আবোওয়াঃ ওয়েব পেজ্, ২৮ আগস্ট : পছিম্ মেদিনীপুর গড়বেতা ৩ নং বুগড়ি
মুলুক রেনাঃ ৮নং নলবনা পীড়রে প্রধান সাহেব ঠেন ১৩ দফা দৗবী ইদিকাতেৎ তেহেঞ ২৮ আগস্ট
ডেপুটেশন-এ এম চাল কেদা বাং হৗটিঞ মেদিনীপুর ভারত জাকাত মাঝি পারগানা মহল।
নোওয়া ডেপুটেশন
রে ১৩ দফা দৗবীক মুদ্রে বাডায় আকানা ১) জাহের গাড় করেনাঃ বাঞ্চাও দহয় রেনাঃ বন্দেজ
হোয়োঃমা, ২) আদিবাসী তালারে পাট্টা হৗটিঞঃ মা, ৩) সান্তাড় আতো করে ঞু-দাঃ করেনাঃ লগন
বন্দেজ হাতাওঅঃ মা ৪) নিৎ হঁ যাঁহা আদিবাসী এলাকা করে কংক্রিট হর-ডাহার বাং বেনাও হোয়
আকানা, অনাকরে লগন কংক্রিট হর-ডাহার বেনাও রেনাঃ কৗমি হরা চৗলু হোয়োঃমা, ৫) নিৎ ধৗবিচ্
যাঁহায় কো দাঃ-রাচা অড়াঃ বাংক ঞাম আকাদা, ওনকো লৗগিদ্ লগন দাঃ-রাচা অড়াঃ রেনাঃ বন্দেজ
করাও হোয়োঃমা, ৬) গ্রাম পঞ্চায়েৎ কার্য্যালয় রেনাঃ ঞুতুম সান্তাড়ি পৗরশি অলচিকিতে অল
রেনাঃ বন্দেজ করাও হোয়োঃমা, ৭) আদিবাসী কোওয়াঃ লাহান্তি কৗমিরে, চেৎ লেকারেহঁ রাজঅৗরি
হাপৗটিঞ অৗগু বাং গানঃআ, ৮) অ-আদিবাসীক চেৎ লেকারেহঁ এস.টি সার্টিফিকেট এম বাং গানঃ
আ, ৯) আদিবাসী সান্তাড়কো পঞ্চায়েৎ রেনাঃ চেৎ কৗমি রেহঁ হেঁতেল-গেজেল বাং গানঃআ, ১০)
সানাম সান্তাড় আতোরেন মঁড়ে বাবা ( মাঝি, জগ-মাঝি,গোডেৎ,নায়কে আর পারানিক) কো সরকারি
ভাতা এম রেনাঃ বন্দেজ হোয়োঃমা।
আরহঁ বাডায় আকানা
পঞ্চায়েৎ কার্য্যালয় রেনাঃ সান্তাড়ি পৗরশিতে ঞুতুম অল লৗগিৎ তে প্রধান সাহেব ২০ দিন
অক্তয় হাতাও আকাদা।
নোওয়া ডেপুটেশন
রে ভারত জাকাত মাঝি পারগানা মহল পাহ্টা খন ৮ নং নলবনা পীড় পারগানা বাবা মানতান গোপাল মুরমু , অনা পীড় রেন গোডেত বাবা শিবুলাল মুরমু সাঁওতে আরহঁ আয়মা মাঝি বাবা কো আর মাঝি হপন
কো সেটের লেন তাঁহেকানা মেন্তে বাডায় আকানা।
.webp)
