জারগে জৗপুদ্‌

জারগে জৗপুদ্‌

 -কুশদেব  বাসকে 

আষাঢ় সান ভাদর বঙা জারগে জৗপুদ্

চৗষি কওআঃ মন অন্তরে  জটেদ,

সেরমা সৗড়িমরে যেমন  রাহা মালকাঃ

ধৗরতি দালবরে তেমন মনে ঝালকাঃ।

ঝিপির ঝিপির দাঃ এ জৗড়ি 

হুলুয় হুলুয় হয়ে অৗড়ি, 

দাঃ দ জরঃ কান ঝারঝার

সেরমা রিমিলে এমোঃ সারভার।

বৗদ বৗইহৗড় গটাগে চাপে ছালে

রৗস্কৗরে জিওয়ি জন্তু আপে আলে,

বারু ডাং ক রাগা কাঁক কঁক

হৗকু কক ছিলবিলৗঃ হাক ডাক।

চৗষি ক রৗস্কৗতে আনেচ্ ধানেচ্

কৗমিন মুনিস কঁহ কেটেচ্ সেটেচ্,

রাজ বৗইহৗড় লালে চাপে  হাতবাদ

হাড়াম হাসা লাঁন্দায়েদায় খাদবাদ।

 মুয়ুরি পিঞ্চৗর কুশিতে টিপটাপ 

ডুঁগুরি ডুংরি রৗস্কৗতে জপজপ,

কৗশি দোলেঃ পুঁডগে গিতিল টিপিল

বাকডুলুং ক উডৗঃ পিরিল পিরিল ।

 আষাঢ় সান ভাদর চাঁদো হাডার হুডুর

 ঝুঁ ঝুঁ আরেচ্ অৗদুর মৗঁদুর,

খেত বৗদ বডে সাফা দাঃ আটেদ্

ছারাওঃ সতে বহেলঃ জারগে জৗপুদ্ ।