 |
| ডাঃ বিধান চন্দ্র রায় |
আবোওয়াঃ ওয়েব পেজ্ - সানাম কগে পে বাডায় তবোনা যে, যাও সেরমাগে ১লা জুলাই দ ‘জৗতিয়ৗরি ডাক্তর মাহা’ লেকাতে আবো ভারত দিশমরে মানাও বাতাওঅঃ কানা হানে ১৯৯১ সাল খন। ১লা জুলাই হিলোঃদ অৗডি ঞুতুমান ধনন্তরি ডাক্তর আর পুছিম বাংলারেন দসার মুখিয়ৗ মন্ত্রী ডাঃ বিধান চন্দ্র রায়-আঃ জানাম আর গুর মাহাহঁ কানা। উনিদয় জানাম লেনা ইং-১৮৮২ সালরে। উনি ডাক্তর গে মান এমায় আর উইহৗর আঁজলেয়ে লৗগিৎ তেগে ১লা জুলাই হিলোঃদ গোটা ভারত দিশমরে ‘জৗতিয়ৗরি ডাক্তর মাহা’ মানাও বাতাওঅঃ কানা। আসলরে নাহাঃ তিকিছাসেবা আর হড়ম সাঁওয়ার নাপায় দহয়রে ডাক্তর কোওয়াঃ অসাম্ভেড় এনেম মেন্মে সমাজ রে ওনকোওয়াঃ ঞুম ঝাগঃ লেকান কৗমিতেয়াঃ দিশৗয় রে আর ওনকো সন্মান বাডায় অচ কো লৗগিৎতে পালাওঅঃআ ‘জৗতিয়ৗরি ডাক্তর মাহা’। ডাক্তর কো লৗগ্তিয়ৗন সন্মান এমাওয়াকো, ‘হটঃমালা লেকা’ গাতে লেকা আপনার কো, ঝতম খন মারাংদ ডাক্তর কদ সমাজ রেন দামান দুরিব্ লেকাতে যতন-জগাও আর রুখিয়ৗও দহ কো লৗগিৎ দিশম মৗনমি কোওয়াঃ অন্তর জিউয়িরে চেঘাঁওনা অচয়- নোওয়াগে ডাক্তর মাহা পালাও রেয়াঃ মারাং জস দ । এনতে ডাক্তর কদ রগী সেবারে,ফৗরয়ৗ-চেঠা রুওয়ৗড় রে জিউয়ি ক আলায় তাকোওয়া। এটাঃ হড়াঃ জিনগি-জিয়ন নাপায় আর সাঁওয়ার লৗগিৎতে কুরুমুটু ভেদ্ রেকো তাঁহেনা। অনাতে সানাম মৗনমি কোঠেন ‘ডাক্তর মাহা’ মানাও রেয়াঃ হামাল তেৎদ মেনাঃ আনা। ডাঃ বিধান চন্দ্র রায় দ বাঙ্গালি সমাজ ঠেন সুমুং দ বাং, সানাম ভারতিয়ৗ কোঠেন গে উনিদ গুনান, মানান আর যায়যুগ মানাওয়ান মৗনমি কানায়। আবো সানাম কোওয়াগে ডাঃ বিধান চন্দ্র রায় ইদিকাতে আরহঁ বৗড়তি বাডায় রেনাঃ ,খঁদ্রঁদ্ রেনাঃ লৗগ্তি মেনাঃ আনা। সাঁও সাঁওতে ডাঃ বিধান চন্দ্র রায় লেকান মৗনমি কোওয়াঃ মহান আদর্শতে উদ্গৗও কাতে ডাক্তর কহঁ, মৗনমি লৗগিৎ , রুগি কো লৗগিৎ সিঁগে সিঞ সিঁগেঞিদা সেবা কৗমিরে লাগয়া পাড়াও লেক্ রেনাঃ অক্ত সেটেরাকানা। তেহেঞ সমাজঠেন আর অক্তঠেন,ডাক্তর আর সমাজরেন এটাঃ মৗনমি – সানাম কোওয়াঃগে দায়বদ্ধতা মেনাঃ আনাং।
.webp)
