আবোওয়াঃ ওয়েব পেজ্,২৪ আগস্ট : হলা ২৩ আগস্ট পুরুব বর্ধমান রেনাঃ মেমারী বাস স্ট্যান্ডরে, গজ্ গুর রেনাঃ অৗরিচৗলি
ইদিকাতে যুওয়ৗন কো লৗইতে মিৎ মিদুন হুয় পারমেনা। বাডায় আকানা বাংমা নাহাঃরেন যুওয়ৗন
কো সাঁওতারে রেনাঃ কৗমি করে নেবেতার অনকা বাংক সুরঃ কানা আর সাঁওতারেনা আয়মা অৗরিচৗলি
কৗমি হরাগে বাংক ঞেল সেঁড়ায়েদা অনালেকাতেগে নংকান মিদুন ভারত জাকাত মাঝি পারগানা মহল
পাহ্টা খন সাপ্ড়াওঅ কানা মেন্তেগে বাডায় আকানা। অনাবেগর ঞেলঃ কানা সাঁওতারে আয়মা
জায়গারে আয়মা লেকান অৗরিচৗলি তেয়ার আকানা। মেনেৎ টঠাকিয়ৗরে যুদৗ যুদৗ অৗরিচৗলি অৗডি
সেদায় খনগে হেচ্ হিজুঃ কানা। নোওয়াক সানামাঃগে মিৎ হোয়োঃ লৗগ্তি কানা মেন্তে মহলে
মনেয়েদা।
ইনৗহিলঃ অনা মিদুনরে
গজ্ গুর রেনাঃ অৗরিচৗলি আর অনা করেনাঃ কৗমিহরা ইদিকাতে যুওয়ৗনকো তালারে অড়ে অড়পাত
ক থুতি-গালচ্ কেদা সেটের তাঁহেলেন গালচিয়ৗকো। আর অনা গাপালমারাও আখড়ারে মেমারী মুলুক
রেন আয়মা সাঁগে সুসৗরিয়ৗ কড়াক সেটের লেন তাঁহেকানা মেন্তেগে বাডায় আকানা।
অনা গাপালমারাও
আখড়ারে নেঁওতা পেড়া লেকাতে সেটের কিন তাঁহেকানা ভারত জাকাত মাঝি পারগানা মহলরেন পনৎ পারগানা
বাবা মানতান বাদল চন্দ্র কিস্কু আর কালনা-২ মুলুক জগ আর আঁগিভার ঞাম আকাৎ মুলুক পারগানা
বাবা মানতান বৈদনাথ হেম্ব্রম গোম্কে সাঁওতে আরহঁ আয়মা মৗনান পেড়াক।
.webp)
