আবোওয়াঃ ওয়েব পেজ, ২৬ আগস্ট : দাখিন চব্বিশ পরগনা জিলৗ সুন্দরবন এলাকা
রেন হড়-হপন কো দরয়া রেনাঃ ভরা কোটাল তে হালে ডালে রে মেনাঃ আকাৎ কোওয়া মেন্তে ডগর
ঞাম আকানা। আগস্ট রেনাঃ ২০, ২১, ২২, ২৩,মৗহিৎ ‘আমাবস্যা ভরাকোটাল’-তে সুন্দরবন নামখানা
ব্লক কোষ্টাল থানা রে মেনাঃ মৌসুমি ঢীপ রেন হড়-হপন কো হালে ডালে রে মেনাঃ আকাৎ কোওয়া
মেনতে বাডায় আকানা।
বঙ্গোপসাগর জাপাঃরে
মেনাঃ নোওয়া মৌসুমি ঢীপ রে আয় উমৗন ৬ খন ৭ হাজার লেকা আদিবাসী হড় মেনাঃ আকাৎ কোওয়া।
অনা মুদ্রে ৫০/৬০ গটাং সান্তাড় হড়-হপন কোওয়াঃ পুরিবার মেনাঃআ মেন্তেহঁ বাডায় ঞাম
আকানা। বাডায় আকানা নোওয়া ভরা কোটাল রে উনকুওয়াঃ আয়মা অড়াঃ দুওয়ৗর দাঃতে লাঁদুড়-ধৗসুড়
আকানা, এমন চেৎ দিনৗম দিন রেনাঃ জিনিস পৗতি কহঁ আয়মা খুতিয়াকান তাকোওয়া মেন্তেহঁ বাডায়
আকানা। নংকান মুহিম অক্তরে সরকারি গড় আকোঠেন বাং সেটের আকানা। আদিবাসী ঞুতুমতে যাঁহা
উডিচ্ হিজুঃ কান রেহঁ অনাকদ আর হেনাঃকো আদিবাসীক তালারেগে হৗটিঞ চাবাঃ কানা মেন্তেহঁ
অভিযোগ ক রাকাব্ আকাদা অঁডেরেন ওন্কো হড়-হপন ক।
এলাকা রেন আয়মা
হড়গে দাবীক রাকাব্ এদা বাংমা থৗহি আড়ে বেনাও লৗগিৎ অঁডেরেন নেতা কোওয়াঃ মনে বৗনু তাকোওয়া।
অজে লেকাতে বাডায় আকানা বাংমা থৗহি কংক্রিট আড়ে বেনাও লেনখান এলাকারেন নেতা কোওয়াঃ
মোটা টাকা রোজগার রেনাঃ হর বন্দ তাকোওয়া মেন্তেহঁ এলাকারেন হড় অভিযোগক রাকাব্ আকাদা।
অনাতে সরকার এ খজ্কান রেহঁ এলাকারেন কিছু দালাল নেতা কোওয়াঃ গড়িমসিতে থৗহি কংক্রিট
আড়ে বেনাও রাকাব্ রেনাঃ কৗমি হরা বার বার হৗপিদঃ কানা মেন্তেগে এলাকারেন হড় কো রড়
আকাদা।
 |
| মৌসুমী ঢিপ রে ডুবুচ্ আকান হড়-হপনাঃ অড়াঃ দুওয়ার করেনাঃ চিতৗর। |
বাডায় আকানা বাসন্তী থানা, নামখানা, পাথর প্রতিমা, গঙ্গাসাগর এলাকা করে হড়-হপন কো মেনাঃ আকাৎ ক রেহঁ অলঃপাড়হাও সেন তেদ একাল অন্কা বাংক লাহাও আকানা আর নক্রি-চাক্রি তেহঁ অৗডি কম গেয়া ক মেন্তে বাডায় আকানা। ওন্কো হড়-হপন কোওয়াঃ রজগার মেন্তেদ দিনৗম হিলঃ হাকো আর কাটকম সাব্ কাতে দিনাম জিয়ন ক খাঁডাও এদা। মিৎ হিসৗব রে বাডায় ঞাম আকানা বাংমা মিৎ কিজি কাটকম অঁডে উনকু ক আখ্রিঞ কওয়া ৫০/৬০ কিজি দরতে যাঁহাদ কলকাতা বাজাররেদ উন্কুগে মিমিৎ কিজি ২৫০/৩০০টাকা দাম তেক আখরিঞঃ কানা।
আরহঁ বাডায় আকানা
বাংমা অনা এলাকারেন হড়-হপন কো নে-হালেগে পারম আকান আম্ফান গুরলৗও হয় ভাঁন্ড রেনাঃ
ধাক্কা অৗওরি সাহাও পুরৗও তেগে আরহঁ নংকান ভরাকোটাল তে ওনকোওয়া দিনৗম দিন রেনাঃ জিয়ন
সানাম সেন্তেগে তপাঃ আকান তাকোওয়া মেন্তে বাডায় ঞাম আকানা।
.webp)
