আবোওয়াঃ ওয়েব পেজ্ : ভারত জাকাত মাঝি পারগানা মহল জিৎকৗর জিৎকৗর। নিত গোটা দেশ-দিশম
রাঁওয়াঃ কানা। মাঝি পারগানা মহলাঃ জিৎকৗর হোয় লেনখান মা দেশ-দিশম রেনাঃহঁ জিৎকৗর নোওয়াগে
দিশুওয়ৗ দক আশঃআ। দিশুওয়ৗ দ সারাঘৗড়িচ্ গে দিসম-সাঁওতা-সমাজ রেনাঃ ভৗলৗই আর লাহান্তি
ক খজ্ আগুওয়াকাদা। আর আদিবাসী গাঁতাত রেন বৗড়তি কায়তে সান্তাড় হড়-হপন কদ দিসম-সাঁওতা-সমাজ
রেনাঃ ভৗলৗই আর লাহান্তি সাঁও সাঁওতে জুমিদ-তে তাঁহেন হঁক কুশিয়াঃআ। যাতে আর আর জৗতিক
উনৗ আলগাতে আলক নিস্ড়ৗও দাড়েয়াকো মা আর আকোওয়াঃ সাঁওতা-সমাজ আকো আকোতেক চাচালাও দাড়েয়াঃমা
নংকান আয়মা লেকান অজেতে অৗডি সেদায়রে সাঁওতারে মাঝি অৗরি বেনাও লেনা।
নেবেতার সেদায়াঃ
মাঝি অৗরি মেনাঃ আকাৎ রেহঁ আরহঁ সাঁওতারে আয়মা মাঝি-পারগানা বাবাক উপেল এনা। অকয়দ দিসম
মাঝি,অকয়দ দিসম পারগানা, দিসম পারানিক বাবা এমান এমান ঠাঁওরে মেনাঃ আকাৎ কোওয়া। আর
ওনকো মাঝি-পারগানা বাবা তাকোওয়া মিৎ মারাং সংগঠন রেনাঃ ঞুতুম গে ভারত জাকাত মাঝি পারগানা
মহল। আর অনা মহল গে নিৎ তিনৗঃ যে হৗটিঞঃ কান দিশুওয়ৗঃ কোওয়াঃ দিশৗরে বাং তাঁহেন কানা
মেন্তেহঁ আয়মা হড়াঃ মচা খন কাথা রাকাপ্ কানা মেন্তে বাডায়ঃ কানা।
অনকান মিৎ হৗটিঞ
বাঁকুড়া জিলৗ ভারত জাকাত মাঝি পারগানা মহল পাহ্টা খন গাপা ১৪.০৮.২০২০ বেড়া ১০ বাজা
অক্তে বাঁকুড়া জিলৗ ছাতনা থানা শুশুনিয়ৗ বুরু জাপাঃরে মেনাঃ ‘মুরুৎ বাহা ইকো
পার্ক’ রে মিৎ মিদুন এ সাপ্ড়াও আকাদা। বাডায় আকানা অনা মিদুন রে সভাগম্কে লেকাতে
তাঁহেন কানায় মানতান মৃত্যুঞ্জয় মুরমু (সভাধিপতি,বাঁকুড়া জিলা পরিষদ), মারাং পেড়া লেকাতে
সেটের তাঁহেন কানায় মানতান নিত্যানন্দ হেম্ব্রম (দিশম পারগানা), নেঁওতা পেড়া লেকাতে
তাঁহেন কানায় মানতান অরুন কুমার সরেন ( সুৎরেত্, পশ্চিমবঙ্গ সাঁওতালি শিক্ষার অধিকার
রক্ষা মঞ্চ), মৗনান পেড়া লেকাতে তাঁহেন কানাকো মানতান রবিন টুডু (পনত্ পারগানা, ভা.জা.মা.পা.ম.), মানতান
বীরেন্দ্র নাথ টুডু (বিধায়ক, রাইপুর বিধানসভা), মানতানিয়ৗ জ্যোৎস্না মান্ডি (বিধায়ক,
রানীবাঁধ বিধানসভা),মানতান রাজেন্দ্রনাথ মুরমু (পনত্ জগ পারগানা, ভা.জা.মা.পা.ম.),
ডাঃ মঙ্গল সরেন (পনত্ পারানিক, ভা.জা.মা.পা.ম.), মানতান রবিনাথ মান্ডি (পনত্ গডেৎ,
ভা.জা.মা.পা.ম.) সাঁওতে আরহঁ আয়মা পেড়াক সেটের তাঁহেনা। আর অনা মিদুন রে সানাম ক সহর
সেটেরঃ লাগিৎ মহল পাহ্টা খন নেঁহর দহ হোয় আকানা মেন্তেহঁ বাডায় আকানা।
মেনখান অনা জিলৗ
রেনাঃ গে আর মিৎ হৗটিঞ বাঁকুড়া জিলৗ ভারত জাকাত মাঝি পারগানা মহল পাহ্টা খন সানাম
মাঝি বাবা, মাঝি হপনক বাডায় হচঃ হোয় আকানা বাংমা ১৪.০৮.২০২০ হিৎ হিলঃ জাঁহা শুশুনিয়ৗবুরু
জাপাঃ ‘মুরুৎ বাহা ইকো পার্ক’ রে ভারত জাকাত মাঝি পারগানা মহল, বাঁকুড়া জিলৗ ঞুতুম
কাতে জাঁহা গালমারাও সৗহিজুহি আকানা, অনা সাঁওতে বাঁকুড়া জিলৗ মহলাঃ অকা সৗগৗই গে বৗনুঃআ।
বাঁকুড়া জিলৗ ভারত জাকাত মাঝি পারগানা মহল পাহ্টা খন জিলৗ গডেৎ মানতান বিপ্লব সরেন
আরহঁয় বাডায় হচঃ আকাৎ কোওয়া বাংমা –“ সনৎ,সৗরি,সৗড়য়ৗরান সান্তাড় সাঁওতা অৗরি কাঠামো
কাঁড়গো লটম কাতে মিৎ-বার সুসৗরিয়ৗ সাজতে সাজাও আন মৗনমি নংকান বে-সাঁওতা অৗরি কৗমি
রেক আড়গো কানা। রাজ অৗরি পার্টিয়াঃ আচু চাচালাওতে সাঁওতা অৗরি জুমিদ রৗপুদ্ রেয়াঃ নিরঘিন
খেলোড ক এহব্ আকাদা” মেন্তেহঁ বাঁকুড়া জিলৗ গডেৎ মানতান বিপ্লব সরেন নংকান অভিযোগ
এ সাব্ রাকাব্ আকাদা।
মেনখান নিৎ বাডায়
ঞাম আকানা বাংমা বাঁকুড়া জিলৗ হড় সুমুং দ বাং গটা দিশম রেন দিশুওয়ৗ হঁক আঁদে চাঁদে
কানা। অকাটা ভারত জাকাত মাঝি পারগানা মহল সৗরিয়াঃ, যথাতা আর সাঁওতা অৗরিয়াঃনা কানা
নংকান কুক্লি হঁ দিশম হড় তালা খনগে রাকাব্ কানা। দিশম হড়হঁ তেঁহেঞ আকোওয়াঃ অকাটাঃ
সৗরিয়াঃ কানা অনা বাডায় সানায়েৎ কোওয়া। তবে গাপা ‘মুরুৎ বাহা ইকো পার্ক’ রেনাঃ মিদুন
রে আয়মা হড়াঃগে নজর মেনাঃআ দিসম হড় ক মুদ্রে অকয় দ আকাসেচ্ ক চালাঃ কানা ?
.webp)
