(হুডিঞ কৗহ্নি)
গুলন চন্দ্র মুর্মু
সেতাঃ রেগে হুতুং ফারচা কাতেঃ কাগজ কলম আতেৎ ইঞ দুড়ুব আকানা মাঝিক দুড়ুব বাখ্রা চিঠি অল্ । এহব এনা, আমদ অনাগে তবং কাঃমে,বাংদ মিৎ বেড়া গিদৗর পাড়হাঃ এম দুড়ুবেকান, বাং দ জাহানাঃ এম কৗমিকান্! দিনৗম দিনগে অকাচম ঊছনঃকান? খৗলি লৗড়হৗই কগেম পান্তে বাড়ায়া। যাহাঁ রেগেক লৗড়হৗই অঁডেগে বিচৗর এম চালাঃ আ। খৗলিম মেনা, জুমিদঃ আবন লৗড়হৗই লৗগিৎ। তিনৗঃ চং দিশম হড়েম জুমিদেৎ ক,? উকুর তিনৗঃ সান্তাড় ক বুঝ এদা? বাং দ সুতৗন টৗন্ডি পে বাঞ্চাও কেদ? বাংদ অতহাসা বির বুরু পে আটকাও কেদ? আলপে মনেঃ আ ,আপেয়াঃ কাথা ক আঁজমা! গিদরৗ হঁ বায় আজম এদা আর নঁতে গগ বাবা হঁকিন এগের কানা,,,,,,দিনৗম গে চেদ্ কপে মিটিং আ? খেতক,বাড়গে ক এটেদ হুয়ুঃ আ,তবে তো বাঁঞ্চাআ ! মচা খন উডুক গৎ এন্ তিঞা,,এ গ,আবো হঁ নং কা এটেদঃ লৗগ্তি বোনা, বাংখান ক জম চাবা বোনা ! বৗহু মা আরহঁয় জুটিজ্ আদা,বুহুৎ এম সুসৗরিয়ৗ আকানা,গিদরৗ লাহাতে মানুষ লেম্ ! সুসৗরিয়ৗ তেদ চেৎ টাকাম্ রোজগার এদা? চেৎ তেম রোজগার আ, লাহা অনা চিন্তায় মে। আয়ু হঁয় মেন গৎ কেদা,বির রে কাঠ সাহান ,মিহু,মেরম কো তাঁহেলেন তেলে আসুল হারা আকাৎ পেয়া,নিৎ মাকো চাবা কেৎ,হাইডোল বেনাও কাতেৎ,। যা উডিচ্ সারেজ আকানা অনা হঁত ক চাবায়া, আরহঁ পেয়া হাইডোল ক বেনাও লৗগিৎ। নোওয়া বুরু খন তো দৗড় লাগাও বোনা,চেৎ তেবন উদম আসুলঃ আ?
জাপান কোম্পানিমা বির বুরুয় কিরিঞ চাবায়েৎ,আর লজ্ কোম্পানি মা বাবা হাঃ জমি কয় কিরিঞ চাবায়েৎ।কলাবেড়া রেন পাহড়া কমা বুরু খন ক আঁড়গ কেৎ কোওয়া । মনে তেদঞ গোটা কেদা দিশম কৗমিঞ চালাঃআ, যাঁহায় কক চালাঃ কান উনকু সাঁওতে,। দিশম কৗমি রেহঁ কৗমি কাতেৎ পয়সা কো বাংক এমাম লেখান চিকৗয়াম ? আর চেৎ কৗমিক সেঁড়া কাতেৎ যে আব সেচ্ রেম কৗমিয়া,অনা হঁত বাং হুয়ুঃ আ। অনকানাঃ মিসিন কমা নতে বানুঃগে । হাপে,চামটু ঠেন গিঞ চালাও লেনগে , কৗমি কয় ইমৗঞ খান্? মঁড়ে বিঘৗ জমি পঁঞ্চাশ লাখ টাকাতেয় অৗখরিঞ আকাদা । আজ বাবা তিনৗঃ কস্টো তেচং এ রেকড় লেৎ ?
