দাঃ

দাঃ

-বীরসা কিস্কু

  দাঃ গে জিউয়ি দয় বাঞ্চাও
 দেলা সানাম হড় তে বন সাঞ্চাও।
দাঃ গে জিউয়ি, দাঃ গে দাড়ে
 গাডা মুডু দেবন আড়ে।

 লায়াবন ডঢা ডৗডি
সেরমা দাঃ দহয় আবোন অৗডি অৗডি।
  রহয় আবোন দারে নৗড়ি
 অক্তরে হুয়ুঃ দাঃ জৗড়ি |
 
 দাঃ গে সরেশ ধন
 মুরৗই আবোন শাশায় মন।
দাঃ দ বাংবন হিরিচ পৗসির
বাংখান, মৗনমি জিয়ন হুয়ুঃ ছিতির বিতির।

বাং বন ঢেকচ্‌ কল অৗথৗড়ি
 ঘাসাও সাফারে থৗরি বৗটি সৗকড়ি।
 সোনা রুপৗ খন হঁ সরেশ ধন
  সানাম হড়তে দেলাবন জোগাও জতন।

সেতাঃ খনাঃ সিঙ্গৗড় , দাঃ গে জৗরুড়
 দাঃ বাং তে জিয়ন গে পৗহুড়।     
  দাঃ তে গে অৗডি আয়মা আজার বে-বেশ
   লৗয় এদায় জিয়ন সাঁড়েশ।