আশা -কাসায়েনা

(হুডিঞ মাছা কৗহ্‌নি)

আশা -কাসায়েনা

বিভূতি ভূষণ সরেন

জানুম ঘুটু আতুরেন সেরমা টুডু। হালেগে H. S এ পাশ আকাদা, অনাতে কলেজ রে ভর্তি লৗগিৎ বার -পে ঠেন ফর্ম পেরেচ্ এ বাড়ায়েদা। সেরমা তাকো টলা সুর রেনগে ঝোনঝুনি হাঁসদা হঁ H. S পাশ আকাদা, সেরমা তৗকিন মিৎ সাঁও তেগে,মিৎটান বির্‌দৗ গাড় খনগে। অনাতে উপরুম, তৗকিনদ অন্‌কা মেনাঃ গেয়া। মিৎদিন সেরমা টিউশন্‌ খন রুয়ৗড় অক্‌তে ঝোনঝুনি সাঁও ঞাপাম হুয় এন তৗকিনা ঝোনঝুনি তাকওয়া কুলহি দুয়ৗর রেগে। ঞাপামরে কুলি -কুপুলি তালারে মোবাইল নম্বর কিন এপেম -চাপাল এনা। সেরমায় মেন কেদা- ‘ফোন লেখান receive আম তো’? মিরু আড়াংতে রড়কেৎ ঝোনঝনি – ‘একাল আলম ভৗবিতঃ আ, মাড়াং ফোন মেসে’। নিয়ৗক গাপাল মারাও কাতে গে, সেরমা দ টা-টা মেন কাতে আর ঝোনঝুনিদ বাই বাই মেন কাতে অড়াঃ এ বলয়েনা নতে সেরমা হঁ অড়াঃ হেচ্ এনায়।

অড়াঃ হেচ তরা সেরমা আঃ খাঁদরি মনেরে আরশি রে মুঠৗন ঞেল লেকা ঝালকাও রাকাপ এনা ঝোনঝুনিয়ৗ মুঠৗন। নে-হারা গদঃ যুয়ৗন মনে অকালেকাচং খাদ্‌ –বাদ্‌ গৎ এন তায়া। অনাতে অড়া সেটের তরাগে মিৎটাং এ মেসেজ্ আদেয়া Hiii... Good evening সৗগুন সিঙ্গৗড় বেড়া।ঝোনঝুনি হঁ সঁগে সঁগেতে অল ভেজা কেদায় "সৗগুন সিঙ্গৗড় বেড়া "। নিংকা কাতেঃগে বানা হড়াঃ দিনৗম গে whatsapp ,messenger তে যুয়ৗন মনে রেনাঃ কাথা চাল -চাপালতে আলাক জৗড়ি নৗড়ি লেকাগে ,দুলৗড় ঝারনা উকু উকুতে এধে-বেধেয়েন তৗকিনা। 

কয়েক চাঁদো পারমেন রেহঁ নাপায়গে সৗগৗই মেনাঃআ । অনাতে সেরমা মনেরে আশা-বাসা আদেয়া - কলেজ পাড়হাও মুচৗৎ কাতে, যাঁহা লেকাতে মিৎটাং চৗকরি ঞাম লেখানগে ঝোনঝুনিয়ৗ মলংরে পে টিকৗ সিঁদুর এম কাতে কু-কু ডুবুর মালা পতাম লেকা মিৎ সাঁওতে দিন লিঞ খাঁডাওয়া। মেনখান ঝোনঝুনিদ অনা মাড়াংরে এটাঃ চৗকরি কড়া ঠেনক গং কাদেয়া। সেরমায় বুঝৗও কেদা... জৗস্তি আশা, আশা বাং গানঃআ। তেঁহেঞ মলং চাপো কাতে উইহৗর এদায় জৗস্তি আশা তেদ হড়ম-মনে জিউয়ি নাশাঃআ, অৗখির জিয়নহঁ নাশাঃ…….।