কারাম পরব
 |
মহাদেব হাঁসদা
আদিবাসী সমাজ
রে কারাম পরব দ মিৎ ঞুমৗনাঃ ঠাঁও এ হামেট আকাদা। পছিম্ বাংলা খন এহপ্ কাতে ঝাড়খন্ড,
উড়িষ্যা ছত্রিশগড় হৗবিচ্ রেন সান্তাড়, মুন্ডা, হো, বিরহড়, খাড়িয়া, ওঁরাও এমান আদিবাসী
নোওয়া পরব দ কো মানাও আ। নেতার হাট রেন কিসৗন কোওয়াঃ জত খনাং মারাং পরব দ কানা- কারাম।
অনকাগে, ডাল্টনগঞ্জ রেন চেরো হঁ অৗডি জাঁক-জমক আতে কারাম পরব কো মানাও আ।
কারাম গোঁসায়
দ ধন-দুরিব রেন বঁগা কানায়। সান্তাড়, মুন্ডা,হো কো রেন উনি দ কড়া বঁগা কানায়; মেনখান
ওঁরাও কো রেন দ কুড়ি বঁগা। অনকাগে, বঁগা-বুরু আর লেগচার নেমাচার রেহঁ নাসেনাঃ হানতে-নাতে
মেনাঃ আকাদা।
সান্তাড় সমাজ
রে কারাম পরব দ পোন লেকানা মেনাঃ আ। জেলেকা- ১) জাওয়া কারাম ২) বঁগা কারাম ৩) গুর কারাম
৪) মাঝি কারাম সে দিসম কারাম। এটাঃ আদিবাসী কোওয়াঃ দ জাওয়া কারাম সুমুংগে মেনাঃ আকাদা।
জাওয়া কারাম দ
ভাদর বঁগা ডাঁগুওয়ৗ কুড়ি গিদৗর ক হৗর আ। ওনকো দ “কারমৗটি” কো মেতা কোওয়া। জাওয়া দ পে
মাহা বাংখান মড়ে মাহা রেয়াঃ হোয়োঃআ। কারমৗটি কো উপৗস তাঁহে কাতে দৗউড়ারে গাডা গিতিল
কো দহয়া। অনারে মুগ,হড়েচ্,রাম্ড়া,রাহেড়,ঘাঁগ্রা এমান জাং কো এর আ। তালারে মিৎটেন
হোড়ো গৗছি হঁ তাঁহেনা। দিনৗম সেতাঃ বের তোপো কাতে অনা জাওয়ারে সাসাং দাঃ কো তিরপিয়াঃআ
আর জাওয়া জাগাও রেয়াঃ কো এনেচ্ সেরেঞা। মুচৗৎ হিলোঃ জাওয়া দ মাঝি আখড়ারে কো দহয়া।
আতো হড় কারাম ডৗর মাঃ অৗগু কাতে জাওয়া সোর রেকো বিদ্ আ। সিঁগৗড় জখেচ্ কারমৗটি দ লটা
দাঃ দিপিল কাতে দেওহে বৗতি সেপেঞ কাতে থারে থার আখড়া তেকো সেটেরঃআ।
অনা তায়ম কারাম
গোঁসায় ঞুতুম তে নায়কে বাবায় বঁগা বুরুয়া। আদ কারাম বিনতি কো এহবা। কারমৗটি দ বঁগা
ঞুতুম তে তওয়া কো দুল চডরা। অনা তায়ম এনেচ্ সেরেঞ এহবঃ আ। দসার দিন তারাসিঞ বের, বঁগা
বুরু কাতে কারাম গোঁসায় দ বিদৗয়ে হোয়োঃ আ।
দসার দ বঁগা কারাম।
জাঁহায়া অড়াঃ সৗড়িম রে কারাম দারে অমন লেন খান; বাংখান তেকে হোড়ো আঙ্কুর লেনখান; সে
অনকান জাঁহান হাহাড়াঃ নিসৗনা ঞেল লেন খান হড়কো মেনাঃ কারাম গঁসায় এ ওপেল আকানা। উনি
ঞুতুমতে বঁগা বুরুয় হোয়োঃআ। অনাগে বঁগা কারাম দ। আসকায়তে বঁগা কারাম দ আঁঘাড় বঁগা কুনৗমিরে
হোয়োঃ আ।
অনকাগে আর মিৎটেন
কারাম দ কানা- মাঝি কারাম সে দিসম কারাম। আতোরেন মাঝি মাপাজি কো জাঁহাতিস জাঁহাতিস
কারাম পরব দ কো হোয় অচয়া। মাঝি আখড়া রে নোওয়া কারাম দ কো বিদ্ আ। আর দিসম রেন সানাম
হড় নোওয়া রেক সেলেদঃআ।
কারাম সেরেঞ রেয়াঃ দ অৗডি লেকান ‘তাড়’ মেনাঃ আকাদা।
অনা লেকাতে রু আর এনেচ্ রেয়াঃ হঁ নানাহুনৗর ‘তাড়’ মেনাঃ আকাদা। অনাকরেয়া ঞুতুম দ কানা
রিঞ্জা, ঘোর রিঞ্জা,ঠাড় রিঞ্জা, বাঁডি রিঞ্জা, মাতোয়ার,ভিন সৗরি,লাট বালাং আরহঁ এমান।
কারাম এনেচ্ গে আদম আদম টঠারেদ রিঞ্জা এনেচ্ ক মেতাঃ আ।
লৗই তরা গানঃ
আ, কারাম সেরেঞ রেদ কারাম গঁসায় ঞুতুমতে নেঁহর-বিনতি জেলেকা মেনাঃ আ, অনকাগে জিউয়ি
রেনাঃ সুক্ দুক্, রাঃ লাঁদা এমান অৗনাইকৗউ হঁ মঁজতে সদর আকানা। মেনখান ঢেরতেৎ সেরেঞ
গে হিন্দি, বাংলা,সান্তালিতে চেদাঃ সাল-মেসাল গাঃ গাবান আকানা। অনাদ খঁদরঁদ রেয়াঃ লৗগ্তি
মেনাঃ আকাদা।
.webp)
