আবোওয়াঃ ওয়েব পেজ,২৯ আগস্ট- বাং হৗটিঞ মেদিনীপুর জিলৗ ভারত জাকাত মাঝি পারগানা মহল পাহ্টা খন পীড় সাঁঘার কৗমি হরা এহব আকানা মেন্তে বাডায় আকানা। তেহেঞ ২৯ আগস্ট, মেদিনীপুর সদর তল্লাট রে মেনাঃ গড়বেতা ৩ নং বুগড়ি মুলুক পাহ্টা খন ১নং রসকুন্ডু বেঁগেৎ মার্শাল পীড় রেন মাঝি বাবা কো সাঁঘার কেৎ কোওয়া মেন্তে বাডায় ঞাম আকানা।
নোওয়া সাঁঘাররে নেঁওতা পেড়া লেকাতে সেটের এ তাঁহেকানা বাং হৗটিঞ মেদিনীপুর জিলৗ ভারত জাকাত মাঝি পারগানা মহল রেন জিলৗ জগ পারগানা বাবা মানতান মনোরঞ্জন মুরমু গোম্কে আর গড়বেতা ৩ নং বুগড়ি মুলুক পাহ্টা খন মানতান বাবলু সরেন মুলুক জগ পারগানা, ভাল্টু সরেন মুলুক গোডেৎ, শিবুলাল মুরমু বুগড়ি মুলুক কনভেনার আর ৮ নং নলবনা পীড় গোডেৎ, বাবুলাল হাঁসদা বুগড়ি মুলুক কনভেনার, মধু মান্ডি ৪নং উড়িয়াশাই পীড় পারগানা, কালু টুডু বুড়ামারা মাঝি বাবা, শীতল হাঁসদা চন্দ্রকোনা-২ রেন পারগানা বাবা সাঁওতে আরহঁ আয়মা সমাজ দরদিয়ৗ মৗনান গোম্কে কো সেটের তাঁহে কানা।
পীড় সাঁঘার রেনাঃ অজে লেকাতে বাডায় ঞাম আকানা বাংমা ১) মাঝি অৗরি লেকাতে গে সাঁওতা জুমিদ্ রেনাঃ কাথা ২) মাঝি অৗরি আরহঁ কেটেজ্ রেনাঃ কাথা ৩) আতো অড়াঃ রেন গিদৗর কো অলঃ পাড়হাও খন ক ছুডৗরঃ কানা, অনাকো টেকাও দারাম ৪) নিৎহঁ যথাৎ উমের অৗওরি হোয়োঃ রেগে বাবু-মৗই কো বাপ্লাঃ কানা, অনাকো টেকাও দারাম সাঁওতে সাঁওতা রেনাঃ আরহঁ আয়মা এঁটকে টঁড়ে তাঁহেন খৗতির পৗঠুওয়ৗকোওয়া সেচেৎ জিয়ন তালা হররেগে কেচেদঃ কান তাকোওয়া অনা রেনাঃ টেকাও দারাম এমান এমান কৗমি হরা রেনাঃ কাথা সাঁঘার তালাতেক সেটের এদা মেন্তে বাডায় আকানা।
আরহঁ বাডায় আকানা বাংমা গড়বেতা ৩ নং বুগড়ি মুলুক রেনাঃ সানাম পীড় মেনেৎ ইরৗল গটাং মাঝি বাবা কগে সাঁঘার হোয়োঃ আ মেন্তেগে ভারত জাকাত মাঝি পারগানা মহল পাহ্টা খন বাডায় আকানা।
.webp)
