১৮৫৭ রেনাঃ "সিপাহী হুল" রেহঁ আবো সান্তাড় ক
তুমৗলিচ :- গুলন চন্দ্র মুর্মু
উনবিংশ শতাব্দীরে মানভূম রেন জতখনাঃ ঞুতুমৗনিচ্ মহারাজা দ নীলমনি সিংহদেও ।আবো সান্তাড় কো সাঁওতে অৗডি গৗহির সৗগৗই জপড়াও লেনতে সান্তাড় চেতান রে দরদ হঁ তাঁহে লেন তায় গেয়া। অনাতে আবো সান্তাড় কো"বঙ্গারাজা" মেনতে কো মেতায় কান তাঁহেৎ। তবে বাড়ায় আকাৎ গেয়াবন ইং-১৮৫৫সাল মাড়াং খন্ গে কোম্পানি শাসন বিরুদ রে মানভূম রেন সান্তাড় কোওয়াগ্ অৗডি বৗড়তি এদ্রে সে রৗগি সারসাও জাওরা লেনা। আর নোওয়া এদ্রে গে ফুটেল অডক লেনা ১৮৫৭ সাল রেনাঃ "সিপাহী হুল" রে। তবে কাথাচ্ ১৮৫৫সাল রেনাঃ"দৗমিন-ই-কো" রেনাঃ সান্তাড় হুল রেদ আবো মানভূম রে অনকা লেকা আঁচ দ বাং ঞেল লেন রেহঁ কোম্পানি শাসন বিরুদ রে দ হূল সেঁঙ্গেল দ হুদকাও রাকাব লেন গেয়া ।
যাঁহা ক খৗতির আবো সান্তাড়াঃ বেরেল মায়াম লল লেনা:-
( ১) বিরবুরু গাজাড় করে আবোতে আবো লেকা অড়াঃ ডিঁডৗ বেনাও কাতেঃ বিরবুরু রেগে বোন সেঁদরা আশুল্ঃ কান তাঁহেৎ রেহঁ কোম্পানি চিকৗতে আবোঠেন জোর জুলুম কাতেৎ খাজনা আদায়ে রিকিড় কেদা? চেদ খাতির গে বাং খাজনা বোন এমা?
(২) বির বুরু হির্লৗ সান্তাড় বির রেনাঃ জ-বিলি,আড়াঃ সাকাম,আর রেহেদ্ সেঁদেৎ জম তেবন তাঁহেন কান তাঁহেৎ,তবে জিব্ জিয়ৗলি সেঁদরা দ আডি রৗস্কৗহান আর অৗডি জুলুম আন্ পান্থা তাঁহে কানা। কোম্পানী আইন রে পাড়াও কাতেৎ বির বুরু চেতান সান্তাড়াঃ হক্ অৗইদৗর এ চাবা লেদা। প্রাকৃতিক পূজৗরি সান্তাড়,প্রকৃতি খনাঃ রাচাঃ ছাডাও,,যেলেকা বির বুরু আয়ো আঃ কোলে খনাঃ গিদরৗ রাচাঃ ছাডাও সমান লেকান কাঁহিস তৗপিস্ তেগে হড়মো মায়াম লল লেন তাবোনা।
(৩) আবো সান্তাড়াঃ মা আয়ো হড়্,বাবা হড় সমান গে পাহাড় ফাটা কৗমি দাড়ে মেনাঃ তাবোনা মেন্তে নিৎ রেঁহ সারহাও মেনাঃ তাবোনা। মেনখান নং কান হালৎ রে কুড়ি গিদরৗ ক কোম্পানি রেন কৗমিয়ৗ কোঠেন ইজ্জত কো নাসাও অচঃ কান তাঁহেৎ। নোওয়া ক খৗতির তেগে পালে "রাকাব্ বির ভিতরী"রে মিৎঠেনজাওরা কাতেৎ জুমিদ দাড়ে কেটেজ লৗগিৎ কিরিয়ৗ কো হাতাও লেদা।
১৮৫৭সাল রেনাঃ ৫ই আগষ্ট হিলোঃ হুল সেঁঙ্গেল দ পাসনাও এনা । মানভূম জেল খানা রে তাঁহে কান বার খন পে শায় কয়েদিক বাঁকুড়া ক ভেজা কোওয়া মেন্তে,নতে অনা মাড়াং রেগে রামগড় ব্যাটেলিয়ান সিপৗহীক হুল ক এহব কেদা। আর নুকু সাঁও তেগে অৗডি অৗডি সান্তাড় নোওয়া হূল রে গড় ক এম কেদা।রাকাব্ রেনাঃ কর্কটা আতুরেন খেলু মাঝি ঞুতুমৗনিচ্ মিৎ সান্তাড় মূল হুলগৗরিয়ৗয় তাঁহে কানা।ট্রেজারী ক লুট কেদা, ট্রেজারী রে তাঁহে কান মিৎ লাখ টাকা হঁ ক লুট কেদা, জেল ক রাপুদ কেদা,জেহেল রেন সানাম কয়েদি ক অডক এনা। রঘুনাথপুর রেনাঃ কোর্ট রে সেঁঙ্গেল ক ধরাও আদা। পুরুলিয়ৗ সরকারি ভবন রেনাঃ সানাম কাগজ পত্র ল-তরজ্ এনা। নিলকুঠিডাঙ্গা,তেলকল পাড়া রে তাঁহে লেন কুঠিরে সেঁঙ্গেল ক ধরাও আদা। রামগড় ব্যাটেলিয়ান কদ পুরুলিয়ৗ খনাঃ ঝালদা লেকাতে রাঁচি ডাহার তেক চালাও এনা। নোওয়া অক্ত দ ঝালদা রেন রাজা হরিহর সিং দ হাজারিবাগ জেল রেয় তাঁহে কানা। নোওয়া হূল হাজারিবাগ রেহঁ পাসনাও এনা,অঁডেনাঃ জেল হঁ কো রাপুদ কেৎ খান হরিহর রাজা দ উডুক কাতেৎ "ক্যাপ্টেন ওক্স সাঁওতে গাতেয় এনা আর কোম্পানি সাঁওগে সমর্থন কেদায়। অনাতে রাঁচি-রামগড় খন পুরুলিয়ৗ হিজুঃ বির হর্ তে হুলগৗরিয়ৗ ক যাতে আলো ক হেজ সেন দাড়েঃ মা,নোওয়া আঁগিভার রাজা হরিহর কো এমাদেয়া কিছু টাকা পয়সা তে।
নাতে জয়পুর রেন রাজা কাশিনাথ সিং হঁ কোম্পানি সাঁও এ গাতে এনতে সান্তাড় হুলগৗরিয়ৗ ক জয়পুর হঁ ক আক্রমন কেদ্ খান্ রাজা হাঃ গুরুবংশ রেন জনৈক গোস্বামী আর পুরোহিত বংশ রেন হারাধন আচার্য্য তৗকিন ক সাবাড় উতৗর কাৎ কিনৗ। নোওয়া হূল অক্ত দ পুরুলিয়ৗ রেদ কো তাঁহে কানা ১২ গটাং ইউরোপীয় অফিসার ।নংকা কাতেগে আবো আদিবাসী হড়-হপন কদ হুল আগুয়েৎ গেয়া।
.webp)
