আবোওয়াঃ ওয়েব পেজ : হলা ২৮ আগস্ট হিৎ হিলোঃ কারাম পরব লৗইতে
পুরুলিয়া জিলৗ রেনাঃ বান্দোয়ানরে মিৎ সেমিনার হোয় পারমেনা। বাডায় আকানা পুরুলিয়া জিলৗ
সান্তালি লিটারেরি ফোরাম পাহ্টা খন অনা সেমিনার দ সাপ্ড়াও লেন তাঁহেকানা।
নোওয়া সেমিনাররে
নেঁওতা পেড়া লেকাতে সেটের তাঁহেলেনায় পুরুধুল অনলিয়ৗ মানতান গোমস্তা প্রসাদ সরেন আর
কারাম পরব’ সাতাম লৗইতে গাপালমারাওরে সেলেদ লেনা কো মানতান কলেন্দ্রনাথ মান্ডি (‘সিলি’
পাথাম শিরৗ সাসাপাড়াওয়িচ্), ভক্তরঞ্জন বাস্কে, রামদাস মান্ডি,সীতেন মান্ডি,বঙ্কিম
চন্দ্র হেম্ব্রম আর মহাদেব হাঁসদা ( ‘তেৎরে’ পাথাম সাসাপাড়াওয়িচ্) সাঁওতে আরহঁ আয়মা
অনলিয়ৗ আর অনড়হিঁয়ৗ কো।
নোওয়া সেমিনাররে
কারাম পরব রেয়াঃ এনেচ্,সেরেঞ,বিনতি, অৗরিচৗলি আর তেহেঞাঃ দিনরে কারাম পরব চেকা লেকাতে
জিয়ৗউ তাঁহেনা- নোওয়া লৗইতে অড়ে অড় পাত্ গাপাল মারাও এনা মেন্তে বাডায় ঞাম আকানা।
সেমিনাররে কারাম
পরব চেৎ আর চেদাঃ নোওয়া বাবদ্ তে গাপাল মারাওরে সেলেদ্ লেন মানতান কলেন্দ্রনাথ মান্ডি
গোম্কে লৗই কেদায়- কারাম দ চাষ রেনাঃ পরব কানা। যাঁহা হিলঃ খনগে মৗনমি চাষ কৗমিরেক
আঁড়গয়েনা উন খনগে লৗই গানঃআ কারাম পরব দ সিরজৗও আকানা।
কারাম পরবরে মৗন
আর মৗহিমা ইদিকাতে নেঁওতা পেড়া মানতান গোমস্তা প্রসাদ সরেন গোম্কে দয় লৗই কেদা- আদিবাসী
সমাজরে অৗডি রকম কারাম মেনাঃ আকাদ্ রেহঁ কারাম দ পোন লেকাতেগে হৗটিঞ গানঃআ জেলেকা-
১) জাওয়া কারাম ২) বঁগা কারাম ৩) গুর কারাম ৪) দিসম কারাম। মানতান সরেন গোম্কে দ আরহঁয়
লৗই তরা কেদা বাংমা কারাম বিনতি দ অৗডি মারাং বিনতি কান রেহঁ নোওয়া চেতান রে আরহঁ অল
রেনাঃ লৗগ্তি মেনাঃ আকাদা।
কারাম পরবরে এনেচ্
সেরেঞ ইদিকাতে মানতান মহাদেব হাঁসদা গোম্কে দ আয়াঃ বাঁখেড়রে লৗই তরা কেদায়- বাংমা
কারাম এনেচ্ সেরেঞরে গেল বার গটাং ‘তাড়’ মেনাঃ আকাদা জেলেকা রিঞ্জা, ঘোর রিঞ্জা,ঠাড়
রিঞ্জা, বাঁডি রিঞ্জা, মাতোয়ার,ভিন সৗরি,লাট বালাং আরহঁ এমান আর সেরেঞ ইদিকাতে লৗইকেদা
কারাম গঁসায় লৗইতে সেরেঞ বেগর হঁ মৗনমি জিয়ন রেনাঃ সুক্ দুক্ রাঃ লাঁদা হঁ গাবান
মেশাও আকানা মেনেৎ-নোওয়া কারামরে মৗনমি জিয়ন দর্শন হঁ মেনাঃ আকাদা।
মুচৗৎরে সান্তালি লিটারেরি
ফোরাম রেন সেক্রেটারী মানতান অরুন কুমার সরেন গোম্কে দ সেমিনাররে সেটের লেন সানাম
কো গুনমান সারহাও এ চাল আৎ কোওয়াঃ মেন্তে বাডায় আকানা।
.webp)
