আবোওয়াঃ ওয়েব পেজ : ধৗরতি জাকাত কোভিড-১৯ রেনাঃ দাপটতে দিনৗম দিন রেনাঃ নেয়ামগে বদল গৎ আকানা। আর অনা রেনাঃ অরসংগে সানাম ইস্কুল, কলেজ,আপিস,আদালত,ইউনিভার্সিটি্ করে ঞেলঃগঃ কানা। অনা তালারেগে সরকার-আঃ অৗরি বাতাও কাতেৎগে নেশহঁ যাও সেরমা লেকাগে পুরুলিয়ৗ জিলৗ সিধো-কানহো-বিরসা ইউনিভার্সিটি্ ‘হুলমাহা’ মানাও আখড়া নেশদ ওয়েব সাইট তালাতে সাপড়াও আকাদা।
বাডায় আকানা সেতাঃ ১০.৩০বাজা অক্তে বীরবান্টা সিধো-কানহো মুঠৗনরে বাহামালা এম তালাতে মানত্ আখড়া এহব আ। নোওয়া মানত্ আখড়ারে সেটের কিন তাঁহেনা সিধো-কানহো-বিরসা ইউনিভার্সিটি্রেন মানতান ভাইস্-চ্যান্সেলার ডঃ দীপক কর আর মানতান রেজিস্টার ডঃ নচিকেতা বন্দোপাধ্যায় সাঁওতে জেগেৎ বিরদৗগাড় রেন প্রফেসর আর পৗঠূওয়া কড়া-কুড়িক।
১১.০০বাজা খন মুড়ুৎ আখড়া এহবা- জেগেৎ বিরদৗগাড় রেন পৗঠূওয়া কড়া-কুড়িকোওয়া উঢৗও সেরেঞ তালাতে আর অনা তায়ম নেঁওতা পেড়া দারাম। ইনৗ তায়ম সাগুন দারাম বাঁখেড় এ দহয়া জেগেৎ বিরদৗগাড় রেন মানতান ভাইস্-চ্যান্সেলার ডঃ দীপক কর গম্কে।
নোওয়া মানত্ আখড়ারে মারাং পেড়া লেকাতে তাঁহেন কানায় মানতান মহাদেব হাঁসদা (অনলিয়ৗ আর ‘তেৎরে’ পাথাম সাসাপাড়াওয়িচ্)। বাডায় আকানা মানতান হাঁসদা গম্কেদ সান্তাড় হুল চেতানরে মুড়ৎ বাঁখেড় এ দহয়া। আরহঁ বাঁখেড়িয়ৗ লেকাতে সেটেরক তাহেন কানা- মানতান রেজিস্টার ডঃ নচিকেতা বন্দোপাধ্যায় (এস.কে.বি.ইউ.),মানতান যোগেন্দ্রনাথ মুরমু ( অ্যাসিস্টেন্ট প্রফেসর, বর্ধমান ইউনিভার্সিটি্),মানতান নাজু হাঁসদা (অ্যাসিস্টেন্ট প্রফেসর,এস.কে.বি.ইউ), মানতান ডঃ পাল্টন মুরমু (অ্যাসিস্টেন্ট প্রফেসর,এস.কে.বি.ইউ), আর সারহাওনাঃ বাখেঁড় এ দহয়া মানতান ডঃ জয়দীপ সেনগুপ্ত (Co-ordinator,Dept.of Anth.&Tribal studies, SKBU).
নোওয়া আখড়া সৗহি-জুহিরে মেনাঃআকাৎ কোওয়া Dept.of Anth.&Tribal studies & Dept.of Santali.আর নোওয়া আখড়া চাচালাও রে তাঁহেন কানায় মানতান শ্রীপতি টুডু গম্কে ( মুড়ুৎ বিভাগিয়ৗ, সান্তাড়ি বিভাগ,সিধো-কানহো-বিরসা জেগেৎ বিরদৗগাড় )।
বাডায় আকানা সিধো-কানহো-বিরসা ইউনিভার্সিটি্ রেনাঃ নোওয়া মানত্ আখড়া www.skbu.ac.in ওয়েব সাইট তালাতে দিশম হড়ক ঞেল ঞাম দাড়েয়াঃ।
.webp)
