মাদার টেরেসা
মৗই বুরুলুকুই
মান্ডি
মৗনমি দুলৗড় রে
দিসম-জৗতি-ধরম, রেঁগেচ্-কিঁষৗড় সে হুডিঞ-মারাং রেনাঃ জে বেগারতেৎ বৗনুঃ আনাং, আয়াঃ
গটা জিয়ন এঁগাত্ লেকা রেঁগেচ্-নাচার, দুখি কো বেগর জাঁহানাঃ ঞামঃ আঁস্তে দায়া-দুলৗড়
সেবা কাতেৎ হোয় লেনায় ‘মাদার’, মেন্মা আয়ো। জাঁহায় রেন দ চিলি হঁ বৗনুঃ কোওয়া, উনিরেন
গে আচ্দ ঝতম খন আপনার উতৗর হড়; জাঁহায়া দ চেৎ হঁ বৗনুঃ আনাং, আচ্গে উনিয়াঃ সানামাঃ; জাঁহায়াঃ দ আস্রা
বৗনুঃআ, আচ্গে উনিরেন আস্রা এমঃ ইচ্ জাঁহায় দ অকয় হঁ বাংকো দুলৗড়ায়া, উনিদ আচ্গে
বানার তিতে হালাং রাকাব্ কাতে কড়াম রেয় হাডুর জিলেদেয়া- উনি মহতান মৗনমিয়াঃ পৗহিল
তেনাঃ ঞুতুম তাঁহেকানা অ্যাগনেস গোজাক্সাহা বেজাক্সিহিউ। তায়মতে উনিগেয় হোয়েনা মাদার
টেরেসা।
জানাম দিসম দ
ইউরোপ রেনাঃ আলবানিয়া। মেনখান ভারত দিসম দুলৗড় কাতে হোয়লেনায় ভারত দিসম রেন নাগরাহা।
গিদ্রা উমের খনগে সেবা ধরম রে টান তাঁহে কান তায়া। হোয়লেনায় যীশুখ্রীষ্ট রেন ভাবশিষ্যা-
যীশুওয়াঃ দুলৗড় সানাম কঠেন বিলহৗও রেনাঃ এ কুরুমুটু লেদা মাদার টেরেসা।
অনাতায়ম এহব্
এন তায়া কুক্মু রেনাঃ ডাহার তাড়াম। পোয়লো তেয় হেচ্ এনা কলকাতা। গাঁতব এনায় মিৎ মিশনারি
সংস্থা সাঁও। হাতাও কেদায় মাচেৎ রেনাঃ কৗমি। মাচেৎ রেনাঃ কৗমি কৗমিতেয় ঞেলা বিরদৗ গাড়
সোর মিৎ বৗস্তি রে রেঁগেচ্-নাচার-অনহেলা হড় কোওয়াঃ হাহাংকার দসা। পেরাই ১৮ সেরমা
লেকা অনা বিরদৗগাড়রে মাচেৎ রেনাঃ কৗমি সাঁও সাঁওতে অনা বৗস্তি আর এটাঃ কোরেন জমাঃ
বাং আন, লুগ্ড়িচ্-লাপো বাং আন, তিকিছা রেয়াঃ অকুলিয়ৗন হড় কোওয়াঃ সেবা কৗমিরে জপড়াও
এ তাঁহেকানা মাদার টেরেসা। অনা তায়ম মিৎ অক্ত দ মাচেৎ রেনাঃ কৗমি আড়াঃ গিডি কাতেৎ
পুরৗপুরি মৗনমি সেবা কৗমিরেয় জপড়াও লেনা।
মাদার টেরেসাওয়াঃ দ চেৎ হঁ ঞাম রেনাঃ আঁস বাং তাঁহেকান
তায়া, মেনখান উনিদ সানামাঃ গেয় ঞামাকাদা। ১৯১০ সাল রেনাঃ ২৭ আগস্ট হিলোঃ ধৗরতিরে উয়ুঃ
কাতে ১৯৯৭সাল রেনাঃ ৫ সেপ্টেম্বর হিলোঃ এ বঁগাতালাওয়াকানা। তেহেঞ মাদার বৗনু আকাদেয়া,
মেনখান আচ্ তেয়ারাঃ সেবা-সংস্থা করে লাখ লাখ রেঁগেচ্-নাচার-দুখি মৗনমি কোওয়াঃ সেবা
হোয়োঃ কানা। নাপায় কৗমিরেনাঃ দ ধাসাও-নাসাও বৗনুঃ আকাদা,মাদার টেরেসাওয়াঃ হঁ বৗনুঃ
আকাদা ধাসাও-নাসাও।
.webp)
