সাঁওতা তালারে সেরমা জৗড়ি
 |
গুলন চন্দ্র মুরমু
সেরমা আর জৗড়ি দ অৗডি হৗলি বয়স রে কাথাকিন গুড় গতম লেৎতে তুরুই চাঁদ পরে হঁ আঁশ মনে পুরৗও লৗগিৎ মনে রেনাঃ বান্ গাডা দাঃ তেকিন হেলকাও ঞাপাম লেনা বোরো পাতা রে।
মেনখান দিন পারম এনা,মনে বদল এনা। সেরমা হাঃ চাখা মনে পুরৗও এনখান সানাম কোওয়াঃ দূলৗড় গে সরেশ গেয়া মেন্তে আঁগচ্ কেদা। অকালেকাচং দিশৗ হেজ্ আদেয়া মিৎ রুতি কুশি রৗস্কৗ লৗগিৎ অৗখির তিঞ বৗড়িজঃআ।
অনাতে সেরমা দ সাঁগিঞ দিশম রে অলঃ এ চালাও এনা। মেনখান জৗড়ি আঃ মনে জিউয়ী আর হড়ম রেমা সেরমা হাঃ দুলৗড় ঝারনা দাঃ উকু উকুতে লিঁগিয়েনা। জৗড়ি আঃ অন্তর মেৎ রে সেরমা বেগর অকয় হঁ বায় ঞেল ঞাম লেৎ কোওয়া। বৗই বৗইতে অৗডি গৗহির দারহারে উনুম এনায়। সেরমা দ পালেন যাহাঁনাঃ কৗমিরে জহড় মেনায় জালা বাং এ হিজুঃ কানা? অক্ত জৗনিচ হাঁ এ সেটেরঃ গেয়া। সেরমা কয়গ হররে তাঁহেয়েনায় জৗড়ি।
মেনখান ঝেঁট বঙ্গা রেনাঃ এর ইতৗ আষাঢ় শান জৗপুৎ তে অমন এহব্ এন লেকা জৗড়িয়াঃ হড়ম রেহঁ সদর এনা। মাঝি মালকার ঠেন কাথা সেটের এনা। সেরমা মা অড়াঃরে বৗনুগেয়া। মাঝিয়াঃ কাথা লেকাতে বার মাঝি বিচৗররে সেটের তে বাধ্যয় এনা। বানার মালকার কাথাকিন সাজাও সামটাও কেদা। জৗড়ি এড়ে সে সৗরি কাথারেনাঃ বিনিড এম হুয় এন তায়া। জৗড়ি সৗরি কাথায় রড় কেৎ রেহঁ সেরমা এয়ায় ধাও বহঃএ হুত্মৗ কেদা। মেন্খান বানার মাঝি বাবা তিকিন সালা গটা কেদা বাংমা সেরমা রেনগে জৗড়িদ। মিৎ ঘৗড়িচ্ তায়ম খানগে সাঁওতা তালারে দুড়ুপ্ আকান হড় সেরমাহাঃ মেৎ খন হিডির হিডির মেৎদা জর কো ঞেল্ কেদা সেরমা-জৗড়ি লেকাগে……।
.webp)