চালাঃ চালাঃ তে মিৎ মুরুব্বী মাঝিঞ ঞাম কেদে খান্ গালমারাঃ কানালিঞ - আচ্ছা মাঝি হড় হলানঃ মাঝিপারগানা মহলাঃ দুপুড়ুপ রেম সেটের লেনা ? মাঝি হড় এ মেন গৎ কেদা , আর দুপুড়ুপ্ তাম, কৗমি বৗগিকাতেৎ চিকৗতেম চালাঃআ ।,,, এয়া নোওয়া মাড়াং ইঞ সেন বাড়ালেনা ,ঞেল আকাৎ কোয়াঞ- উনকু দ এখেন মাস্টার কড়া কানাক , কৗমিগেতাক চেদ ? খৗলি ক মেন এদা জুমিদঃ আবন,লৗড়হৗই আবন্। ইঞ দুঞ মেন গৎ কেদা ইঞিঞ চালাও লেনা হড়গে বাং ক সেটের লেনা। আদ মুরুব্বী মাঝি হড় এ মেন গৎ কেদা আজম মে বাবু,,,, তিলকৗ,সিধু,কানু,বিরসা সানাম গে জেহেল রে ইদি কাতেৎ ক গচ্ আকাৎ কোওয়া। সরকার ঠেন দম দাড়েঃ আ? নুকু হঁক জেহেল কোওয়া সে উনরে বুঝৗও তেৎ ক ঞামা। নুকুআঃ ধারপাস করে আলম সুর বাড়াঃ আ,জেহেল মে লেখান্ক গিদৗর পিদৗর অকয় অৗসুল কতামা? সাঁওতা সমাজ দম চিকৗয়ৗ? সাঁওতা সমাজদ হাঁ দুঃখ রে টাকা কয় এম গড় আমা সে অভাব এ পুরুন তামা? বাদ্ কাঃ মেসে অনা মহল টহল কদ। চলো নুনিয়া আতু রে চারডিহৗ মাঝি বিচৗরক হহ আকাদা,বৗহু জাঁওয়ায় বিচৗর। পৗউরৗ মাতো মেনাঃগে,আরহঁ আদায় টাকা ভাগ্ ঞামঃআ ।
ইনৗ খানগে টিম্পৗ টাম্পে সেটের এনায় ভৗটু ,কুলি কেদেয়ালিঞ এয়া ভাটু,, সেতাঃরেদ অকাখনেম হিজুঃ কানায়া? ভৗটুয় মেন গদ কেদা,,এ দাদা আর আলবেন লৗইয়ৗ মৗইরি হলা আয়ুব লে সেন লেনা অনা লজ , কলকাতা রেন বাবু তেকক কল লেৎ লেয়া এনেজ আখড়া,আদ বাবু তাকোওয়াগ আরাঃ পৗউরৗ ঞু তিঞ গিতিজ তাঁহে এনা , বৗঞ দিশৗ লেদা তিন রেচংক বৗগি কৗওদিঞ! আরহঁ লিঞ কুলি কেদেয়া,,আর গগ হড় কদয়া,,? গগ হড় কহঁ ক ঞু বাড়া কেদ গেয়া আরক অকায়েন চং? দিন গে দাদা ক কল লেয়া। তেহেঞ মিদ চাঁদ গান হুয় এনা! আলে বাংখান কি এনেজ আখড়া জমকঃ আ?
বিচৗর দিন সেটের এনখান চালাও এন গিয়ৗলিঞ,,,,,,,,,,,সৗরি গেত সেন কাতেঞ ঞেল কেৎ কোওয়া জুমিদ লৗগিৎ দ হড়গে বাং আর টাকা আদায় বিচৗর রেমা চারডিহৗ মাঝি জায়গারে বিশ মাঝি হড় কো সেটের আকানা । বিচৗর দ হুয় এনা যে, বাবা হড় কুঁড়বি সালাঃ ফুল এ পাতাও আকাদা,পৗউরৗ কয় ঞু বাড়ায় তে আর অড়াঃ করে বায় কৗমিতে,দিশম কৗমি কো ভেজা আকাদেয়া,আর অড়াঃ রেদ কুঁড়বি ফুল সালাঃ কিন কৗমিয়া ! বারেয়া কড়া গিদৗর তাঁহেন তুলুচ্ দায়াগেক ছৗড্য়ী কাদেয়া । ভৗটু মা সেতাঃ রে হেজ্ কাতেয় , লৗই এদা মারাং কুড়ি তায়মা পে মাস হামাল হড়মো মেনাঃ আকাদেয়া ,চেৎ চিকৗয় হুয়ুঃআ। ঞিদৗ ঞিদৗ লজ্ রে এনেজ্ক চালাঃ কানা, কোলকাতা রেন বাবুয়াঃ আরাঃ , পৗউরৗ ঞুতে ক বাঁদি এদা,আর আতু কড়াক দোষঃ কানা। বানায় জমা জঁডরা আর অড়াঃ রেন শুকুরিয় দোষঃ কানা। অকা রেদ জুমিদ মেনাঃ আ ?
চৗমটু আঃ লজ অড়াঃ রিঞ সেটের এনা ,হহ আদে খান গঙ কাতেৎ মিৎটাং রুম রে দুড়ুব কিদিঞ তে,আদঞ কুলি কেদেয়া ,হেঁ দাদা লজ্ রেদ ভাড়া টিয়ৗ দ বানুঃ কোওয়া,,,,? আর আলম লৗইয়ৗ বয়হা,,, উনি কোলকাতা রেন বাবু ঠেনগে সানাম ক চালাঃ কানা,উনি উনৗঃ সুবিধা দম বেনাও দাড়েঃআ নিংকান হড় দ? আদঞ কুলি গদ কেদেয়া,,,,হেঁ দাদা উনি বাবু মা আমাঃ জায়গা রেগেসে বেনাও আকাদা লজ দ? অনা গেতয়া অৗডি মারাং ইঞ ভুল আকাদা অনা জায়গা আখরিং কাতেৎ, ! নিতঃ ইঞ উইহৗর এদা, ইঞতে ইঞগে বৗইরি দুঞ অৗগুয়ানা । মাসে বাবু আমগে লৗইমে আদ অকারেদ নিৎ চেদ্ ইঞ চিকায়ৗ ?
.webp)
