( সেদায় হাড়াম্বা তেকো ঠেন খন্ তুমৗল ঞাম আকান কৗহ্নি
)
আযোদিয়ৗ সেঁদরা কুড়ি কদ চেদাঃ বাংক চালাঃআ ?
তুমৗলিচ্- গুলন চন্দ্র মুর্মু
সেদায় যুগ রে কাথায় আযোদিয়ৗ সেঁদরা উডুকঃ অক্ত কড়া ক সৗত সাপড়াঃ কানা অড়াঃ রেন এরা হাঃ মেড়হেদ্ সাকম তুৎ তুৎ তে । নোওয়া মেড়হেদ সাকম দ আযোদিয়ৗ সেঁদরা খন্ যদি রুওয়ৗড় হিজুঃ আয়,তবে গৗনিজ হা: এরা সে জুরি তায় এ হরঃ রুওয়ৗড় আয়া,বাংখান আদ রাঁডি কাতেৎ উডুকঃ কানা। অনাতে আদ অৗডি নিয়ম রে অড়াঃরে জুরি তাকো নিয়ম, ধরম, ধ্যান রে কো তাঁহেন তাবোনা
।
যেলেকা:-রঃ, চিরুন বাং গানোঃ আ, বাং খান বানা কো ঞাম কোওয়া, পাতড়া,ফুড়ুঃ পৗটি বাং গানোঃ আ, বাং খান জানুম তেকো রগঃ আ, নং কা গে আর হঁ আয়মা লেকান্ ।
আদ মিৎ অড়াঃ রেন বারেয়া বয়হা কুড়ি কিন তাঁহে কানা,আদ কিন গোটায়েদা,, এ না চলো সে আলাং হঁ লাং চালাঃ আ, চেৎ লেকান সেঁদরা,,,নুনৗ নিয়ম ধরম দ ! চাম্পা বাহা, মাড়ার বাহা হঁলাং ঞেল আগু তরা য়া। আদ আচ্ দাদা কিন্ মেতায় কানা - এ দা অৗলিঞ হঁ আযোদিয়ৗ সেঁদরা লিঞ চালাঃ আ ! উনরে মারাং দাদায় মেন্ এদা - এ মৗই কুড়ি হপন মা আযোদিয়ৗ সেঁদরা বাংক চালাঃ দ,চিকৗতেদঞ ইদি বেনা? আদ কিন্ গালমারাও এনা , এনা দাদা দ বাং এ ইদি লাং আ । দেন্ আলাং গে বাবা হড় লেকা লাং সাজাঃ আ। আর তায়ম তায়ম তেলাং পাঁজা কাকো আ ।
 |
| গল বুনুম |
আদ সেনঃ সেনঃ তে গাতেক খন মৗকিন ছুডৗর এন্ , এটাঃ দল্ সাঁওতেকিন চালাও এন্ গেয়া। আদ বুরু রাকাব্ পুরাও সাঁওতে বেড়ায় হাঁসুরেন খান এদেল বেডা,ঞিদির ঘুটু রেকো জিরৗ আ, ভাঁজ ধিরি তুল বিডৗও বাড়া কাতেৎ, দাকা ক ইসিন জম বাড়া কাতেৎ কৗটিজ ক জৗপিৎ আ। আতেন ধিরি রে আতেন্ কাতেৎ আদ ভোর ঞিদৗ বেরেদ বেরেদ তে বির ক বলনা।
আদ গোটা বির ক সেঁদরা কেদা,ঞিদা হঁক আঁগা কেদা। বির ভিতির সেতেঞ ডৗডি:- বাহা ডৗডি,পরায়নি দাঃ,মারে দাঃ,পায়া দারহা, হর টকাঃ, টিপকৗ পৗনি করে হুতুং ফারচা কাতেঃ লুবুঃ পটম ক জম বাড়া কাতেঃ হাঁ গল্ বুনুম লেকাতে গল্ কাতেৎ সূতান টাঁডিক উডুক ঞাপামা আর লঃবির বৗইসী বিচৗর কাতেৎ চাম্পা বাহা,মাড়ার বাহা সিৎ সিৎ তে অড়াঃ ক রুওয়ৗড় আ ।
আদ হুতুং অঃ অক্ত গে ধরা কিন পাড়াও এনা দিশুওয়ৗ মেৎরে। দিশুওয়ৗক মেন্ কেদা,,,এয়া নুকিন মা তো কুড়ি লেকা কিন হুতুং অঃ কান দ….? কুড়ি হপন্ গেত বানার্ তি আঁজলে কাতেক হুতুং অঃদ । ঞেল্ কিন পেসে,পাছেৎ য়া কিন কুড়ি কান্? আদ ভৗলি কাতেৎ ক ঞেল কিন কেৎ তে সদর উতৗর এনাকিন্। গোটা কেদাক চলো সূতৗন টাঁডি "ল বির বাইসী" বন্ ইদি কি না। "লঃ মহল ল বির বৗইসি" রেদ সৗরি সারজম ডৗর বিৎ কাতেৎ সৗরি ক বিচৗর আ! আর নোওয়া বিচৗর রেনাঃ রায় গে মুচৗদ রায় মেন তে বো বাতাও আ।
ইদি কাতেৎ দিশম হড়ঠেন ক সদর সামাং কেৎ কি না। ল-বির বৗইসী রেক গোটা কেদা বাংমা কুড়ি হপন্ দ আযোদিয়ৗ সেঁদরা দ তিস্ হঁ বাং ক হেজ্ আকানা। আর অকয় হঁ বাং বন্ আগু আকাৎ কোওয়া। তেহেঞ নুকিন কিন্ হেচ্ আকানা,বুজতে
সে বাং বুজ্ তে, নঁডে নাঃ সানাম কাথা কিন সদর তাবোনা,নুকিন দ বাং বন্ রুওয়ৗড় হচ অৗকিনা সে চেৎ পে মেন এদা দিশুওয়ৗ বাবাক ? সানাম দিশুওয়ৗ কগে ক সমর্থন কেদা ।আর অনা ল- বির বিচৗর টান্ডি রেগে ক লঃ তরজ লেৎ কিনৗ। অনাতে আযোদিয়ৗ সেঁদরা দ কুড়ি কদ ইদি নিৎ হঁ অকয় গে বাং ক সাহস্ আ ।
.webp)
