এমানক
ইদিকাতে।
অলঃপড়হন- আলে আতোরেদ ৩৪-৩৫ গটাং অড়াঃ মেনাঃ আ। ঞুতুম সহি সে স্বাক্ষর দ ৯৮℅ লেকাগে। অনা মুদ রে B.A., B.PEd., M.A. দ ইঞগে। B.A. B.PEd. পে হড়, B.A. D.L. DEd. বার হড়, B.A. পেহড়, H.S.আর M.P.অতং তায়মগে। মেনখান Eight পাশ কাতে গে বৗড়তি জিয়ন ঢঙা ক লাগায়েদা। চাষ হঁ বছর ভোর মিৎ টাংগে।
রাজঅৗরি- রাজঅৗরি মা ভোট এমমা যাঁহায় বাং রজঅৗরি দল এম সাপোট এ কান। আম দম রাজঅৗরি য়েৎগে মেনেক ১৮ বছর খন যৗস্তি উমের মানে রাজনীতি ইদি কাতে নিতঃ দ তাপাম খৗপৗরি দ বাং হুয় বাড়া আকানা । মেনখান ৯০ দশক সেৎ দ রাজ
অৗরি দলক মুদ্রে তাপাম তুপুৎ দ লেতাড় গে হোয় ইদি লেনা।
সাঁওতা সমাজ- মতব মুলুক রেনাঃ ঞুতুমান আতো মামড়দা দ। সমাজ সাঁওতা বাঁঞ্চাও দ তিসগে বাং তায়ম আকানা মেনেক সাঁওতা-দিসম সাঁও তাল মিলৗও কাতে তাড়াম আকা মেনায় গে। মেনখান যুগ সাঁও তাল মিলৗও কাতে অৗডি কিছুগে বনদল রেনাঃ রিকৌয় সাব এৎ বা চেতা, যেলেকা নেতার ভান্ডান ঞুতুম তে আডি আথৗম হাঁডি দহ কম রেনাঃ রিকৗয় সাব এদা, অনকাগে বাপ্লারে অকয় দুরিব বাং এ দাড়েয়াঃ কান উনি দুরিবদ চাউলে বাংখান কৗউডি এম কাতে গড়।
কৗউডি অৗরি- আপাসুলুঃ বাখরা সরকারি কৗমিয়ৗ ক সাঁও আতোরেন বৗড়তি গে দিনৗম কৗমি জং হড় গে যৗস্তি দ। এনাং রেগিঞ মেন আকাদ চাষ-আবাদ গে বেবসা-বৗনিজ দ বৗনুঃ কওয়া ঝতম গে চৗষি বৗষি হড়। অড়াঃ রে সিম-শুক্রি, গৗই-উরিচ, মেরম-ভিডিদ আক কার মতন দক আসুলঃ কান গিয়ৗ।
সরকারি গড়- সরকারি গড় লেকাতে হর-ডাহার ঢৗলৗই হর মোরাম হর মেনাঃ আ। মিৎটাং প্রাইমারি ইসকুল মেনাঃ আ। বিজলি বৗতি হঁ মেনাঃ গিয়ৗ । আর ৬০সেরমা খন বৗড়তি উমেরানদ বৃদ্ধ ভাতা ক ঞামেৎ রেহঁ বার-পে হড়দ চেৎ অজে তেচ আউরিক এমা কোওয়া ।
বোঙগাবুরু- আতো রে অক্ত নৗপিৎ গে বঁঙগা বুরু দ হুয়ুঃ কান গিয়ৗ। মাঘ সিমবোঙগা, এরঃ সিম বোঙগা, আষৗড়িয়ৗ বোঙগা, বাহা বোঙগা, মাঃমঁড়েদ মঁড়ে তায়ম তায়ম গে হুয়ুঃ আ। অনা বেগর হঁ সহরায় পরব, আতো রেনাঃ বোঙগা বুরু দ অক্ত নৗপিৎ গে হুয় পারম ইদিঃ কানা। মেনখান পৗহিল লেকা দাঁশায় এনেচদ হৗপিৎ আকান লেকাগে আয়কৗ কানা। নেতার বাংক এনেচ কানা দাঁশায়। এনেচ রেদ জুমিৎ বৗনুঃ লেকা আটকারঃ কানা। পৗহিল দ কৗমি জিরৗও অক্ত অৗয়ুব বেড়াদ লাঁগড়ে এনেচ তাঁহেৎ নেতার অনাহঁ বাং ঞেল ঞামঃ কানা।
খেলোন্ড- পৗহিল লেকা দ খেলোন্ড গডারে তেহেঞ রেন বাবু মৗই তেকদ বাংক চালাঃ কানা। মিৎ এসা ঞেলঃ কানাক যাঁহারেগে ক দুড়ুব এন বিশেষ কারতে কুলহি মুচৗৎ রে নুই নাতেয় সামাং আকাৎ উনি অন্তেয় সামাং আকাৎ মিৎ এসা চেৎযে মোবাইল রেক হটরেৎ। অনে চেৎ ফ্রি-ফায়ার, পাবজি লেকান গেম রেক বুঁদ চাবা ক। ইনটার নেট যুগ রে মিৎ মারাং আনাট গে। খেলোন্ড গডা সেৎগে বাংক চালাঃ আ।
বৗড়িচ অরসং- বৗড়িচ্দ নোওয়াগে নেবেতারদ মানাও গুনৗও বৗনুঃ আ। অকয় চেৎ এম মেতায়া সোওয়ালকে জবাবক করাও আ । নে এ হারাঃ কান বৗবু তেক অলঃপড়হন
কুচি রেগেক ডুগিয়েদা।
মুচৌৎরে নোওয়া গেঞ মেনা
- এটাঃক সাঁও যদি বন তুলুজা ঞেল্ ঞাম আবন মানাও মাপানাও দ মেনাঃগেয়া। আর অনাতেগে ওনকো দক লাহা কানা।
.webp)
