আবোওয়াঃ ওয়েব্ পেজ্- হুলমাহা রেনাঃ জের অৗওরি পারমঃতেগে মেনেৎ ২৪ ঘন্টা অৗওরি পারমঃতেগে সিধু-কানু মুঠৗন রৗপুদ্ কেদাক পুরুলিয়ৗ জিলৗ মানবাজার ১ নং ব্লক রেনাঃ কাদলাগোড়া আতোরে। অঁডেরেন সোর সোপোর ঠেন খন বাডায় ঞাম এনা বাংমা কাদলা গোড়া রেনাঃমিৎ জুনিয়র হাই ইস্কুল সোর গডারে তাঁহেলেন সিধু –কানু মুঠৗনক রৗপুদ কেদা কুমুনিয়ৗ হড়। নোওয়া কাথা আঁজম আর বাডায় সাঁও সাঁওতে অনা সোর সোপোর রেন হড়দ রৗগি আর কাঁহিশক সদর আকাদা। বাডায় আকানা অনা আতোরেগে তাঁহেনায় পছিম বাংলা আদিবাসী অনগ্রসর কল্যান দপ্তর রেন মানতানিয়ৗ মন্ত্রী সন্ধ্যা রাণী টুডু। বাডায় আকানা মানতানিয়ৗ টুডু নোওয়া ঘটন রেনাঃ অৗডি জোর এ রড় দারাম আকাদা আর নোওয়া ঘটন রে জপ্ড়াও আকান হড়ক সাব্ অচ আর উনকু শাসেৎ রেয়াঃ হঁয় দৗবি দহ আকাদা।
তবে নোওয়া ঘটন ইদিকাতে রাজ অৗরিরেনাঃ এদ্রে এলাং এলাকারে গুরলৗ কানা মেন্তে বাডায়ঃ কানা। আর নিৎ ধৗবিচ্ নোওয়া ঘটন রেন দোষীক মানবাজার থানা প্রশাসনিয়া অকয়হঁ আওরি পাক্ড়াও দাড়েয়াকোওয়া তবে আডি জোর তুংখি তলাশ রেক ছুটাও আকানা মেন্তেহঁ বাডায় আকানা।
বাডায় আকানা তেহেঞ মানবাজার সুমুংদ বাং নোওয়া মাড়াং ঝাড়খন্ড, দূর্গাপুর, বীরভূম এমান এমান এলাকা করেহঁ নংকাগে মিৎ লেতাড় গে সিধু-কানু মুঠৗন রৗপুদ্ রেনাঃ চিতৗর খবর পাথাম করে ঝাল্কাও রাকাপ্ গদঃ কান গেয়া। নোওয়াক ঘটন ঞেল্ কাতে আয়মা হড়াঃগে নিৎ কুক্লি রাকাপ্ হিজুঃ কানা তবে চেৎ আদিবাসী হড় হপন চেতান নাহাচারদ সৗরিগে আরহঁ নাওয়া কারতে এহপ আকানা। এনহঁ হড় হপনআ হুঁশ বাং হিজুঃকানা ? তবে চেৎ আদিবাসী হড় হপনাঃ জুমিৎ রেনাঃ অভাবক ঞেল এৎ তেগে কুমুনিৗয় কদ নংকান ঘটন ঘটাও রেনাঃ সাঁহাস্ক ঞাম এদা ? নংকান আয়মা কুক্লিদ তাঁহেন কান গেয়া আদিবাসী হড় হপন ঠেন ?
.webp)
