ডাঁডা কেটেচ্ তাম

ডাঁডা কেটেচ্ তাম

বিভূতি ভূষণ সরেন 

আমগে খেরওয়াল আদিবাসী
বেনাও এদ্‌ মেক পরবাসী
 দিশম লৗগিৎ ফুরগৗলরে 

আমগেম তাঁহে কানা লাহারে। 

এয়ায় গেল সেরমা পারম ফুরগৗল তাম, 

নিতহঁ ডাঁডা কেটেচ্ বৗনু তাম। 

বেঁগেৎ আম কান ক মিৎ মেৎতে, 

রেচ্ চাবায়েৎ মে ক সানাম সেচ্ তে। 

আমাঃ দুড়ুপ তিঁগুন ঠাঁও

আদ বৗনুঃ তাম দাও। 

খেরওয়াল মেৎ বেঁগেৎ তাম, 

লগন ডাঁডা কেটেচ্ তাম। 

জুমিৎ গে দাড়ে, দাড়ে গে ধন, 

মিদঃ লৗগিৎ এম্‌ মে মন। 

জৗত তাম, ধরম তাম, 

অড়াঃ রেগে দহয় তাম। 

আরহঁ দশার তে জুমিদঃ মে, 

আর মিৎ ধাও ডাঁডা কেটেচ্ তাম। 

বিরবুরু, দাঃ - হাসা, 

আদ বৗনু আ আশা। 

খেরওয়াল চেতান নাহাচার, 

নিত্হঁ বৗনু তাম যথাৎ বিচৗর । 

চৗকরি জুড়ু এটাঃ জৗতিক অরেৎ তাম, 

আদিবাসী আরহঁ ডাঁডা কেটেচ্ তাম।

বীর বান্টা ক লেকা সাপড়াঃমে, 

জৗতিয়ৗরী সাপাপ্ সাব্‌ মে। 

সাঁওতা রেনাঃ বৗড়িচ্ অরসং, 

আদ আলম অচয়া সং। 

হাপেন দিনরে গিদরৗ লৗগিৎ আম, 

একালতে ডাঁডা কেটেচ্ তাম।